მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ნუ ეხუტებით ერთმანეთს. დავცილდეთ ერთმანეთს..არავინ ვიცით ამ ვირუსის სტრატეგია" - ლევან რატიანი
18:51 / 05-04-2020
პირველი საუნივერსიტეტო კლინიკის დირექტორის ლევან რატიანის განცხადებით, დღეს გარდაცვლილი პაციენტის ინფიცირების წყარო ცნობილია.
მისივე თქმით, მათ კლინიკაში ამჟამად ლუგარის ლაბორატორიიდან ტესტის პასუხს მისი შვილიშვილი ელოდება.
„რაც შეეხება პაციენტს, რომელიც დღეს დილით გარდაიცვალა, განგიმარტავთ, რომ 21 დღის განმავლობაში მის ოჯახის წევრს ჰქონდა ცხელების ეპიზოდი და ტყუილი ინფორმაციაა, რომ არ იცოდა ეპიდკერა. იცოდა და უნდა ვთქვა, რომ მისი ახალგაზრდა შვილიშვილი იმყოფება ჩვენს კლინიკაში და ელოდება ლუგარის ტესტს. აქედან გამომდინარე, ვიცით ქალბატონს, საიდან გადაედო ინფექცია და ვიცით, ინფექციის წყაროს არსებობა“, -განაცხადა რატიანმა.
მან ასევე ისაუბრა სხვა პაციენტების ჯანმრთელობის მდგომარეობაზე. ლევან რატიანის განცხადებით, 62 წლის ქალის მდგომარეობა, რომელიც უკვე მოხსნილია აპარატიდან სტაბილურია, ასევე, სავარაუდოდ რამდენიმე საათში მოიხსნება მართვითი სუნთქვიდან 80 წლის პაციენტიც.
„რაც შეეხება ჩვენს ორ ძველ პაციენტს, პირველ და მეორე ქალბატონს, 62 წლის ქალბატონი, რომელიც მოხსნილი გვყავს აპარატიდან, მისი მდგომარეობა ამ ეტაპზე სტაბილურია, ხვალისთვის გადავა განყოფილებაში, მეორე ქალბატონი 80 წლის, რომელიც არის, რომელიც ასევე ძველი პაციენტია, ისიც გამარტივებულ რეჟიმზეა და ალბათ, რამოდენიმე საათში მოიხსნება მართვითი სუნთქვიდან.
რაც შეეხება ორსულებს, მათი მდგომარეობა სტაბილურია, ასევე სტაბილურია 13 წლის ბავშვის მდგომარეობა“, -განაცხადა ლევან რატიანმა.
ლევან რატიანი მოქალაქეებს, მათ შორის ჟურნალისტებსაც მოუწოდებს, დაიცვან დისტანცია.
„ერთი რამ მინდა ვუთხრა კიდევ მთელ ჩვენს ქვეყანას და თქვენც, რაც შეიძლება დისტანცირებული ვიყოთ ერთმანეთისგან, რადგან არავინ ვიცით ამ ვირუსის სტრატეგია, მე პირადად თქვენ მოგიწოდებთ, ნუ დადიხართ ასე და ნუ ეხუტებით ერთმანეთს. დავცილდეთ ერთმანეთს“, - განაცხადა რატიანმა.
ცნობისთვის, ამ დროისთვის ქვეყანაში ახალი კორონავირუსით დაინფიცირების შემთხვევების რაოდენობა 170-ს შეადგენს, მათგან გამოჯანმრთელებულია 36 პაციენტი. გარდაიცვალა 2 ადამიანი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
