"თამუნამ საფრანგეთში დარჩენაზე უარი, ვფიქრობ, რაღაც შიშის გამო თქვა" - რას აცხადებს გარდაცვლილი პროგრამისტის დედა?
23 წლის პროგრამისტის, თამარ ბაჩალიაშვილის ბურუსით მოცული გარდაცვალება ისევ საზოგადოების ყურადღების ცენტრშია. მოგეხსენებათ, ოჯახი თავიდანვე ამბობდა, რომ ბევრი შეკითხვა ჰქონდათ მის სამსახურთან დაკავშირებით. შემდეგ ეს ეჭვი კიდევ უფრო გამძაფრდა. ამ თემაზე საუბრისას თამუნა ბაჩალიაშვილის დედამ, თეონა თამაზაშვილმა გაზეთ "კვირის პალიტრასთან" შემდეგი განაცხადა:
- მე არ ვამბობ, რომ უშუალოდ სამსახურში ხდებოდა რაღაც. თამუნა ძალიან ჭკვიანი იყო. ვფიქრობ, მან რაღაც ინფორმაცია მოიპოვა, შეიძლება არა სამსახურის, არამედ სხვა საქმეზე და ამიტომ მოკლეს. ჩემთვის არ უთქვამს, მაგრამ ამ დღეებში წავიკითხე, რომ საფრანგეთიდან ვიღაც ლექტორის შეთავაზებაც ჰქონია, თამუნას ბინისა და სწავლის ხარჯსაც გადაუხდიდა, ოღონდ დარჩენილიყო, როგორც პერსპექტიული სტუდენტი, მაგრამ თამუნამ უარი განაცხადა, ვფიქრობ, რაღაცის გამო, რაღაც შიშის გამო... ისე უნდოდა ევროპაში სწავლა და მით უმეტეს - საფრანგეთში, წესით, ასეთ შეთავაზებაზე უარი არ უნდა ეთქვა.
რაღაცა იმედი მქონდა, ვიხვეწებოდი, კომპიუტერი გახსენით და რაღაცას გავიგებთ-მეთქი... არადა, ის ლადოც დაგვიკავშირდა, მერე კი მანაც ყველაფერი უარყო (გულისხმობს შსს-ს ქვემო ქართლის დეპარტამენტის ხელმძღვანელის მოადგილე ლადო ბაჭულაშვილს, რომელმაც, ოჯახის ინფორმაციით, მათ უთხრა, პრობლემები აქვს თქვენს შვილსო - ავტ.). არ მინდა ისე მოვკვდე, ვერ გავიგო, რას შეეწირა ჩემი შვილი. იხილეთ სრულად
"ვინ დაავალა ამის თქმა, რომ ჩანერგილი ვარ?" - რას ამბობს ბაჩალიაშვილების ადვოკატი ბიჭზე, რომელიც ამტკიცებს, რომ პროგრამისტის შეყვარებულია
"ლისზე ყოფნისას მითხრა, მომწყინდა დაბადების დღის შინ აღნიშვნაო" - რას ყვება ბიჭი, რომელიც ამტკიცებს, რომ თამარ ბაჩალიაშვილის შეყვარებულია?
