28
მარტიდღის ზოგადი ასტროლოგიური პროგნოზი
ბათუმში, აბაშიძის ქუჩაზე მდებარე ერთ-ერთ შენობაზე მხატვრები ცნობილ ძაღლს, სახელად კუპატას ხატავენ. სამხატვრო პროცესი ამ წუთებში მიმდინარეობს. აღსანიშნავია, რომ შენობა, რომელზეც ძაღლს ხატავენ, კულტურული მემკვიდრეობის ძეგლია. სწორედ ამის გამო, ყოველივეს საზოგადოებაში არაერთგვაროვანი შეფასება მოჰყვა.
ბათუმელების ნაწილი აცხადებს, რომ კულტურულ მემკვიდრეობის ძეგლზე რაიმე სახის ნახატის. ან ბანერის განთავსება დაუშვებელია.მოქალაქეთა ნაწილი ამბობს, რომ კუპატას ნახატით აღფრთოვანებული არიან და ეს გადაწყვეტილება მოეწონათ.
ბათუმელებმა გაიხსენეს ის კადრები, რომლებზეც ჩანდა, თუ როგორ ეხმარებოდა კუპატა მოსწავლეებისა და საბავშვო ბაღის აღსაზრდელებს ზებრაზე გადასვლისას.
ძაღლი მელიქიშვილის და აბაშიძის ქუჩების კვეთაში ერთ-ერთი საცხოვრებელი კორპუსის სადარბაზოში ცხოვრობს.
მას შემდეგ, რაც პოპულარული გახდა, კუპატასთვის აჭარის ტურიზმისა და კურორტების დეპარტამენტის თანამშრომლებმა სახლი შეიძინეს. ის დღემდე მელიქიშვილის ქუჩაზე იმყოფება, პატარებს ზებრაზე გადასვლაში ეხმარება და ურჩ მძღოლებს უყეფს.
ეგ ნახატი აზიანებს კი არა, მეტ დატვირთვას სძენს კულტურული მემკვიდრეობის ძეგლს. როდესაც ძაღლი უფრო მეტ ადამიანობას იჩენს, ვიდრე თავად ადამინები (მძღოლები), მას არა თუ ნახატი, არამედ ძეგლიც უნდა დაუდგას აჭარის მუნიციპალიტეტმა ბათუმის ცენტრში.