მნიშვნელოვანი ინფორმაცია
17
მარტიდღის ზოგადი ასტროლოგიური პროგნოზი
სამშაბათი, მთვარის მეცხრამეტე დღე, მთვარე მორიელშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დარჩება თუ არა აფხაზეთი უშუქოდ - ენგურჰესი მუშაობას წყვეტს?
16:19 / 18-02-2019
ენგურჰესში წყლის დონე იმდენად კრიტიკულ ზღვარზეა, შესაძლოა, ელექტროსადგურმა 2019 წლის მარტში მუშაობა შეწყვიტოს - ამის შესახებ აფხაზ ჟურნალისტებს ენგურჰესის დირექტორთა საბჭოს თავმჯდომარემ ლევან მებონიამ განუცხადა.
"ახლა წყალსაცავის დონე მინიმალურად დაბალ ნიშნულზეა, უკვე საექსპლუატაციო ნიშნულზე - 440 მეტრზე ქვემოთ ვართ. ავარიული მარაგი 18 მეტრის ფარგლებშია, ანუ დაახლოებით, 100 მილიონი კვ სთ-ია შემოდინებული წყლის მარაგის გარეშე. ეს მაშინ როდესაც, აფხაზეთი დაახლოებით 7,8 მილიონ კილოვატსაათს მოიხმარს დღე-ღამეში, წყლის დონე ენგურჰესში ყოველდღიურად 1 მეტრით მცირდება და თუ ასე გაგრძელდება 2019 წლის მარტში ჰიდროელექტროსადგურის შეჩერდება..." - აცხადებს მებონია, რომლის თქმითაც, აფხაზეთი იმდენივე ელექტროენერგიას მოიხმარს, რამდენსაც თბილისის მილიონიანი მოსახლეობა.
"აფხაზეთისთვის ყველაზე მძიმე პერიოდი არის ზამთარი, რა დროსაც ის მთლიანად დენის მოხმარებაზე გადადის, განსხვავებით ენგურს აქეთ საქართველოსგან, სადაც გასათბობად და სხვა საჭიროებისთვის, სხვა საშუალებებიც გამოიყენება..." - აცხადებს მებონია.
უფრო ადრე, იანვრის შუა რიცხვებში გალის რაიონში ქართველი და აფხაზი ენერგეტიკოსების შეხვედრა გაიმართა, სადაც ზამთრის პერიოდში აფხაზეთში შექმნილი ენერგოდეფიციტი განიხილეს, რომელიც რეგიონს თებერვალსა და მარტში ელოდა... შეხვედრის შემდეგ, ენგურჰესის ტექნიკურმა დირექტორმა გია ხუბუამ განაცხადა, რომ ანგურჰესის შეჩერება 2020 წლამდე არ იგეგმებოდა... როგორც ჩანს, ვითარება მალევე შეიცვალა.
apsnylife.ru-ის ცნობით, წყალსაცავში წლის დონის ვარდნას ენერგეტიკოსები უნალექო ზამთარს და აფხაზეთში ელექტროენერგიის მოხმარების მკვეთრ ზრდას უკავშირებენ. საქმე ის არის, რომ აფხაზეთის მოსახლეობა მუდმივად აკრიტიკებს ელექტროენერგიის დაბალ ძაბვას, რის გამოც, ხშირად ფუჭდება ტექნიკა.
ცნობისთვის, აფხაზური მხარე ენგურის მიერ გამომუშავებულ ელექტროენერგიას ყველანაირი შეზღუდვისა და ყოველგვარი ანაზღაურების გარეშე იღებს. ასევე, გასათვალისწინებელია ისიც, რომ სადგურის ოპერირების, კაპიტალური და საჭირო შეკეთების ფინანსებს ქართველი მომხმარებლები და საქართველოს ბიუჯეტი ანაზღაურებს.
აფხაზური მედიისა და ადგილობრივი მოსახლეობის ცნობით, ასეთი რეალობის წინაშე ბევრი მიზეზის გამო აღმოჩნდნენ - კერძოდ, აფხაზეთში არსებული რუსეთის სამხედრო ბაზა, რომელსაც ელექტროენერგიით ვითომ "РАО ЕЭС" ამარაგებს და ამის თანხას რუსეთის საგარეო საქმეთა სამინისტრო ფარავს, სინამდვილეში ქართული მხარის მიერ იფარება.
აფხაზეთის ე.წ. სახელმწიფო კომპანია "Черноморэнерго"-ს გენერალური დირექტორის ასლან ბასარიას განცხადებით, ელექტროენერგიის დეფიციტის საშიშროება არსებობს, თუმცა იმედი აქვთ, რომ ამ შეთხვევაში მათ დენით "სტრატეგიული პარტნიორი" რუსეთი დაეხმარება. თუმცა, ეს მხოლოდ ვარაუდია და შესაძლოა, უარიც მიღონ. ბასარიას კომენტარს ადგილობრივი მოსახლეობის მწვავე კრიტიკა მოჰყვა. მათი თქმით, მიუღებელია გრაფიკის დანიშვნა, მაშინ, როდესაც მოსახლეობას გასათბობად და საარსებოდ ალტერნატიული ენერგოსაშუალება არ გააჩნია.
"მეტიც, ელექტროენერგიაზე ძალიან დაბალი ფასის გამო რუსეთიდან და თურქეთიდან შემოდიან ბიზნეს კომპანიები, რომლებიც აფხაზეთში ხსნიან მცირე საწარმოებს, სხვადასხვა სახის ობიექტებს და შემდგომ პროდუქციას თავიანთ ქვეყნებში ჰყიდიან..." - წერს სოციალური ქსელში ანა კვიცინია.
"არსებობს სხვა ინფორმაციები, რომლის თანახმადაც რუსეთი აფხაზეთიდან ახორციელებს ელექტროენერგიის ექსპორტს. პროტესტის გრძნობა სულ ყველაფრის მიმართ დავკარგეთ თუ როგორ? დავრჩებით ერთ დღეს დენის გარეშე და შემდეგ გამოქვაბულამდე დარჩენილი ერთი ნაბიჯიც აღარ იქნება..." - მიაჩნია ლეონ ბენიას.
"2017 წელს გვქონდა გრაფიკით, მაგრამ არ გვეშველა და როგორც თქვეს, ქართული მხარე გამოვიდა ინიციატივით, სრულად გადაეხადა საფასური... ან რამე გამოსავალი ვიპოვნოთ, ან ვაღიაროთ, რომ სახელმწიფო აღარ ვართ" - წერს ირაკლი "სუხუმსკი".
2019 წლის იანვარში „ენგურჰესისა“ და „ვარდნილჰესის“ მიერ გამომუშავებული ელექტროენერგიის 95.9% აფხაზეთის ოკუპირებულმა რეგიონმა მოიხმარა. ამის შესახებ ელექტროენერგეტიკული ბაზრის ოპერატორის (ესკო) 2019 წლის ელექტროენერგიის ბალანსშია აღნიშნული.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ავტოსაგზაო შემთხვევა სამგორში - თვითმხილველების ინფორმაციით, ავტომანქანა ველოსიპედით მოძრავ მოქალაქეს დაეჯახა.
კვირის კითხვადი სტატიები
მნიშვნელოვანი ინფორმაცია
მკითხველის რჩევით
