მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
შეძლებ, გაუძლო ცდუნებას? - ჟურნალ "გზასთან" ერთად, ნათია ჯაგოდნიშვილის რომანი "ცდუნება" გამოვა
14:15 / 05-08-2020
„წიგნი კონკურსის დაწყებამდე შეიქმნა და მის დასრულებამდე დაახლოებით 2 კვირით ადრე დავწერე ფინალური თავი. უბრალოდ, ერთ დღეს, სრულიად ჩვეულებრივ მომენტში ჩემს გონებაში გაიელვა წიგნის ერთმა კონკრეტულმა ეპიზოდმა და ვიგრძენი, ეს ის ისტორია იყო, რომელიც აუცილებლად უნდა დამეწერა“ - ასე შეიქმნა სასიყვარულო რომანი „ცდუნება“, რომელიც კონკურსის „გახდი ბესტსელერის ავტორი 2018-ის“ გამარჯვებული გახდა.
რომანს მკითხველი დიდი ინტერესით ელოდა და წიგნი გამოცემიდან მალევე გახდა ბესტსელერი. 6 აგვისტოდან კი, ჟურნალ "გზასთან" ერთად, მისი შეძენა სპეციალურ ფასად იქნება შესაძლებელი.
წიგნის სპეციალური ფასია 8.50 ლარი, ჟურნალთან ერთად - 10.50.
"ჩემს რომანში სასიყვარულო ამბავზე ბევრად მნიშვნელოვანი პერსონაჟის ფსიქოლოგიური მდგომარეობაა; მისი მცდელობა გაერკვეს საკუთარ თავში და სურვილებში; გაიგოს, რა სურს თვითონ და მიიღოს გადაწყვეტილება; მოიქცეს სწორად, ამ სიტყვის საზოგადოდ მიღებული მნიშვნელობით, თუ გააკეთოს ის, რაც თავად სურს, მიუხედავად შედეგებისა. ვფიქრობ, ყველა ადამიანის ცხოვრებაში არის მომენტი, როდესაც საკუთარ თავში იკარგება და არ იცის, რა გააკეთოს. „ცდუნებაში“ კი ნებისმიერი ტიპის მკითხველი შეძლებს, რომელიმე პერსონაჟში მაინც ამოიცნოს საკუთარი თავი და სწორედ ამ მკითხველებისთვის მინდოდა მეთქვა, რომ ცხოვრებაში ყველაფერი ხდება. ყველანაირი პრობლემა მნიშვნელოვანია და ისინი ამ პრობლემების წინაშე მარტონი არ არიან", - ნათია ჯაგოდნიშვილი.
ავტორის მიერ ოსტატურად მოთხრობილი სიყვარულის ისტორია არცერთი ასაკის მკითხველს არ დატოვებს გულგრილს. ესაა ემოციებით სავსე რომანი, რომლის კითხვისას, პერსონაჟებთან ერთად განიცდი, გტკივა და გიხარია.
შეგახსენებთ, რომ გამომცემლობა "პალიტრა L" და ქართველი ავტორები გაერთიანდნენ, რათა პროექტ „გახდი ბესტსელერის ავტორის“ გამარჯვებული წიგნები მკითხველისთვის უფრო ხელმისაწვდომი იყოს. მათ, ვისაც ჯერ არ წაუკითხავს "ცდუნება", ჟურნალ "გზასთან" ერთად, მის შეძენას სპეციალურ ფასად შეძლებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
