მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ეს მოხდა ჩასაფრებით, წინასწარ განზრახვით" - ვინ დააკავეს კუკა სოფრომაძის მკვლელობის ბრალდებით?
12:35 / 17-08-2020
9 აგვისტოს, ტყიბულში34 წლის ზაურ (კუკა) სოფრომაძე მოკლეს. ახალგაზრდა კაცი ტყიბულში, საკუთარ ავტომობილში მაშინ ჩაცხრილეს, როცა ის წვეულებიდან შინ ბრუნდებოდა. მკვლელობა ცეცხლსასროლი იარაღიდან გასროლით მოხდა. თავდაპირველად ითქვა, რომ თავდამსხმელი, სავარაუდოდ, რამდენიმე იყო. დაჭრილი უგონო მდგომარეობაში საავადმყოფოში გადაიყვანეს, მაგრამ მალევე გარდაიცვალა. ცხედარი ჯერ ექსპერტიზაზე, იქიდან კი მშობლიურ სახლში, თერჯოლის სოფელ რუფოთში გადაასვენეს, სადაც ის მეუღლესთან და ორ მცირეწლოვან შვილთან ერთად ცხოვრობდა. მომხდარზე გამოძიება ოპერატიულად დაიწყო და ტყიბულის პოლიციაში მოწმეები დაიკითხნენ.
დღეს კი ცნობილი გახდა, რომ შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა, გატარებული ოპერატიული და საგამოძიებო მოქმედებების შედეგად, ტყიბულში 9 აგვისტოს მომხდარი განზრახ მკვლელობის ფაქტი გახსნეს. როგორც "ინტერპრესნიუსს" შინაგან საქმეთა სამინისტროდან აცნობეს, დაკავებულია, წარსულში ყაჩაღობისა და ძალადობისათვის ნასამართლევი - 1986 წელს დაბადებული ზ.ჩ.
"გამოძიებით დადგინდა, რომ ბრალდებულმა მიმდინარე წლის 9 აგვისტოს ტყიბულის რაიონის სოფელ ბზიაურის ტერიტორიაზე, ცენტრალურ საავტომობილო გზაზე, შურისძიების მოტივით, ავტომატური ცეცხლსასროლი იარაღიდან სიცოცხლისათვის სახიფათო დაზიანებები მიაყენა 1986 წელს დაბადებულ ზ.ს.-ს, რომელიც მიღებული დაზიანებების შედეგად საავადმყოფოში მიყვანისთანავე გარდაიცვალა.
სამართალდამცველებმა ბრალდებული ქუთაისში, მოსამართლის განჩინების საფუძველზე დააკავეს.
განზრახ მკვლელობისა და ცეცხლსასროლი იარაღის მართლსაწინააღმდეგო შეძენა, შენახვა, ტარების ფაქტზე გამოძიება სსკ-ის 108-ე და 236-ე მუხლის მე-4 ნაწილით მიმდინარეობს“, - ნათქვამია შსს-ს განცხადებაში.
დანაშაული 7-დან 15 წლამდე ვადით თავისუფლების აღკვეთას ითვალისწინებს.ambebi.ge- სთან გარადცვლილის ახლობელი ყვებოდა, რომ მოკლულს 20 ტყვია ჰქონდა ნასროლი.
"ის ვინც ეს გააკეთა, საშინელი ცხოველია ჩემთვის, ჩემი ბიძაშვილი არაფერს დააშავებდა ისეთს, რომ ასე გაემეტებინათ სასიკვდილოდ და თითქმის 20 ტყვია დაეხალათ. მესმის, ყველას შეიძლება მოუვიდეს შეკამათება, უთანხმოება, ჩხუბი და ამ დროს რაღაც შემთხვევაც მოყვეს და აფექტის მდგომარეობაში მკვლელობაც, მაგრამ ეს მოხდა ჩასაფრებით, წინასწარ განზრახვით. ზუსტად ამიტომ ვამბობ, რომ ასეთი მკვლელობის ჩამდენი სიკვდილით უნდა ისჯებოდეს..." იხილეთ სრულად
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ასეთი სასჯელის პირობებში, კიდევ მრავალი მკვლელობა მოხდება. ამ კანონის მიმღები ყველა დეპუტატი- ყველა მკვლელობის თანამონაწილეა, და უნდა დაისაჯონ კანონის მთელი სიმკაცრით.
ჩვენს ქვეყანაში უნდა აღსდგეს დახვრეტა და ძალიან გამკაცრდეს ავტოავარიაში სიკვდილით დამთავრების შემთხვევაში სასჯელი. ძალიან ლმობიერია ადმინისტრაციული სასჯელები ავტოსაგზაო შემთხვევებზე. რეგიონები დაუცველია. იხოცება ახალგაზრდობა და მკვლელები კი შეღავათებს ითხოვენ, ძალით ხომ არ მინდოდაო. სიჩქარის გადაჭარბება რა ძალით არ არის, გალეშილი რომ ჯდება საჭესთან ეს რა არის. ერთად ერთი სვილი მომიკლა გარეწარმა და 5 წელზე მეტს არ მისცემენ. თან ყველაფერს ტყუილს წერს, შეღავათს ითხოვს. მიპასუხოს სახელმწიფომ მე რა ვქნა, მოვითმინო? არც იოცნებოს.