ციფრული ასისტენტი სწავლის პროცესში - სტუდენტებს და პროფესორებს მესამე, მაღალტექნოლოგიური ასისტენტი გაუჩნდა
ბიზნესისა და ტექნოლოგიების უნივერსიტეტმა ქართულ საგანმანათლებლო ბაზარზე უკვე დაიმკვიდრა თავი ინოვაციური პროგრამებითა და პროექტებით. ამჯერად კი სტუდენტებისთვის და პროფესორებისთვის სრულიად ახალი, მაღალტექნოლოგიური ჰიბრიდული პლატფორმა, BTU ასისტენტი შექმნა.ინოვაციური პლატფორმა სტუდენტის ინდივიდუალურ საჭიროებებ სერგება, ხელს უწყობს ინკლუზიური განათლების პროცესს და არის ჰიპერპერსონალიზირებული. BTU ასისტენტი სტუდენტისა და ლექტორის დამხმარე მესამე რგოლია, რომელიც ცვლის სწავლის პროცესს, მას უფრო ინტერაქიულს და საინტერესოს ხდის. მრავალფეროვანი სასწავლო მოდულები, ქეისები და ამოცანები, ხელოვნურ ინტელექტზე დაფუძნებული ხმოვანი ასისტენტი, ავატარი, პოდკასტები და სხვა გადაწყვეტილებები ერთ პროგრამულ უზრუნველყოფაში ერთიანდება და სტუდენტს შესაძლებლობას აძლევს აითვისოს მოცულობითი სასწავლო მასალა დროის მცირე მონაკვეთში.
„უნივერსიტეტის დაარსების დღიდან, ინოვაციებზე ორიენტირებული პროექტებით ვახდენთ სტუდენტების და პროფესორების მხარდაჭერას. ჩვენთვის მნიშვნელოვანია, რომ ყველა პროცესი, რომელიც BTU-ში მიმდინარეობს, იყოს მაღალტექნოლოგიური და პასუხობდეს მსოფლიოს უახლეს ტრენდებს სხვადასხვა დარგში. სწორედ ასეთია BTU ასისტენტი და დარწმუნებულები ვართ, ის შეუცვლელი დამხმარე ძალა გახდება როგორც სტუდენტებისთვის, ისე პროფესორებისთვის.’’ - აცხადებენ ბიზნესისა და ტექნოლოგიების უნივერსიტეტში.
BTU ასისტენტის ინოვაციური პლატფორმა აერთიანებს სასწავლო მასალებს, რომელიც შემუშავებულია ბტუს მიერ, აგრეთვე მსოფლიოს მოწინავე ბიზნეს გამოცემებისა და ქეისების ნაკრებს, პერსონალურ ასისტენტავატარს, რომელიც ესაუბრება სტუდენტს და უხსნის თემის შინაარსს, აძლევს შესაბამის დავალებებს, ხელოვნური ინტელექტის ხმოვან აგენტს, რომელიც ქართულ ენაზე კითხულობს სასწავლო მასალას და ზრდის პროგრამის ინკლუზიურობას, პოდკასტებს ბიზნესის და ტექნოლოგიების უახლესი ტრენდების შესახებ, რომელიც ასევე ხელოვნური ინტელექტის მეშვეობით, კომპანია System Corps.-ის მიერ შექმნილი პროგრამით ჟღერდება.
ბტუ ასისტენტის ტექნოლოგიური პლატფორმის გამოყენება შესაძლებელია როგორც უმაღლესი საგანმანათლებლო მიზნებით, ასევე ტრენინგების ახალი მეთოდით ჩასატარებლად. პროგრამა უკვე აერთიანებს ბიზნეს ადმინისტრირების მრავალ მოდულს და მისი მაშტაბი ყოველთვიურად გაიზრდება.
„პასუხისმგებლობის 5 სტანდარტი“ – „სოკარმა“ 2019 წლის CSR ანგარიში წარადგინა
პირველი ეროტიკული კალენდარი ბუღასგან!
