17
მარტიდღის ზოგადი ასტროლოგიური პროგნოზი
საქართველოს მხიარულთა და საზრიანთა ნაკრები რუსულ КВН-ში ბოლო წლებია აქტიურად მონაწილეობს. ქართველმა "მხიარულებმა და საზრიანებმა" ტრადიცია არც წელს დაარღვიეს და მათი მონაწილეობით შოუს მერვედფინალი რუსეთის პირველი არხის ეთერში 16 აპრილს გავიდა. ქართული ცეკვა, ცნობილი ქართულ სიმღერები რუსული ტექსტით, შიგადაშიგ ქართული სიტყვები და კავკასიური აქცენტი - ამ გამოსვლაშიც ქართველებმა კარგად ნაცადი ძველი "ხრიკები" გამოიყენეს.
ქართველების КВН-ში გამოსვლას საქართველოში ტრადიციულად კრიტიკული გამოხმაურება მოჰყვა. AMBEBI.GE იუმორისტ ამიკო ჩოხარიძეს დაუკავშირდა, რომელიც საქართველოს მხიარულთა და საზრიანთა ნაკრების ერთ-ერთი წევრია.
- ჩვენ ვთამაშობთ უმაღლეს ლიგაში, გადავედით ნახევარფინალში და მიზანი გვაქვს, ფინალშიც მოვხვდეთ, რომელიც ოქტომბრის ბოლოს გაიმართება. საქართველოს "კავეენის" ნაკრები ბოლო წლებში დიდ წარმატებებს აღწევს, სანამ ფინალი ჩატარდება, მანამდე მიწვეული ვართ ფესტივალზე Голосящий КиВи́Н, სადაც 2016 წელს პრეზიდენტის თასი ავიღეთ. მოკლედ, ვშრომობთ ბიჭები და საქართველოს სახელი გაგვაქვს ქვეყნის გარეთ.
იხილეთ ქართველების გამოსვლის ვიდეო
- თუმცა, საქართველოში კრიტიკა დაიმსახურეთ ამის გამო...
- კრიტიკას ჯობია გვერდით დაგვიდგეს ეს ხალხი, მხარი დაგვიჭიროს და პატრიოტიზმი გამოიჩინონ, გაიაზრონ, რომ ჩვენ რუსულ გუნდებს ვუგებთ. პირიქით, უნდა უხაროდეთ ჩვენი წარმატება. არც გვაქვს დრო, ყველას ვუსმინოთ, ვინც გვაკრიტიკებს. კონკრეტულ გვარებს და სახელებს არ ვიტყვი, მაგრამ ისეთი ადამიანები გვაკრიტიკებს, რომლებიც ამ თამაშს 1991-92 წლებში თამაშობდნენ რუსეთში, როცა ქვეყანაში საომარი მდგომარეობა იყო. ისინი ჩადიოდნენ რუსეთში, ამ თამაშს თამაშობდნენ და ჰქონდათ პოლიტიკური ხუმრობები. ჩვენ პოლიტიკური ხუმრობები არ გვაქვს.
- ფუმფულა მიშკაზე იხუმრეთ, სააკაშვილზე ხუმრობა არაა პოლიტიკური ხუმრობა?
- ამ ადამიანზე ხუმრობის უამრავი საბაბი არსებობს, ამიტომ არ ვთვლით, რომ ეს პოლიტიკური ხუმრობა იყო. კონკრეტული მწარე ხუმრობები არ გვაქვს. საქართველო-რუსეთის ურთიერთობაზე გაცილებით თბილად ვხუმრობთ, ვამბობთ, ჯობია ვიმეგობროთ.
- ნიკოლოზ ცისკარიძე როგორ დაითანხმეთ თანამშრომლობაზე?
- როცა გაიგო საქართველოს ნაკრებს სჭირდებოდა, სიხარულით დაგვიდგა გვერდით. არც მეგონა ქართულად თუ საუბრობდა, გურული ადამიანია, გაერთო ჩვენთან ერთად რეპეტიციებზე და კარგადაც იხუმრა. ჰონორარის გარეშე დაგვიდგა გვერდით, სოსო პავლიაშვილი და გრიგორი ლეპსიც დაგვეხმარნენ. ისინი მაქსიმალურად ცდილობენ ჩვენი თავი გააცნონ მაყურებელს. ხალხი თბილად გვხვდება, გვაფასებენ. ყველა ადამიანისგან ვგრძნობთ სიყვარულს.
- თქვენზე ამბობენ, რომ რუსეთში გადახვედით საცხოვრებლად, მართალია?
- ჩემზე ბევრი ჭორი დადის, ჯერჯერობით არსად არ გადასულვარ. ამ ეტაპზე საქართველოში ვარ, მაგრამ ვნახოთ, მომავალში რა იქნება.
თამარ ბოჭორიშვილი
AMBEBI.GE
