მნიშვნელოვანი ინფორმაცია
16
მარტიდღის ზოგადი ასტროლოგიური პროგნოზი
ორშაბათი, მთვარის მეცხრამეტე დღე დაიწყება 23:42-ზე, მთვარე მორიელში იქნება 11:30-ზე
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. მოერიდეთ ცხარე და ცხიმიან საკვებს. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პრეზიდენტობიდან პრემიერის პოსტზე - სერჟ სარგსიანის "ჭადრაკის სვლები"
06:25 / 24-01-2018
მეზობელი სომხეთი ახალი კონსტიტუციის თანახმად, სულ რაღაც რამდენიმე თვეში, საპრეზიდენტო არჩევნებისთვის ემზადება, - 2018 წლის 2 მარტს, ქვეყანაში პოლიტიკური ცვლილებები უნდა განხორციელდეს... რამდენიმე დღის წინ მოქმედმა პრეზიდენტმა, სომხეთის მეოთხე პრეზიდენტობის კანდიდატად, არმენ სარგსიანი დაასახელა, რომელიც დიდ ბრიტანეთში, ნიდერლანდებსა და ლუქსემბურგში სომხეთის ელჩი იყო.
უფრო ადრე, 1996-1997 წლებში პრემიერ-მინისტრის პოსტსაც იკავებდა. ის ამჟამად ლონდონში იმყოფება და "Арменпресс"-ს ინფორმაციით, სომხეთში, კვირის ბოლოს ჩამოვა.
საკუთარი კანდიდატურა ოპოზიციამაც წარადგინა - არტაკ ზეინალიანი, რომელზეც დიდ იმედებს ამყარებენ. თუმცა, სახელმწიფო რესურსებისა და ბოლო ხანს უპრეცენდენტოდ გააქტიურებული სერჟ სარგსიანის რჩეულის ფონზე, რამდენად აქვს მას მოგების შანსი, ძნელი სათქმელია...
ცოტა ხნის წინ, სარგსიანი აცხადებდა, რომ "სომხეთის მომავალი პრეზიდენტი უცხოეთში მიღებული პერსონა უნდა იყოს. მას, ასევე, პატივს უნდა სცემდნენ სამშობლოშიც, როგორც ღირსეულ ადამიანს... ახლა სომხეთისთვის ძალზედ მნიშვნელოვანია ისეთი პირი აირჩიონ, რომელიც საერთაშორისო არენაზე ქვეყანას ღირსეულად წარმოაჩენს..." როგორც ჩანს, მან თავის მოგვარეში ეს თვისებები და რაც მთავარია, საიმედო დასაყრდენი იპოვა...
"ის საკმაოდ კარგი მოჭადრაკეა, კარგი ბეგრაუნდით და როგორც ჩანს, ჭადრაკულ აზროვნებას პოლიტიკაშიც იყენებს" - წერს სომხური მედია.
ამით დასრულდება თუ არა სერჟ სარგსიანის მმართველობის ხანა, დასკვნების გაკეთება ნაადრევია. არსებული ინფორმაციით, ბოლო დროს სომხეთის საგარეო მიმართულებით გააქტიურება, შემთხვევითი არ არის, - ადგილობრივ მედიას მიაჩნია, რომ სარგსიანმა, ბოლო თვეებში, "საკუთარ თავზე კარგად იმუშავა..."
2015 წელს ჩატარებული რეფერენდუმის თანახმად,ქვეყანა საპარლამენტო მმართველობაზე გადადის, რაც პრემიერ-მინისტრის უფლებამოსილებას მნიშვნელოვნად ზრდის. სომხეთის კანონმდებლობით, ერთი და იგივე პირს მხოლოდ ორჯერ შეუძლია პრეზიდენტობაზე იყაროს კენჭი, ამიტომაც, როგორც სომხური მედია წერს, სარგსიანმა თადარიგი დაიჭირა და რაც მთავარია ისე, რომ ერთი შეხედვით, "დემოკრატიულ პრინციპებს" არ გადაუხვია. სარგსიანი, ბოლო ხანებში, აქტიურად ცდილობს, სომხეთში დასავლეთის ხაზი განავითაროს.
