28
მარტიდღის ზოგადი ასტროლოგიური პროგნოზი
აშშ-ში, სიეტლის აეროპორტში ავიაკომპანიის თანამშრომელმა თვითმფრინავი გაიტაცა, რომელიც მოგვიანებით პიუჯეტის ყურესთან ჩამოვარდა.
როგორც სიეტლის აეროპორტის განცხადებაშია აღნიშნული, ინციდენტის დროს თვითმფრინავში მგზავრები არ იმყოფებოდნენ. ავიაკომპანია Alaska Airlines-ის განცხადებით, ინციდენტი ადგილობრივი დროით საღამოს რვა საათზე მოხდა. თვითმფრინავში მხოლოდ ერთი ადამიანი იმყოფებოდა, რომელიც მას მართავდა.
სამართალდამცველების ინფორმაციით, 29 წლის მექნიკოსმა Horizon Air Q400 გაიტაცა და მათივე ინფორმაციით, კატასტროფა მაშინ განიცადა, როცა ჰაერში "ტრიუკების მოწყობას" ცდილობდა. სავარაუდოდ, მექანიკოსს მართვის საკმარისი გამოცდილება არ ჰქონდა, თუმცა რა მოტივით გაიტაცა მან თვითმფრინავი, უცნობია.
პოლიციაში განაცხადეს, რომ თვითმფრინავს F-15-ის ტიპის ორი გამანადგურებელი აედევნა, რათა თვითმფრინავი დასახლებულ ადგილებს არ მიახლოვებოდა. პოლიციაში ასევე აღნიშნავენ, რომ შემთხვევაში უფრო სუიციდის ნიშნებს ხედავენ და ინციდენტი ტერორიზმს არ უკავშირდება.
