კერხერ-საქართველომ ინფექციური პათოლოგიისა და შიდსის ცენტრს საჩუქრად კერხერის პროფესიონალური ორთქლის აპარატი გადასცა
კერხერ-საქართველომ ინფექციური პათოლოგიისა და შიდსის ცენტრს საჩუქრად კერხერის პროფესიონალური ორთქლის აპარატი KÄRCHER SG4/4 გადასცა. კომპანიის წარმომადგენელის განცხადებით ეს აპარატი განკუთვნილია მხოლოდ წყლის გამოყენებით მყარი ზედაპირების დეზინფექციისთვის ყველანაირი ქიმიური ხსნარების საჭიროების გარეშე, რაც გაუადვილებს ინფექციურის ცენტრის პერსონალს ყოველდღიურ საქმიანობაში საჭირო და აუცილებელი ჰიგიენის შენარჩუნებას. აღნიშნული ვიზიტის დროს ასევე განხორციელდა აპარატის დემონსტრაცია და მოხდა მისი გამოყენების წესების განმარტება.
კომპანიის ხელმძღვანელის ნიკოლოზ ბათირაშვილის განცხადებით, კომპანიის დღევანდელი მდგომარეობიდან გამომდინარე ეს არის მცირედი ჟესტი იმ დიდი მადლიერების გამოხატულების, რომელსაც გრძნობს კერხერ-საქართველოს გუნდის თითოეული წევრი დღევანდელი გმირი ექიმების მიმართ, რომლებიც თავდაუზოგავად შრომობენ უამრავი პაციენტების ჯანმრთელობის და სიცოცხლის შენარჩუნებისთვის.
აღსანიშნავია, რომ კერხერ-საქართველო, როგორც ერთ-ერთი მაღალი კორპორატიულ-სოციალური პასუხისმგებლობის მქონე ბიზნესი საქართველოში, მრავალი პოზიტიური ინიციატივის მონაწილეა იმ საკითხებში, სადაც სისუფთავე და ჰიგიენა სასიცოცხლოდ მნიშვნელოვანია. იგი მუდმივად იღებს მონაწილეობას მსოფლიოს დასუფთავების დღისადმი მიძღვნილ ღონისძიებებში, საკუთარი ინიციატივით ებმევა პერიოდულად მერიის მიერ გამოცხადებულ დასუფთავების აქტივობებში და აქტიურად რეცხავს არქიტექტურულ და კულტურულ-მემკვიდრეობით ძეგლებს კერხერის პროფესიონალური აპარატებით.
R
„ნიუ ჰოსპიტალსი“ პაციენტებს უსაფრთხო სივრცეს სთავაზობს
როგორ დავამარცხოთ ტკივილი და რატომ არის კეტონალი დუო „ჭკვიანი კაფსულა“?
