მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სად აპირებს საქმიანობის გაგრძელებას თამარ სანიკიძე
14:57 / 27-09-2018
განათლების ხარისხის განვითარების ცენტრის ყოფილი ხელმძღვანელი თამარ სანიკიძე სამსახურიდან გათავისუფლების შემდეგ პირველ ვრცელ კომენტარს "ინტერპრესნიუსთან" აკეთებს. სანიკიძის თქმით, განათლების მინისტრს მისი გათავისუფლების საფუძვლები არ ჰქონდა და განცხადებით მან თავად მიმართა.
„პირველი და მნიშვნელოვანი, რაც უნდა განვმარტოთ არის ის, რომ განათლების მინისტრს ჩვენი გათავისუფლების საფუძვლები არ ჰქონდა. გათავისუფლება მოხდა ჩვენივე გადაწყვეტილების ფარგლებში. გათავისუფლებისთვის ჩვენ მივმართეთ სამინისტროს და დავწერეთ განცხადებები პოზიციებიდან წასვლაზე იმიტომ, რომ ხელმძღვანელების გათავისუფლების საფუძვლები არის კანონში გაწერილი და ამის საფუძველზე ხალხის გათავისუფლება არ მომხდარა.
ჩემი პირადი განცხადების დაწერის საფუძველი გახდა ის, რომ არ იყო მინისტრთან თანამშრომლობითი პროცესი. მე ვერ დავინახე მის ხედვაში რა იგულისხმებოდა, ასევე ცენტრის განვითარების ეტაპები, აქედან გამომდინარე ჩავთვალე საჭიროდ, რომ ამ პროცესებს ჩამოვშორებოდი. მინისტრს ალბათ, აქვს გარკვეული ხედვა და უნდა იმ გუნდთან მუშაობა, რომელთანაც თავს კომფორტულად იგრძნობს“, - განუცხადა „ინტერპრესნიუსს“ სანიკიძემ.
რაც შეეხება მის სამომავლო გეგმებს, სანიკიძე ამბობს, რომ აქვს შემოთავაზება საერთაშორისო ორგანიზაციების მხრიდან და ის განათლების სფეროში დარჩება.
„ჯერჯერობით ვყალიბდები, რა მიმართულებით და როგორ მინდა მუშაობის გაგრძელება. ამ ეტაპზე რაც შემიძლია გითხრათ, არის ის, რომ სფეროს ნამდვილად არ შევიცლი, რადგან დიდი გამოცდილება დამიგროვდა და ვფიქრობ, მნიშვნელოვანი იქნება ამ გამოცდილების ისევ ამ სფეროში გამოყენება. კონკრეტულად სად, ამაზე უახლოეს მომავალში ჩამოვყალიბდები.
საექსპერტო საქმიანობით ისედაც დაკავებული ვიყავი, ევროსაბჭოს ექსპერტი ვარ უმაღლესი განათლების რეფორმის ნაწილში, აქ მუშაობას ჩვეულებრივად ვაგრძელებ; რაც შეეხება პედაგოგიურ საქმიანობას, აქ ალბათ, ჯერ კიდევ უნდა ჩამოვყალიბდე. პერმანენტული სამუშაოს სფერო და კონკრეტული პოზიცია ჯერ არ შემირჩევია. არის შემოთავაზებები, მათ შორის საერთაშორისო ორგანიზაციების მხრიდან, თუმცა გადაწყვეტილება არ მიმიღია. სახელმწიფო სამსახურში ჩემი დაბრუნება ნაკლებად მოსალოდნელია“, - განაცხადა სანიკიძემ.
ცნობისთვის, 2018 წლის 10 სექტემბერს, განათლების, მეცნიერების, კულტურისა და სპორტის მინისტრის გადაწყვეტილებით, მოადგილეები თემურ მურღულია და ლია გიგაური თანამდებობიდან გათავისუფლდნენ. ამავე დღეს გაათავისუფლეს განათლების ხარისხის განვითარების ეროვნული ცენტრის დირექტორი თამარ სანიკიძე, მასწავლებელთა პროფესიული განვითარების ეროვნული ცენტრის დირექტორი გიორგი მაჩაბელი, საქართველოს ეროვნული სამეცნიერო ფონდის გენერალური დირექტორი მანანა მიქაბერიძე, შეფასებისა და გამოცდების ეროვნული ცენტრის დირექტორი მაია მინინოშვილი.
განათლების მინისტრის მიხეილ ბატიაშვილის განცხადებით, მას უწყებაში პრობლემები დახვდა. კერძოდ, მისი თქმით, პრობლემები იყო გრიფირების პროცესთან და სკოლებში არსებულ ტექნიკურ სხვადასხვა დარღვევებთან დაკავშირებით.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს ქალი ყოფილა სრული უცოდინარი, ამპარტავანი და უსაფუძვლოდ ამბიციური, არაფრით არ შეიძლება ასეთი ადამიანის თანამდებობაზე ყოფნა, დაუშვებელი და დამღუპველია საქმისთვის და ქვეყნისთვის