მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სავსებით დასაშვებია, ეს დაზიანება განვითარებულიყო ხელკეტის მსგავსი საგნის ზემოქმედების შედეგად" - რას ამბობს შაქარაშვილის საქმის ექსპერტი
19:18 / 17-08-2020
სამედიცინო ექსპერტის ალექსანდრე გეჯაძის განცხადებით, 19 წლის ფეხბურთელის გიორგი შაქარაშვილის საქმეზე კომისიური ექსპერტიზის წინაშე დასმული იყო 14 შეკითხვა, რომელთაგანაც 8-ს პასუხი გაეცა. როგორც ექსპერტმა დღევანდელ პრესკონფერენციაზე აღნიშნა, შეკითხვები ძირითადად მოიცავს ტრავმის განვითარების მექანიზმის შესაძლო საკითხებზე მსჯელობას, რომელსაც შესაძლოა პასუხი მალევე გაეცეს.
"კომისიური ექსპერტიზის წინაშე დასმული იყო 14 შეკითხვა. გამოძიებამ, პირველ რიგში, სამხარაულის საექსპერტო დაწესებულებამ მოგვმართა თხოვნით, თუკი რომელიმე კითხვაზე პასუხის გაცემის საშუალება იყო, ამ კითხვებზე პასუხი გაგვეცა და გამოძიებისთვის წარგვედგინა ე.წ. შუალედური საექსპერტო დასკვნა. გამოძიების ინიციატივა საზოგადოების მაღალი ინტერესიდან გამომდინარე მოდიოდა, ასევე სამართლებრივი საკითხების გარკვევის მიზნით. შესაბამისად, გაიცა დასკვნა, რომლის ფორმატშიც 8 შეკითხვას პასუხი გაეცა. აღნიშნული შეკითხვები ძირითადად მოიცავს ტრავმის განვითარების მექანიზმის შესაძლო საკითხებზე მსჯელობას. დარჩა კიდევ რამდენიმე საკითხი, რომელზც გრძელდება კვლევა, საექსპერტო საქმიანობა. ბუნებრივია, ჩვენც და სამხარაულის საექსპერტო ცენტრიც დაინტერესებული ვართ, რომ რაც შეიძლება დროულად დაიდოს პასუხი დანარჩენ 6 შეკითხვაზე“,-აცხადებს გეჯაძე.
სამედიცინო ექსპერტის განმარტებით, გიორგი შაქარაშვილს სხეულზე აღენიშნებოდა ბლაგვი საგნის ტრავმა, ძირითადად სისხლნაჟღენთების სახით.
"წელის არეში ერთ-ერთი ადგილი მიუთითებდა სიგრძივი ფორმის სისხლნაჟღენთის არსებობას. სისხლაჟღენთი განვითარებულია მკვრივი, ბლაგვი საგნის მოქმედებით. მისი ფორმის და რელიეფის გათვალისწინებით, ჩვენ დავდეთ დასკვნა, რომ მაღალი ალბათობით, სავსებით დასაშვებია, ეს დაზიანება განვითარებულიყო ხელკეტის მსგავსი საგნის ზემოქმედების შედეგად",-განაცხადა გეჯაძემ.
როგორც სამედიცინო ექსპერტი განმარტავს, გამოკვლევით, გიორგი შაქარაშვილს მუცლის ღრუს ორგანოს დაზიანებული არ ჰქონია, თუმცა იყო სისხლჩაქცევები.
ალექსანდრე გეჯაძის თქმით, თუკი შაქარაშვილი გადარჩებოდა, ამ სისხლჩაქცევების გაწოვას არაუმეტეს 21 დღე დასჭირდებოდა.
"ადგილი ჰქონდა რბილ ქსოვილებში სისხლჩაქცევას, ანუ ჰემატომას და ასეთივე ხასიათის სისხლჩაქცევა იყო მცირე მენჯთან. ერთიც და მეორეც მსუბუქი ხარისხის დაზიანებას მიეკუთნება იმ მარტივი მიზეზის გამო, რომ ისინი გამოიწვევენ ჯანმრთელობის მოშლის ხანგრძლივობას არაუმეტეს 21 დღისა. თუკი შაქარაშვილი გადარჩებოდა, ამ სისხლჩაქცევების გაწოვას დასჭირდებოდა არაუმეტეს 21 დღე და ბუნებრივია, მას მკურნალობა, გამწოვი თერაპია, წოლითი რეჟიმი და ასე შემდეგ დასჭირდებოდა. მსუბუქი დაზიანება არ ნიშნავს იმას, რომ მას ჯანმთელობის მდგომარეობა შერყეული არ ჰქონია. სასამართლო-სამედიცინო ექსპერტიზის სტანდარტების გათვალისწინებით, ეს ნიშნავს მსუბუქი ხარისხის დაზიანებას, რასაც შეეძლო ჯანმრთელობის ხანმოკლე მოშლა გამოეწვია",-აცხადებს გეჯაძე.
ცნობისთვის, ფეხბურთელ გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს 19 ივნისს მიმართა. 4-დღიანი საძიებო სამუშაოების შედეგად, მყვინთავებმა ფეხბურთელ გიორგი შაქარაშვილის ცხედარი წყალში იპოვეს. აღნიშნულ საქმეზე დაკავებულია 17 პირი, მათგან 6 არასრუწლოვანია. დაკავებულების ნაწილს გამოძიება ძალადობას, ჯგუფური ძალადობის ორგანიზებას, ჯგუფურ ძალადობაში მონაწილეობას, თავისუფლების უკანონო აღკვეთასა და დამამძიმებელ გარემოებებში განზრახ მკვლელობას ედავება.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მაგის ზებნას რა ჭრილობა ქონდა და რამდენხანში გაივლიდა სულაც არაფერი მნიშვნელობა არა აქვს . მტავარია ის ცხოველები გასამართლდეს და სამუდამოდ გადაიკარგონ ხალხის მეხსიერებიდან.