მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
BBC: არის თუ არა კორონავირუსი რეალურად "მკვლელი"? - სტატისტიკა, რომელიც ამტკიცებს, რომ პანიკაში არ უნდა იყოთ
12:51 / 02-03-2020
ახალი ტიპის კორონავირუსი მსოფლიოს სხვადასხვა ქვეყანაში გავრცელდა. საქართველოში ვირუსის 3 დადასტურებული შემთხვევაა გამოვლენილი. ჯერჯერობით არ არსებობს COVID-19-ის საწინააღმდეგოდ მედიკამენტები და ვაქცინა, ამიტომაც საზოგადოების ნაწილი პანიკაშია და თვლიან, რომ კორონავირუსი მომაკვდინებელია.
მაგრამ ვნახოთ როგორია რეალობა და არის თუ არა მართლაც ისეთი საშიში, როგორც ერთი შეხედვით ჩანს?
პირველ რიგში, უნდა აღვნიშნოთ ის, რომ გარდაცვალების მაჩვენებელი 2 პროცენტია და როგორც მკვლევარები წერენ, ამ კომპონენტში ბოლო დღეებში კლების ტენდენცია შეინიშნება. გაცილებით დიდია გამოჯანმრთელებულთა რაოდენობა. ოფიციალური მონაცემებით, მსოფლიოში კორონავირუსის 80 000-მდე დაინფიცირებულიდან 45 130 გამოჯანმრთელებულია.
ამასთან, აღსანიშნავია ისიც, რომ ძალიან ბევრია ისეთი შემთხვევა, რომელიც ოფიციალურ სტატისტიკაში აღწერილი არაა, რადგანაც ვირუსს ხშირად მსუბუქი ფორმები აქვს და ექიმთან მიმართვა საჭირო არ ხდება.
BBC მედიკოსებზე დაყრდნობით წერს, რომ გარდაცვალების რისკი დაკავშირებულია კორონავირუსით დაინფიცირებული ადამიანის ასაკზე, სქესზე და ჯანმრთელობის ზოგად მდგომარეობაზე.
ხშირ შემთხვევაში ადამიანები კორონავირუსს ისე ამარცხებენ, რომ ექიმთან არ მიდიან, რადგანაც სიმპტომები არ არის გამოხატული და ჯანმრთელობის მდგომარეობის მკვეთრი გაუარესება არ შეინიშნება. შესაბამისად, ყველა შემთხვევა აღწერილი არ არის, ამიტომაც უცნობია გამოჯანმრთელებულთა ზუსტი რაოდენობა, თუმცა იმის თქმა კი შეგვიძლია, რომ მათი რიცხვი იმაზე გაცილებით მეტია, ვიდრე ოფიციალურ სტატისტიკაში წერია.
რაც შეეხება გარდაცვალების რისკს - ჩინეთში კორონავირუსის 44 000-ზე მეტი შემთხვევის ანალიზმა აჩვენა, რომ სიკვდილიანობის მაჩვენებელი ათჯერ უფრო მაღალია ხანში შესულ ადამიანებში, საშუალო ასაკის ადამიანებთან შედარებით. ამასთან, სტატისტიკის მიხედვით, კაცებში უფრო მეტია გარდაცვალების შემთხვევები, ვიდრე ქალებში.
BBC ჩინეთის დაავადების კონტროლისა და პრევენციის ცენტრის ინფორმაციაზე დაყრდნობით აქვეყნებს ინფოგრაფიკას, სადაც აღწერილია კორონავირუსით დაინფიცირებული ადამიანების გარდაცვალების მაჩვენებელი ასაკისა და სქესის მიხედვით.
გარდაცვალების დაბალი მაჩვენებელია 30 წლამდე ადამიანებში. კონკრეტულად კი, 4 500 ინფიცირებულს შორის, გარდაცვალებით დასრულდა რვა შემთხვევა.
ამასთან, გარდაცვალების მაჩვენებელი დაახლოებით ხუთჯერ უფრო მაღალია დიაბეტით დაავადებულ ადამიანებში, ასევე იმ პაციენტებში, რომლებსაც მაღალი წნევა, გულის, ან სუნთქვის პრობლემები აწუხებდათ.
როგორც გამოცემა წერს, 80 წლის ასაკის ჩინელ მამაკაცთა ჯგუფს სულ სხვა რისკი აქვს და სხვაგვარია რისკები ევროპელი, ან აფრიკელი ამავე ასაკის ადამიანებს შორის. დაავადების გართულება დამოკიდებულია კონკრეტული ქვეყნის ჯანდაცვის სისტემაზე, იმაზე, თუ რამდენად მზადაა ქვეყანა.
