მნიშვნელოვანი ინფორმაცია
16
მარტიდღის ზოგადი ასტროლოგიური პროგნოზი
მთვარის მეთვრამეტე დღე დაიწყება 22:24-ზე, მთვარე სასწორშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბათუმში დაჭრილ 12 წლის მოსწავლეს, ჭრილობა ბასრი საგნით აქვს მიყენებული
17:59 / 02-04-2018
ბათუმში მეშვიდე საჯარო სკოლის მოსწავლე სავარაუდოდ, დაჭრეს. მოზარდი სასწრაფო სამედიცინო დახმარების ბრიგადამ ბათუმის დედათა და ბავშვთა ცენტრში გადაიყვანა.
ექიმების ინფორმაციით, მოზარდს ფეხის არეში მსუბუქი ჭრილობა აქვს. როგორც სასწრაფო სამედიცინო დახმარების ცენტრში განაცხადეს, თავად მოზარდი დაჭრის ფაქტს უარყოფს და აცხადებს, რომ ჭრილობა დაცემის შედეგად მიიღო.
ბათუმის დედათა და ბავშვთა ცენტრის ექიმის, ნაირი ფარტენაძის ინფორმაციით, 12 წლის მოზარდს ჭრილობა ბასრი საგნით აქვს მიყენებული. როგორც ექიმმა ჟურნალისტებს განუცხადა, მოზარდი ექიმების მეთვალყურეობის ქვეშ იმყოფება და კლინიკას, სავარუდოდ, რამდენიმე საათში დატოვებს. ნაირა ფარტენაძის განცხადებით, მოზარდს კვანძოვანი ნაკერები დაედო.
ბათუმის მეშვიდე საჯარო სკოლის დირექტორის შორენა ქონიაძის განცხადებით, მოსწავლეს ინციდენტი გაკვეთილების დასრულების შემდეგ შეემთხვა. როგორც მან აღნიშნა, მეექვსე კლასის მოსწავლე საავადმყოფოში უკვე მოინახულა. მისი თქმით, ბავშვი დაჭრის ფაქტს არ აღიარებს და აცხადებს, რომ მან დაზიანება დაცემის შედეგად მიიღო.
"ახლახან შემატყობინეს, რომ ინციდენტთან დაკავშირებით გამოძიება 118-ე მუხლით დაიწყო. ინციდენტში ვინ მონაწილეობდა, ამის შესახებ გამოძიების ინტერესებიდან გამომდინარე ვერ ვიტყვი", - აღნიშნა შორენა გონიაძემ. დირექტორის თქმით, ინციდენტი სკოლის მიმდებარედ, ეზოში მოხდა.
ფაქტზე გამოძიება სისხლის სამართლის კოდექსის 118-ე მუხლით მიმდინარეობს, რაც ჯანმრთელობის მძიმე ან ნაკლებად მძიმე დაზიანებას გულისხმობს. ინციდენტის ადგილზე ექსპერტ- კრიმინალისტები მუშაობენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მეტეხის ხიდიდან, მტკვარში კიდევ ერთი მანქანა გადავარდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
