25
მარტიდღის ზოგადი ასტროლოგიური პროგნოზი
ქსელის გეგმური სარეაბილიტაციო სამუშაოების გამო დღეს, ზოგიერთ რაიონს ენერგომომარაგება შეეზღუდება.
კომპანია "ენერგო-პრო ჯორჯიას" ინფორმაციით, 10:00-დან 17:00 საათამდე ელექტროენერგიის მიწოდება შეეზღუდება 825 აბონენტს დუშეთის რაიონის სოფლებში მაღაროსკარი, ბარისახო, გომეწარი, მიგრიაულთა და მიმდებარე სოფლებში; 11:00-დან 18:00 საათამდე - 527 აბონენტს თიანეთის რაიონის სოფლებში ღულელები, თრანი, ტოლაანთსოფელი და მიმდებარე სოფლებში; 11:00-დან 18:00 საათამდე - 1 082 აბონენტს ქუმლისციხეში, გუდაურში, სეთურნში, ქვეშეთი, ჯაღმიანი და მიმდებარე სოფლებში, 17:30-დან 18:00 საათამდე - 290 აბონენტს მცხეთაში ნარეკვავის, გურამიშვილის, წიწამურის, ღართიკარის და მიმდებარე ქუჩებზე.
"ენერგო-პრო ჯორჯიას" ცნობით, სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.
სხვადასხვა სამუშაოს ჩატარების გამო, დღეს ელექტრომომარაგება შეეზღუდება ასევე "თელასის" აბონენტების ნაწილსაც.
როგორც "ინტერპრესნიუსს" კომპანია "თელასიდან" აცნობეს, დიდუბის რაიონში საინვესტიციო პროგრამის ფარგლებში ქსელის გაუმჯობესების მიზნით, 10:00 საათიდან 14:00 საათამდე შეზღუდვა შეეხება: აკაკი წერეთლის გამზირის (ნაწილობრივ) მცხოვრებლებს.
სამგორის რაიონში თბილისის მერიის მიერ საგზაო სამუშაოების ჩატარების გამო, 11:00 საათიდან 18:00 საათამდე შეზღუდვა შეეხება: ვარკეთილი-3 ზემო პლატოს, ჭიჭინაძის 360-ე კილომეტრის, ჭიჭინაძის, ცისკარიშვილის, მოსტკოვის, გუმათჰესის, ენგურჰესის, იდუმალის და რაზიკაშვილის ქუჩების მცხოვრებლებს.
საბურთალოს რაიონში გეგმური სარემონტო-პროფილაქტიკური სამუშაოების გამო, 10:00 საათიდან 18:00 საათამდე შეზღუდვა შეეხება: დიღმის სასწავლო მეურნეობის მცხოვრებლებს.
კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგებათ.
