მანქანა, რომელიც ერთოთახიან "ხრუშჩოვკას" ჯობია

კემპერების გამოფენაზე, რომელიც დიუსელდორფში გაიმართა, ”ფოლკსვაგენმა” ახალი სტუდიური მოდელი VW California XXL წარმოადგინა. ეს გახლავთ სახლი-მანქანად გადაკეთებული VW Crafter, რომელსაც AUTO BILD ახლოს გაგაცნობთ.

ამ საოჯახო-სამოგზაურო ავტომობილს უამრავი თანამედროვე ასისტენტ-სისტემა აქვს და როგორც გერმანელები ირწმუნებიან, განსაკუთრებით ეკონომიური და კომფორტულია. გერმანელები განსაკუთრებით დიდი პანორამული ჭერით ამაყობენ.

დასაძინებელი სივრცე უკანაა (2000 x 1700 მმ). ”ფოლკსვაგენის” ახალ კემპერში ორშვილიანი ოჯახი თავისუფლად დაეტევა. ინტერიერში შეხვდებით ისეთ ინოვაციურ გადაწყვეტილებებს, როგორიცაა მაგალითად აბაზანა, რომლის მოხსნაც შეიძლება (თუკი ის არ გჭირდებათ).

კემპერის საერთო სიგრძე 6,2 მეტრია, სიგანე 2,03 მეტრია (გარეთა სარკეებთან ერთად 2,42 მეტრი). California XXL სიმაღლეში 2,9 მეტრი გახლავთ. სალონში ადამიანის სადგომი სიმაღლე 2,2 მეტრამდე გამოდის განაგრძეთ კითხვა და დაათვალიერეთ "სახლი-მანქანის" ფოტოები