29
მარტიდღის ზოგადი ასტროლოგიური პროგნოზი
საგანგებო სიტუაციების მართვის სააგენტოს თანამშრომლებმა შავი ზღვის სანაპირო ზოლზე კიდევ 4 ადამიანის გადარჩენა შეძლეს, პარალელურად კი, 45 წლის მამაკაცის სამძებრო სამუშაოები გრძელდება.
როგორც "ინტერპრესნიუსს" საგანგებო სიტუაციების მართვის სააგენტოში განუცხადეს, მიუხედავად გაფრთხილებისა და სანაპირო ზოლზე წითელი ალმების აღმართვისა, 14 მოქალაქე დაწესებულ შეზღუდვებს არ დაემორჩილა, შედეგად კი, მათ წყლიდან ამოსვლაში მაშველების დახმარება დასჭირდათ. სააგენტოს ინფორმაციით, ადგილზე კვლავ მუშაობს სამაშველო ვერტმფრენი, აქტიურად მიმდინარეობს სანაპირო ზოლის კონტროლი.
"შს სამინისტროს საგანგებო სიტუაციების მართვის სააგენტოს აჭარის ჰიდროგრაფიულმა სამსახურმა მიაწოდა ინფორმაცია, რომ 5 ივლისს შავი ზღვის სანაპირო ზოლზე მოსალოდნელი იყო შტორმი. სააგენტოს სამაშველო ჯგუფებმა დღეს დილიდან ყველა საგუშაგოზე აღმართეს წითელი ალმები, რაც იმის მანიშნებელია, რომ ზღვაში შესვლა აკრძალულია. მიუხედავად ამისა, 14 ადამიანი არ დაემორჩილა ამ გაფრთხილებას, შევიდა ზღვაში, აქედან 2 ალკოჰოლური თრობის ქვეშ იმყოფებოდა. იყო 2 უცხო ქვეყნის მოქალაქეც. ყველა მათგანს დასჭირდა სამაშველო სამსახურის დახმარება.
პარალელურად, გრძელდება 45 წლის მამაკაცის სამძებრო სამუშაობი, რომელიც ორი დღის წინ გაუჩინარდა", - აცხადებენ საგანგებო სიტუაციების მართვის სააგენტოში.
შეგახსენებთ, რომ შავი ზღვის სანაპირო ზოლზე 5-ბალიანი შტორმია. საშტორმო მდგომარეობის გამო კი, ზღვაში შესვლა აკრძალულია. სანაპიროზე შესაბამისი ამკრძალავი ნიშნები დღეს დილიდან არის აღმართული.
