მნიშვნელოვანი ინფორმაცია
16
მარტიდღის ზოგადი ასტროლოგიური პროგნოზი
მთვარის მეთვრამეტე დღე დაიწყება 22:24-ზე, მთვარე სასწორშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბიჭმა მისწერა, ცეცხლს წაგიკიდებ და გიყურებ, როგორ დაიწვებიო"- როგორ წაუკიდა 23 წლის გოგონას შეყვარებულმა ცეცხლი და როგორი ურთიერთობა ჰქონდა წყვილს მანამდე
10:52 / 02-09-2020
23 წლის გოგონას, სევა შალოიანს შეყვარებულმა 24 წლის შალვა გოგოლაძემ ბენზინი გადაასხა და ცეცხლი წაუკიდა. გოგოლაძე დაკავებულია და ჩადენილი დანაშაულისთვის სასჯელი 16-დან 20 წლამდე პატიმრობას ითვალისწინებს. მომხდარის შესახებ ჟურნალ "სარკესთან“ გოგონას მეგობარი ზანდა ხინგავა საუბრობს და იხსენებს, რომ გოგოლაძეს შეყვარებულზე ადრეც უძალადია.
- ერთხელ არაფხიზელ მდგომარეობაში მყოფმა სევაზე ფიზიკურად იძალადა - მხარზე შუშის ბოთლი გადაარტყა. საკუთარი ოჯახის წევრებთან იკამათა და გაბრაზებულმა სევას დაარტყა. ოჯახში რომ იჩხუბებდა, მერე ჯავრს სევაზე იყრიდა ხოლმე.
ეს ამბავი რომ მომიყვა, ვურჩიე, ჩამოშორებულიყო, მაგრამ სევას ეცოდებოდა. ამბობდა, ცოდოა, ოჯახის წევრებთან ასეთი დამოკიდებულება რომ აქვსო.
- სად ჩაარტყა ბოთლი, ქუჩაში?
- არა, თავისი ძმის ოჯახში წაიყვანა სტუმრად, სადაც მისი ძმის ცოლი დახვდათ. მხოლოდ გოგოები და შალვა იყვნენ. რაღაცაზე გაბრაზებულს კი სევასთვის მხარზე ბოთლი გადაურტყამს.
შეეძლო, ნებისმიერ სიტყვაზე წამოკიდებოდა, ძალიან მარტივად ფეთქდებოდა. მაშინ სევას ბეჭი დაუზიანდა. იმ დღეს ადგა და წამოვიდა. იქიდან არ უშვებდა, მაგრამ გამოარიდეს.
ასეთი ხასიათი რომ გამოავლინა, სევა ჩამოშორდა. დაახლოებით ორი თვე აღარ ჰქონდა ურთიერთობა, მაგრამ ბოლოს ისევ გამოჩნდა, ურეკავდა, სწერდა, ბოდიშებს უხდიდა. ეხვეწებოდა შემხვდიო. სევაც შეცდა, დაიჯერა, რომ შეიცვლებოდა და შეხვდა.
- ეს იყო ის საბედისწერო შეხვედრა?
- არა. ამის მერე ისევ იკამათეს და უნდოდა, საბოლოოდ ჩამოშორება, მაგრამ ეს ბიჭი ემუქრებოდა, არ გაცოცხლებო, ეუბნებოდა, ან ჩემთან იქნები, ან არავისთანო. პათოლოგიური აზროვნების მქონე ადამიანის ტექსტებით სწერდა, ემუქრებოდა, სევა ამბობდა არაფრის გამკეთებელია, მხოლოდ ლაპარაკობსო, სერიოზულად არ აღიქვამდა.
ბოლოს ბიჭმა მისწერა, ცეცხლს წაგიკიდებ და გიყურებ, როგორ დაიწვებიო. სევამ მე მომწერა, ნახე, რას მწერს, როგორ მემუქრება, ახლა ჩემს სახლთან მოვიდაო.
- ასეთი მუქარის მიუხედავად, მასთან შესახვედრად გავიდა?
- დიახ, რადგან მუქარა არ დაიჯერა, თან სევას სახლთან იქვე პოლიციაა და რას გაბედავსო, თქვა. პლუს იტალიურ, ხალხით სავსე ეზოში ცხოვრობს.
ჭიშკართან გავიდა მხოლოდ, არსად გაჰყოლია. მისი დაც სახლში იყო. გავიდა რომ ეთქვა, სამუდამოდ დაენებებინა თავი. ვურჩიე, თუ რამე იქნა, პოლიციაში დარეკე, მანდვე არიან, ერთი წამითაც არ დაფიქრდე-მეთქი. უკვე გვიანი იყო, ღამის პირველი საათი. ცოტა ხანს ველოდე და ჩამეძინა.
- რა მოხდა, როგორია ამ საზარელი ამბის დეტალები?
- სევა ამ თემაზე არ საუბრობს. ვიცი, რომ როცა გავიდა, ამ ბიჭმა სიტყვიერი შეურაცხყოფა მიაყენა, მერე დაარტყა. დარტყმისგან დარეტიანებულა. გონზე რომ მოვიდა, ბიჭმა ფეხებში ბენზინი შეასხა. თურმე ვერაფრით იფიქრა, რომ ცეცხლსაც მოუკიდებდა, შემოტრიალდა და სახლისკენ წავიდა, ამ დროს ცეცხლი მოუკიდა. თურმე იმხელა ცეცხლი იყო, გარშემო ყველა გამოვარდა, სევას მისცვივდნენ, მაგრამ ჩაქრობა გაუჭირდათ.
ცეცხლი რომ ჩააქრეს, თავიდან ასე ძალიან დამწვარი არ ჩანდა. სევა საკუთარი ფეხით შევიდა სახლში, არავის დახმარება დასჭირვებია. სასწრაფო დახმარება რომ მოვიდა, მერე გამოჩნდა მდგომარეობა - ხორცი მთლიანად ასძვრა ფეხებზე. შოკში იყო და ვერ იაზრებდა, რა ხდებოდა.
ცნობისთვის სევა შალოიანს სხეულის 37% აქვს დამწვარი და ახლა რეაბილიტაციის კურსს გადის. რაც შეეხება ბრალდებულს, ის დანაშაულს არ აღიარებს.
ინტერვიუ სრულად წაიკითხეთ ჟურნალ "სარკის" ამ კვირის ნომერში
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ასეთ ცხოველებს სამუდამო პატიმრობა უნდა მიესაჯოთ, რა გარანტიაა როცა გამოეთრება გარეთ რომ უარეს არ გააკეთებს?
ერთხელ და სამუდამოდ დაივიწყეთ 'იტალიური ეზო'. ეს არაბული არქიტექტურის სტილია, გავრცელებული იტალიაშიც და ესპანეთშიც. ცხადია ძველ თბილისშიც არაბული გავლენით შენდებოდა საცხოვრებელი სახლები!!!