ამ პროდუქტებს ყოველდღიურად მოიხმართ, თუმცა არ იცით, რომ მათი შეძენისას განსაკუთრებული სიფრთხილე გმართებთ

ნებისმიერ დიასახლისს შეუძენია გაყინული ხინკალი, პელმენი ან სხვა სახის ნახევარფაბრიკატები. ასეთი საკვები სრულიად უწყინარი ჩანს, არ არის მალფუჭებადი და არც ძვირი ღირს. თან, მის მომზადებაზე დიდი დროც არ იკარგება, რაც ჩვენს დაძაბულ დროში სერიოზული შეღავათია, მაგრამ მიუხედავად მრავალი დადებითი თვისებისა, გაყინული პროდუქტების შეძენისას მაინც სიფრთხილე გვმართებს. რატომ? - ამის თაობაზე სტრატეგიული კვლევებისა და განვითარების ცენტრის ექსპერტი, თსუ-ის პროფესორი, ეთერ სარჯველაძე გვესაუბრება:

- თავისთავად, კარგი ხარისხის გაყინული პროდუქტი უვნებელია, მაგრამ თუ ვადაგასულია ან მავნე ნივთიერებებით დაბინძურებული, ძალზე ვნებს ადამიანის ორგანიზმს. ამის დასტურად ორიოდე მაგალითს მოვიშველიებ: 2017 წლის 25 ივლისს მომხმარებელმა ჩვენს ორგანიზაციაში დარეკა და გვთხოვა, რუსთავში მდებარე ერთ-ერთი მაღაზიის გაყინული ხინკალი შეგვემოწმებინა. მომხმარებლის თქმით, ხინკალმა მის ოჯახში ოთხი ადამიანი მოწამლა. რამდენიმე დღეში მის მიერ მითითებულ მაღაზიაში შევიძინეთ გაყინული ხინკალი ცალობით და გამოსაკვლევად ლაბორატორიაში ჩავაბარეთ. ლაბორატორიიდან მიღებული პასუხის მიხედვით, პროდუქტი დაბინძურებული იყო ანაერობული, ფაკულტატური და ფეკალური მიკროორგანიზმებით.

- როგორ მოხვდა ეს მიკროორგანიზმები გაყინულ და შეფუთულ ხინკალში?

- თუ ჰიგიენური ნორმები დარღვეულია, ასეთი მიკროორგანიზმების მოხვედრა ყველგან შეიძლება. ყველაზე ცუდი ის არის, რომ მსგავსი მიკროორგანიზმები ადამიანის მოწამვლას იწვევს. უფრო მეტიც, შეიძლება ორგანიზმის გაუწყლოებაც გამოიწვიოს. კიდევ ერთ ფაქტს დავასახელებ, რომელიც უფრო ადრე მოხდა: 2017 წლის 6 მაისს მომხმარებელმა გვთხოვა, თბილისში, პეკინის ქუჩაზე, ერთ-ერთ მაღაზიაში გასაყიდი თევზი - სკუმბრია შეგვემოწმებინა. მომხმარებლის მიერ გამოგზავნილ ფოტოებზე თევზის გამოშვების თარიღად 2016 წლის 14 აგვისტო იყო მითითებული. ჩემმა კოლეგებმა გადაწყვიტეს, ეს საჩივარი გადაემოწმებინათ. მომხმარებლის მიერ მითითებულ მისამართზე შევიძინეთ ეს პროდუქტი, მოვათავსეთ სპეციალურ მაცივარ-კონტეინერში და ანალიზისთვის ლაბორატორიას ჩავაბარეთ. ლაბორატორიიდან მიღებული პასუხის მიხედვით, პროდუქტი დაშვებულ ნორმებს არ შეესაბამებოდა, მომჟავო სუნი და უსიამოვნო გემო ჰქონდა და იოლად იშლებოდა. ამგვარი ფაქტების დასახელება კი­დევ შეიძლება... განაგრძეთ კითხვა