ვინ არის გოგონა, რომელიც "X ფაქტორის" სცენაზე გამოსვლის შემდეგ სოფო ნიჟარაძემ საკუთარ ქორწილში დაპატიჟა

ქრისტინე მარტიაშვილს მუსიკალურ წრეებში კარგად იცნობენ. ის არაერთი პროექტის მონაწილეა, როგორც საქართველოში, ასევე უკრაინაში. უკრაინული "ვოისის" კასტინგზე მისმა გამოსვლამ ფურორი მოახდინა, თუმცა პროექტის ფინალში ქრისტინე ვერ მოხვდა. გულგრილი მისმა სიმღერამ არც "იქს ფაქტორის" ჟიური დატოვა და უფრო მეტიც, სოფო ნიჟარაძემ მის ქორწილშიც კი დაპატიჟა. Ambebi.ge ქრისტინე მარტიაშვილს ესაუბრა.

იხილეთ ვიდეო

- ქრისტინე, საკმაოდ დიდი გამოცდილება გაქვს პროექტებში მონაწილეობის, რატომ მოხვედი "იქს ფაქტორში"?

- იმიტომ, რომ ქართულ პროექტში არ მაქვს ისეთი წარმატება მიღწეული, რომ კმაყოფილი ვყოფილიყავი საკუთარი თავით. ყოველთვის ზედმეტად ვნერვიულობ, ახლაც ზედმეტად ვინერვიულე, რადგან მომთხოვნი ვარ საკუთარი თავის მიმართ. თუ მექნება პროექტში დარჩენის საშუალება, ვაჩვენებ მაყურებელს რა შემიძლია.

- კმაყოფილი ხარ შენი გამოსვლით?

- რაღაცეებს შევცვლიდი, როცა მარტო დავრჩები უფრო ყურადღებით მოვუსმენ ჩემს შესრულებას და შეფასებებს. ძალიან ვნერვიულობდი და ეს მეტყობა კიდეც. ჟიურის ასეთ აღფრთოვანებას ნამდვილად არ ველოდი. იდეალური არ იყო, მაგრამ კარგი იყო მაინც ჩემი გამოსვლა.... ყველაზე მეტად ლელა წურწუმიას შეფასება დამამახსოვრდა... მითხრა, რომ ძალიან გაზრდილი ვარ. სოფოს შეფასებას რაც შეეხება, სასიამოვნო იყო ნამდვილად, ე.ი. ისე კარგად მიმღერია, რომ ქალისთვის მნიშვნელოვან დღეს, მის ქორწილში უნდა, რომ მე ვიმღერო. თუ ძალაში იქნება მისი შემოთავაზება აუცილებლად ვიმღერებ სოფო ნიჟარაძის ქორწილში.

თამარ ბოჭორიშვილი

Ambebi.ge

ნახეთ: მომხიბვლელი კონკურსანტი, რომლის გამოც მენტორებმა სოფო ნიჟარაძეს უსაყვედურეს: "არ ვიცი სოფო ნანობს თუ არა ამას..."