როგორ შეიცვალა მომხმარებლის მოთხოვნა ბოლო წლებში ბინის შეძენასთან დაკავშირებით?

ბინის შეძენისას თქვენთვის რა არის ყველაზე მნიშვნელოვანი? იქნებ უბნის ეკოლოგიური მდგომარეობა, სამშენებლო მასალის ხარისხი, ხედი, ბინის ფართობი ან ეს ყველაფერი ერთად?

წლიდან წლამდე, საცხოვრებელი ბინის შერჩევისას მომხმარებლის ქცევა იცვლება, დეველოპერების მიმართ მეტი მოთხოვნა ჩნდება და ხარისხიც იზრდება.

თუ რამდენიმე წლის წინ ძირითადად, დედაქალაქის ცენტრალურ ქუჩებზე მდებარე საცხოვრებელ კორპუსებზე იყო მოთხოვნა, აქტიური ურბანიზაციის გამო, დღეს, მეტი ყურადღება ეკო-სივრცეებს ეთმობა.

ამასთან, მეტ მნიშვნელობას იძენს საზოგადოებრივი ტრანსპორტის ხელმისაწვდომობის საკითხი; ასევე, სავაჭრო და საგანმანათლებლო ობიექტებთან სიახლოვე.

იმის შესახებ, თუ როგორ შეიცვალა მომხმარებლის ქცევა ბინის შერჩევისას წლების განმავლობაში და რა ტიპის საცხოვრებელს ენიჭება მეტი უპირატესობა, ამის შესახებ სამშენებლო კომპანია „ბინადარის“ გაყიდვების მენეჯერს ქეთი გიორგაძესა და უძრავი ქონების პლატფორმა SS.ge-ის პროექტის ხელმძღვანელს ილია გიჯაშვილს ვესაუბრეთ.

ილია გიჯაშვილმა განგვიმარტა, რომ მომხმარებელთა დიდი ნაწილი მცირე ფართობის მქონე ბინებს ეძებს როგორც საცხოვრებელი, ისე კომერციული დანიშნულებით. ასეთ ბინებს კი ძირითადად, ახალ კორპუსებში ვხვდებით.

მისივე თქმით, დიდი მნიშვნელობა ენიჭება ადგილმდებარეობის საკითხსაც.

„ქალაქის ცენტრალურ ქუჩებზე ბინების ძიება შემცირებული არ არის, თუმცა ამავდროულად, ძიების მაჩვენებელი მომატებულია ქალაქის ცენტრის მიმდებარედ და გარეუბნებში, რაც სავარაუდოდ, ეკოლოგიური მდგომარეობით არის გამოწვეული“, - აღნიშნავს ილია გიჯაშვილი.

„ბინადარის“ გაყიდვების მენეჯერი ქეთი გიორგაძე განმარტავს, რომ ეს ტენდენცია მათ პროექტებთან მიმართებაშიც შეინიშნება. მაგალითად, მოთხოვნა მაღალია ეკო-პროექტის მიმართ - „ბინადარი ლისზე“, რომელსაც 1000 კვადრატულ მეტრამდე გამწვანებული სივრცე აკრავს და ბინების ფართობი კი 40 კვადრატული მეტრიდან იწყება.

„ის ფაქტი რომ მშენებლობის ხარისხზე ყურადღების გამახვილება, ფასი და მომხმარებელზე მორგებული გადახდის პირობა ინარჩუნებს მოწინავე პოზიციას უდაოა. ალბათ, ყველაზე შესამჩნევია ბოლო პერიოდში მომხმარებლის დამოკიდებულება გარემოზე, განსაკუთრებული ინტერესით ეცნობიან ინფორმაციას იმის შესახებ იქნება თუ არაა პროექტში რეკრეაციული ზონა და თუ კი, რა ფართობით. თანდათან უფრო ტენდენციური ხდება ე.წ „გარეუბნები“, რადგანაც ადამიანებს ურჩევნიათ განიტვირთონ და საღამო გაატარონ ქალაქის ხმაურისგან შორს, ეკოლოგიურად ჯანსაღ გარემოში“, - განმარტავს ის.

ამასთან, დიდი ყურადრება ექცევა პარკინგის საკითხსაც. დედაქალაქში ავტომობილის დიდი ხნით გაჩერება საკმაოდ პრობლემატურია. ადგილები არ არის, არც კერძო პარკინგებზე, ამიტომ მშენებლობისას ერთ-ერთ მთავარ მოთხოვნად დიდი საპარკინგე ტერიტორია მიიჩნევა.

გარდა იმისა, რომ ლისის ეკო პროექტს, რომელიცორსადარბაზოიან, 14 სართულიანაბლოკსადაერთსადარბაზოიან, 11 სართულიანბბლოკსმოიცავს, 1-ელსართულზე საკმაოდ დიდი საპარკინგე ადგილი აქვს, ავტომობილის გაჩერება არც კორპუსების მიმდებარედ არის პრობლემატური.

ამასთან, გასათვალისწინებელია ქალაქის ცენტრალურ ქუჩებთან სიახლოვის საკითხიც. მოგეხსენებათ, ლისის ტერიტორიიდან რამდენიმე წუთში საბურთალოს ცენტრალურ ქუჩებზე შეგიძლია აღმოჩნდე, ამიტომ ესეც უბნის ერთ-ერთ უპირატესობად მიიჩნევა.

ბოლოს კი, SS.ge-სა და “ბინადარის“ წარმომადგენელი განმარტავენ, რომ მომხმარებელი ყურადღებით აკვირდება და ადარებს ფასებს და ეს ტენდენცია სამშენებლო სექტორში არასდროს შეიცვლება. თუმცა უნდა ვიცოდეთ, რომ დღეს, მ ფასის შედარების უკეთესი მექანიზმები არსებობს, იქნება ეს სოციალურ ქსელებში არსებული ინფორმაცია თუ უძრავი ქონების პლატფორმა SS.ge-ზე არსებული ფასის გამოთვლის სისტემა. ამიტომ ამ მხრივ, ბინის შეძენის მსურველებს საქმე კიდევ უფრო გაუმარტივდათ.

ქეთი გიორგაძის თქმით, მაღალი კონკურენციისა და მომხმარებლის მოთხოვნის გათვალისიწნებით, ლისის პროექტის საფასო პოლიტიკა შემდეგია: ყველა მსურველს უნდა მიეცეს საშუალება, ეკოლოგიურად სუფთა გარემოში იცხოვროს, ამიტომ თუ SS.ge-ზეც გადავამოწმებთ, „ლისი ბინადარის“ ფასები ადგილმდებარეობის გათვალისწინებით, საშუალოდ შეიძლება ჩაითვალოს.