მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მე მოცდის დროც არ მაქვს ამ ქვეყნად..." - რა თხოვნით მიმართა დავით სოკოლოვმა კახა კალაძეს და რას პასუხობენ მას მერიაში
13:33 / 20-03-2019
რამდენიმე დღის წინ სოციალურ ქსელში გავრცელდა ცნობილი ტელეწამყვანის დავით სოკოლოვის ვიდეომიმართვა, რომელშიც ის თბილისის მერს კახა კალაძეს შეხვედრას სთხოვდა. სოკოლოვს ქალაქის პირველ პირთან შეხვედრა თავისი ბინის საკითხის გადაწყვეტასთან დაკავშირებით სურდა. მისივე თქმით, მერთან ერთ-ერთი შეხვედრის დროს ეს საკითხი დააყენა და კალაძემ ის ქონების მართვის სააგენტოს უფროსს შეახვედრა, თუმცა ამ შეხვედრით სოკოლოვი უკმაყოფილო დარჩა.
"მინდა მივმართო ჩვენი ქალაქის მერს, ბატონ კახა კალაძეს. ბატონო კახა, მე ძალიან კმაყოფილი ვარ ჩვენი პირველი შეხვედრით, თქვენ გულთან მიიტანეთ ჩემი უზარმაზარი გასაჭირი, ის ჯოჯოხეთი რომელიც 20 წელია მადგას, თითქოს გადაწყდა კიდეც პრობლემა, მაგრამ თავართქილაძესთან (ირაკლი თავართქილაძე, თბილისის მერიის ქონების მართვის სააგენტოს უფროსი, ავტ) გუშინწინდელი შეხვედრა იყო დაცინვა და მასხრად აგდება, რაც მე მან მითხრა და როგორც გადაწყვიტა...
მინდა ისევ შეგხვდეთ და გადავწყვიტოთ ეს საქმე რაც შეიძლება მალე, რადგან მე მოცდის დროც არ მაქვს ამ ქვეყნად..." - აცხადებდა სოკოლოვი მიმართვაში.
VIDEO: "ეს იყო დაცინვა და მასხრად აგდება" - დავით სოკოლოვის მიმართვა კახა კალაძეს
აღნიშნულ განცხადებას დღეს გამოეხმაურა თბილისის მერიის ქონების მართვის სააგენტოს უფროსი ირაკლი თავართქილაძე და ჟურნალისტებთან სოკოლოვის ბინის საკითხის გადაწყვეტაზე ისაუბრა. მისი თქმით, დავით სოკოლოვს ვაკეში, ყიფშიძის ქუჩაზე მდებარე მისი დაუმთავრებელი ბინის სანაცვლოდ, შესთავაზეს საბურთალოზე, ნუცუბიძის ქუჩაზე მდებარე კორპუსში ორი ბინა, რაზეც მან უარი განაცხადა.
"ახალაშენებულ კორპუსში თეთრი კარკასის მდგომარეობით, 2 ბინა, ჯამში 112 კვადრატული მეტრი შევთავაზეთ. ეს შეთავაზება განხორციელდა სამხარაულის მიერ შეფასებული ღირებულებებიდან გამომდინარე. მისი სამომავლო ქონება, რომელიც ახლა ჰაერის მდგომარეობაშია, შეფასდა კვადრატული მეტრი 2 000 ლარად და ამის შესაბამისობაში, დასრულებული ორი ბინა შევთავაზეთ სანაცვლოდ.
სამწუხაროდ, მისი მხრიდან უარი იყო გაცხადებული ამასთან დაკავშირებით, თუმცა მონაცვლეობის ნაწილში შეთავაზება სამართლიანია და იმ ღირებულებას მოიცავს, რასაც დღეს მისი საკუთრების ღირებულება მოიცავს" - აღნიშნა თავართქილაძემ მედიასთან საუბრისას. მისივე თქმით, რატომ განაცხადა უარი სოკოლოვმა შეთავაზებაზე, მისთვის უცნობია.
დავით სოკოლოვი ვაკეში მდებარე მშენებარე კორპუსში წლებია ელოდება ბინის მიღებას. ამის გამო, ამჟამად ყოფილი ტელეწამყვანი მეუღლესთან ერთად მოხუცთა თავშესაფარში ცხოვრობს. მისივე თქმით, ის გადასახადს იმ 1000 ლარიდან იხდის, რომელსაც ყოველთვიურად ბიძინა ივანიშვილისგან იღებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
