საქართველოში კორონავირუსით ინფიცირების შემთხვევათა რაოდენობა 73-მდე გაიზარდა
საქართველოში კორონავირუსით ინფიცირების შემთხვევათები 73-მდე გაიზარდა.
ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული.
ამავე ინფორმაციის თანახმად, კარანტინის რეჟიმშია 4055 ადამიანი, ხოლო სტაციონარში მეთვალყურეობის ქვეშ - 252 პირი.
ინფექციური საავადმყოფოს სამედიცინო დირექტორის მარინა ეზუგბაიას ინფორმაციით, კორონავირუსით ინფიცირებული 3 ახალი პაციენტიდან 2 ინფექციურ საავადმყოფოში იმყოფება. როგორც ეზუგბაიამ ჟურნალისტებს განუცხადა, გუშინ ჯამში 21 პაციენტს ჩაუტარდა კვლევა და მათგან მხოლოდ 3 იყო დადებითი.
„ამ ეტაპისთვის ქვეყანაში არის 73 დადასტურებული შემთხვევა. სამი ახალი ინფიცირებულიდან ორი, ჩვენი ცენტრის შემთხვევაა, ერთი მე არ ვიცი, რომელ დაწესებულებაშია. გუშინ 21 პაციენტზე ჩატარდა კვლევა და ჯამურად სამთან მივიღეთ დადებითი პასუხი, დანარჩენი ყველა იყო უარყოფითი. დღეს დილას უკვე 10 პაციენტზე ხდება ტესტის აღება”, - განაცხადა ეზუგბაიამ.
ცნობისთვის, 73 ადამიანიდან 9 გამოჯანმრთელებულია.
ეზუგბაია: "ყველაზე მძიმედაა ასაკოვანი ქალბატონი - ორმხრივ პნევმონიასთან ერთად, სეფსისის დიაგნოზიც დასტურდება"
"ჩვენთან, ერთ-ერთ სტიქაროსანს დაუდგინდა ვირუსი..." - მეუფე საბა მსახურების შეზღუდვის მიზეზებზე