ერთი სიტყვით, ძველი კონსტიტუციით, სარგსიანს კიდევ ერთხელ პრეზიდენტად არჩევის შანსი არ აქვს, თუმცა, პრემიერობის იმედს არ კარგავს და მისი ბოლოდროინდელი აქტიურობის გათვალისწინებით, პოტენციური ამომრჩევლის თვალში, საკმაო ქულებიც დააგროვა. ცნობისთვის, მას თავად არასდროს დაუკონკრეტებია, - სად ხედავს თავის მომავალს პრეზიდენტობის ვადს ამოწურვის შემდეგ და სურს თუ არა პრემიერობა.
გასული წლის დეკემბერში, რუსეთის დუმის დეპუტატმა კონსტანტინ ზატულინმა განაცხადა, რომ სარგსიანი პოლიტიკურ მოღვაწეობას პრემიერის პოსტზე განაგრძობს, რაც ნიშნავს, რომ რაიმე მკვეთრი რყევები სომხურ პოლიტიკაში მოსალოდნელი არ არის. "სომხეთის უახლოესმა წარსულმა აჩვენა, რომ სერჟ სარგსიანი საუკეთესო მმართველია, შესაბამისად, მისი შეცვლის აუცილებლობა არ ჩანს"- აცხადებდა ის.
რამდენიმე ხნის წინ, მის ერთადერთ კონკურენტად, - პრემიერ-მინისტრი კარენ კარაპეტიანი მიიჩნეოდა, რომელიც ერევნის ყოფილი მერია. ის ბოლო წლებში, რუსული "გაზპრომის" სისტემაში მუშაობდა. მის დიდ პლუსად, სუფთა წარსული მიიჩნეოდა - ის ადგილობრივ და არც რუს ოლიგარქებთან კავშირებში ყოფილა შემჩნეული. თუმცა, რუსულ ბიზნესთან ახლო ურთიერთობა ჰქონდა.
"სარგსიანმა მის "სუფთა წარსულს" და ინვესტიციის მოზიდვის შესაძლებობებს, ევროკავშირის ბაზარზე გასვლის შანსები დაუპირისპირა და კარაპეტიანის პოტენციალიც, უხმაუროდ, ყოველგვარი დაპირისპირებისა და კამათის გარეშე, მიჩუმათდა", - წერს სომხური მედია.
საქართველოში ბოლო ოფიციალური ვიზიტისა და მის ქართველ კოლეგასთან შეხვედრისას, სარგსიანმა ქართულ მხარესაც შესთავაზა, - გამოიყენოს სომხეთის შესაძლებელობები, თავისუფალი ეკონომიკური ზონების არსებობა იმისათვის, რათა საკუთარი პროდუქცია ევრაზიული ეკონომიკური კავშირის ბაზრებზე გაყიდოს;
"განსაკუთრებით მინდა ხაზი გავუსვა ირანის საზღვართან შექმნილ თავისუფალ ეკონომიკურ ზონას, რომელიც დიდ შესაძლებლობებს მოგვცემს, რომ ქართული პროდუქცია და მომსახურება სხვა გადახდისუნარიან - ირანის ისლამური რესპუბლიკის ბაზარზე ექსპორტზე გავიდეს", - აცხადებდა სარგსიანი, თუმცა, მისი შემოთავაზების შემდეგ, ქართული მხარის პოზიციის შესახებ, ინფორმაცია არ გავრცელებულა...
სომხური მედიისა და ადგილობრივი ექსპერტების შეფასებით, - სომხეთი ევროპისკენ აღებულ გეზს, საკუთარი სურვილით, ალბათ აღარ გადაუხვევს. ევროკავშირის ქვეყნებში საკმაოდ მიღებული, არმენ სარგსიანის კანდიდატურაც ამის დასტურია. თუმცა, რაც შეეხება, რუსეთთან ურთიერთობას, - ამ პასუხისმგებლობას სარგსიანი, სავარაუდოდ, თავის თავზე იღებს და პრემიერ-მინისტრის რანგში გაუძღვება. "რამდენად გაართმევს თავს რუსეთსა და ევროპასთან ერთდროულ ურთიერთობას, ეს პრაქტიკაში გამოჩნდება..." - წერს სომხური მედია.
ლალი პაპასკირი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მეტეხის ხიდიდან, მტკვარში კიდევ ერთი მანქანა გადავარდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
