მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ინფორმაციას, რომ ვერტმფრენი უცნაურ ხმებს გამოსცემდა და მფრინავი მის დატესტვას ცდილობდა, კომპანიის ადვოკატი პასუხობს
11:41 / 08-06-2019
ამ ეტაპზე ვინმეს ბრალეულობაზე საუბარი არ არის, სურათის სრულად აღდგენა და დოკუმენტაციის მოძიება მიმდინარეობს, - ამის შესახებ „ინტერპრესნიუსს“ ყაზბეგში ჩამოვარდნილი ვერტმფრენის მფლობელი კომპანიის „ავიატორ +“-ის ადვოკატმა კახა წერეთელმა განუცხადა.
როგორც წერეთელი აცხადებს, კომპანიის თანამშრომლები და ხელმძღვანელები გუშინ მცხეთის სამხარეო პოლიციაში გამოიკითხნენ.
„გამოიკითხნენ კომპანიის თანამშრომლები, მათ შორის, კომპანიის ხელმძღვანელიც. თუ გამოძიება ჩათვლის დამატებით საჭიროდ მათ გამოკითხვას, გამოიკითხებიან.
გამოძიებას ინფორმაცია მივაწოდეთ ვერტმფრენის მომსახურებასთან, შეძენასთან, კომპანიის საქმიანობასთან დაკავშირებით, რაც ბუნებრივია, გამოძიებას აინტერესებს. ამ ეტაპზე ვინმეს ბრალეულობაზე საუბარი არ არის, სურათის სრულად აღდგენა და დოკუმენტაციის მოძიება მიმდინარეობს“, - განაცხადა წერეთელმა.
მისივე განმარტებით, ვერტმფრენი შემოწმებას პერიოდულად გადიოდა და უარყოფს გავრცელებულ ინფორმაციას, რომლის მიხედვითაც, ბოლო პერიოდში, ვერტმფრენი უცნაურ ხმებს გამოსცემდა და სწორედ, მის დატესტვას ცდილობდა მფრინავი.
„ჩემი ინფორმაციით, კომპანიის თანამშრომლები მსგავს რამეს გამორიცხავენ.
დოკუმენტების მიხედვით და გამოკითხვების შედეგად რაც იკვეთება, არის ის, რომ ეს ვერტმფრენი იყო ახალი - ერთი წლის ტექნიკა. ის პერიოდულად ყველა აუცილებელ შემოწმებას გადიოდა, როგორც შესაბამისი ქართული სამსახურების მიერ, ასევე მწარმოებლის მიერ, ვინაიდან ეს ვერტმფრენი საგარანტიო პერიოდში იმყოფებოდა. ბოლო ტესტირება 22 მაისს გაიარა“, - აღნიშნავს ადვოკატი.
რაც შეეხება კითხვას, თუ რატომ იმყოფებოდა ვერტმფრენში მფრინავთან და მის დამხმარესთან ერთად მესამე პირიც, ადვოკატი პასუხობს, რომ ეს დარღვევა არ ყოფილა.
„ეს ადამიანი კომპანიის თანამშრომელი იყო და ამასთან დაკავშირებით, არანაირი შეზღუდვა არ არსებობდა. ვერტმფრენი 5 ადამიანზე იყო განკუთვნილი, მათ შორის, მფრინავიც შედის. შესაბამისად, 3 ადამიანის იქ ყოფნა პრობლემა არ იყო. ეს პრობლემა იქნებოდა იმ შემთხვევაში, თუკი, ვერტმფრენი ორადგილიანი იქნებოდა.
ძალიან დიდი ინტერესი აქვს კომპანიასაც, რომ კატასტროფის რეალური მიზეზი დადგინდეს. ფაქტია, რომ ეს შემთხვევა მოხდა. თავადაც აწარმოებენ მოკვლევას და გამოძიებასთან სრულად თანამშრომლობენ. რა თქმა უნდა, კითხვები მათაც აქვთ“, - განაცხადა წერეთელმა.
ცნობისთვის, „ავიატორ +“-ის კუთვნილი ვერტმფრენი ყაზბეში 6 ივნისს ჩამოვარდა. შემთხვევას ვერტმფრენში მყოფი სამი პირის სიცოცხლე ესმხვერპლა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