გრიპი უფრო სახიფათოა თუ კორონავირუსი?
გადაჭრით ამის თქმა შეუძლებელია, რადგანაც ადამიანების დიდი ნაწილი გრიპის სიმპტომებით, როგორც წესი, ექიმთან არ მიდის. ამიტომაც, ზუსტად არ ვიცით, გრიპის ვირუსის რამდენი შემთხვევა გვაქვს წელიწადში. მაგრამ უნდა ვთქვათ, რომ გრიპი არის ის დაავადება, რომელიც დღემდე იწვევს გარდაცვალებას ბევრ ქვეყანაში და მათ შორის, ისეთ განვითარებულ ქვეყნებში, როგორებიცაა დიდი ბრიტანეთი და აშშ.
ამასთან, სიკვდილიანობის მაჩვენებელი საკმაოდ მაღალია. მაგალითად, აშშ-ში გრიპის ვირუსმა The Washington Post-ის ცნობით, 2019 წელს 4 თვეში 25 ათასი ადამიანი იმსხვერპლა. ასე რომ, კორონავირუსზე არანაკლებ სახიფათო შეიძლება იყოს ჩვეულებრივი გრიპის ვირუსი, თუ დროულად არ იმკურნალებთ.
როგორც CNN წერს, აშშ-ში კორონავირუსის შემთხვევები უკვე გამოვლინდა, მაგრამ ის არ იყო ისეთი სიმძიმით, როგორც ჩინეთში, ექსპერტები ამას იმით ხსნიან, რომ ჩინეთში ვირუსი რაღაც კონკრეტული წყაროდან გაჩნდა, ხოლო ამერიკაში ისევე, როგორც ჩინეთს მიღმა სხვა ქვეყნებში, ადამიანიდან ადამიანზე გადავიდა, სწორედ ამიტომ, შედარებით იოლ ფორმებში გამოიხატა.
მთავარი რჩევა, რომელსაც მსოფლიოს ჯანდაცვის ორგანიზაცია გასცემს არამხოლოდ კორონავირუსისგან, არამედ, ზოგადად რესპირატორული დაავადებებისგან თავის დასაცავად, ხელების ხშირად დაბანაა.
ასევე, მოერიდეთ ადამიანებს, რომლებიც ახველებენ, აცემინებენ, არ შეეხოთ ხელებით თვალებს, ცხვირსა და პირს, დაიცავით ჰიგიენის წესები, იყავით მშვიდად და არ აჰყვეთ პანიკას.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პრობლემა კორონავირუსის მომაკვდინებლობაში არ არის. ეგ ვირუსი დაავადებულთა 2%-ს კლავს (არც ისეთი დაბალი პროცენტულობაა, არადა), ხოლო ინფიცირებულთა 70%-ს არ აღენიშნება სიმპტომები თითქმის, რაც სწორედ ამ დაავადების სივერაგის ნიშანია - ისე შეიძლება გადასდოთ ხალხს ეგ ვირუსი, რომ არც იცით რომ ვირუსის გადამდები ხართ, ხოლო თქვენ გამოჯანმრთელდებით და ის ვიღაც შეიძლება იმ 2%-ში აღმოჩნდეს, ვინც კვდება
თქვენი არ ვიცი და მე ეს ვირუსი თანდათანობით უფრო მომწონს... ლარი მყარდება, ბენზინი იაფდება, უამრავი ფრენა გადაიდო და ჰაერი (მათ შორის საქართველოშიც) უფრო სუფთა ხდება, ხალხმა კარგა ხნის წინ მივიწყებული ელემენტარული ჰიგიენის წესები გაიხსენა და ზოგიერთი იმაზეც კი დაფიქრდა, რომ იქნებ არც ღირდეს ერთი ნაგვის ბუნკერიდან მეორისკენ მოლასლასე მაწანწალა ძაღლივით ბორიალი ქვეყნიდან ქვეყანაში... ყველაზე ცუდი სცენარითაც რომ განვითარდეს მოვლენები, საქართველოში შესაძლოა, 4-5%-ით შემცირდეს პენსიონერთა რაოდენობა, თუმცა ჩვენს პენსიონერებს კორონაზე ბევრად უარესი ვირუსები და მთავრობები გადაუტანიათ და ახლა ბელორუსებს კი მაყურებლის გარეშეც უნდა მოვუგოთ თბილისში...