მოტოციკლისტი, რომელიც ვახუშტის ხიდთან ავარიაში მოყვა, გარდაიცვალა

მოტოციკლისტი, რომელიც ვახუშტის ხიდის მიმდებარე ტერიტორიაზე ავარიაში მოყვა, გარდაიცვალა. ინფორმაცია Ambebi.ge-ს შინაგან საქმეთა სამინისტროს პრესსამსახურში დაუდასტურეს.

ავტოსაგზაო შემთხვევა რამდენიმე საათის წინ მოხდა. ერთმანეთს მოტოციკლი და მინივენი შეეჯახნენ. მოტოციკლის მძღოლი, რომელსაც მძიმე დაზიანებები ჰქონდა მიღებული, საავადმყოფოში გადაიყვანეს, თუმცა მისი გადარჩენა ვერ მოხერხდა.

გამოძიება სისხლის სამართლის კოდექსის 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.