16
მარტიდღის ზოგადი ასტროლოგიური პროგნოზი
პროკურატურა გაერკვა საქმის ვითარებაში და როგორც ჩანს, აღმოაჩინეს ახალი გარემოებები, - ამის შესახებ ვიცე პრემიერმა, განათლებისა და მეცნიერების მინისტრმა ალექსანდრე ჯეჯელავამ განაცხადა, რითაც გამოეხმაურა რეპერების მიმართ აღკვეთის ღონისძიების შეცვლის საკითხს.
ალექსანდრე ჯეჯელავამ ოპონენტების კრიტიკასაც უპასუხა იმის შესახებ, რომ სწორედ ბერა ივანიშვილის განცხადების შემდეგ "გადაწყდა რეპერების ბედი" და განაცხადა, რომ ეს არ შეესაბამება სიმართლეს.
"ეს არ შეესაბამება სიმართლეს. ყველა ჩვენგანი მაშინ გამოეხმაურა ამ მოვლენებს, როცა ფაქტი მოხდა. რაც ვიცით, არის ის, რომ მთავრობის და პრემიერის გადადგმული ნაბიჯები წინ უსწრებდა ბერას კომენტარს", - განაცხადა ალექსანდრე ჯეჯელავამ.
რაც შეეხება ნარკოპოლიტიკასთან დაკავშირებულ კანონპროექტს, ალექსანდრე ჯეჯელავას განცხადებით, პრემიერის ინიციატივამ შეუწყო ხელი, რომ კანონპროექტი დღის წესრიგში დამდგარიყო უფრო მალე, ვიდრე დაგეგმილი იყო.
"რაც შეეხება ჩემს შეფასებას, ნებისმიერი კანონის დარღვევა ნებისმიერის მხრიდან არის აბსოლუტურად მიუღებელი და ყველა უნდა დაისაჯოს, ოღონდ სასჯელი უნდა იყოს თანაზომიერი. რაც შეეხება მართლმსაჯულების მუშაკების მიმართ დამოკიდებულებას, მათი პატივისცემა არის ნამდვილად ნებისმიერი სახელმწიფოს დასაყრდენი", -განაცხადა ალექსანდრე ჯეჯელავამ.
