მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბავშვების მამა ალიმენტის შემცირებას ითხოვდა... უნდოდა კვირაში 4 დღე ბავშვები მასთან ყოფილიყვნენ" - ხაშურში მოკლული ქალის ადვოკატი
12:43 / 13-10-2019
ხაშურში მოკლული ქალისა და მის მკვლელობაში ბრალდებული მეუღლის პირველი სასამართლო პროცესი ქორწინების შეწყვეტასთან დაკავშირებით სწორედ მკვლელობის დღეს იყო ჩანიშნული. ამის შესახებ „ინტერპრესნიუსს“ სამოქალაქო საქმეში ხაშურში მოკლული ნათია გოგალაძის ადვოკატმა მაია ქართველიშვილმა განუცხადა.
მისივე ინფორმაციით, მეუღლეები ბოლო 6 წლის განმავლობაში ერთად არ ცხოვრობდნენ. სასამართლოს გაყრის თაობაზე ქალმა მას შემდეგ მიმართა, რაც მეუღლესთან ქორწინების შეწყვეტაზე ვერ შეთანხმდა. პირველი სასამართლო სხდომის დაწყებამდე რამდენიმე საათით ადრე კი მკვლელობა მოხდა.
"11 ოქტომბერს, 16:00 საათზე იყო პროცესი ჩანიშნული და მანამდე, დილით უკვე ეს მოხდა," - აცხადებს მაია ქართველიშვილი.
ადვოკატი კატეგორიულად უარყოფს გავრცელებულ ინფორმაციას, რომ დედა თავის ყოფილ მეუღლეს შვილებთან ურთიერთობას უკრძალავდა.
„სასამართლოში მოვითხოვეთ ქორწინების შეწყვეტა და ალიმენტის დანიშვნა ორ არასრულწლოვან ბავშვზე. მეუღლემ გააკეთა შესაგებელი, განქორწინებაზე თანხმობა იყო და ჩვენს მიერ დასახელებული ალიმენტის შემცირებას ითხოვდა. კიდევ შემოიტანა სარჩელი - ითხოვდა, რომ კვირაში 4 დღე ბავშვები მასთან ყოფილიყვნენ და 3 დღე დედასთან, რასაც ბუნებრივია, ვერც ერთი დედა ვერ დაეთანხმება ამ ასაკის ბავშვებზე. ბავშვები სკოლაში დადიან, შეუძლებელია ასე მომხდარიყო, ამაზე თანახმა ვერ იქნებოდა, არაჩვეულებრივი დედა იყო, უწესიერესი და უპატიოსნესი.
რაღაც ინფორმაციები ჟღერდება, რომ არ აჩვენებდა შვილებს, მაგრამ ეს გოგონა დაეთანხმა ამ პოზიციას, რომ მამასთან ყოფილყვნენ შვილები ყოველი თვის პირველ და მესამე კვირას, ანუ კვირა გამოტოვებით, პარასკევი დღის, თუ არ ვცდები, 18:00 საათიდან კვირა დღის 15:00 ან 13:00 საათამდე. როცა მხარეები ვერ თანხმდებიან, ასეთი პრაქტიკაა დადგენილი, რომ ყოველ შაბათ - კვირას მამას შვილს ვერ მისცემენ, რადგან დედასაც უნდა ჰქონდეს საშუალება, რომ შაბათ - კვირას ბავშვი გაასეირნოს ან სადმე წაიყვანოს. შესაბამისად, ყოველთვის დგება საკითხი, რომ ერთ შაბათ- კვირას ბავშვი არის დედასთან, მეორე შაბათ-კვირას მამასთან. შესაბამისად, ასეთი პოზიციით დავეთანხმეთ და დავუწერეთ, რომ დედა თანახმა იყო პარასკევს წაეყვანა და ჰყოლოდა კვირას შუადღემდე,“- განაცხადა ადვოკატმა.
შსს-მ ყოფილი მეუღლის მკვლელობაში ბრალდებული, 1987 წელს დაბადებული, წარსულში ნასამართლევი ირაკლი დეკანოიძე ოჯახის წევრის მიმართ დამამძიმებელ გარემოებაში ჩადენილი განზრახ მკვლელობის, ასევე, ცეცხლსასროლი იარაღის, საბრძოლო მასალისა და ასაფეთქებელი მოწყობილობის უკანონო შეძენა-შენახვა-ტარების ბრალდებით დააკავა.
შს სამინისტროს ინფორმაციით, ჩადენილი დანაშაული 13-დან 17 წლამდე ვადით თავისუფლების აღკვეთას ითვალისწინებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
