15
მარტიდღის ზოგადი ასტროლოგიური პროგნოზი
ფილარმონიაში "X ფაქტორის" შესარჩევი ტურები მიმდინარეობს. შოუს ახალი, მეოთხე სეზონი ტრადიციულად სიურპრიზებითა და ბევრი აღმოჩენით იქნება სავსე.
შოუს ვარსკვლავური ჟიური - სტეფანე, სოფო ნიჟარაძე, გიორგი გაბუნია და ლელა წურწუმია - საუკეთესოთა შორის საუკეთესოებს არჩევენ და მალე მათ "რუსთავი 2"-ის მაყურებელიც იხილავს. თუმცა მანამდე ყველას აინტერესებს, რა ხდება კადრს მიღმა...
პირველ შესარჩევ ტურზე, კონკურსანტების გამოსვლათა შორის ჟიურის წევრებმა გამხიარულება გადაწყვიტეს. "იქს ფაქტორის" უცვლელი მენტორი გიორგი გაბუნია ჟიურის მკაცრი წევრია, თუმცა მაყურებლის და კოლეგების გამხიარულებასაც ახერხებს. მას შეუძლია შეაფასოს, აღმოაჩინოს "იქს ფაქტორი", ფილარმონიდან დაგეგმოს გადაცემა P.S და ამავე დროს სტეფანეც გააშარჟოს...
"იქს ფაქტორის" შესარჩევ ტურზე გაბუნია ჟიურის წინაშე კონკურსანტის ამპლუაშიც კი წარსდგა და სტეფანეს "მზე და შოკოლადები" იმღერა. "თუ გინდა გართობა, მზე და შოკოლადები, სადღაც შორს კუნძულზე, უფრო შემიყვარდები..." - გაბუნიას სიმღერამ მთელი დარბაზი ააცეკვა. ტელეწამყვანმა კოლეგების ცეკვაში აყოლიებაც მოახერხა ერთ-ერთი კონკურსანტის სიმღერის დროს - მისი და სოფო ნიჟარაძის ცეკვისას ფოტოგრაფებმა პიკანტური ფოტოებიც გადაიღეს...
როგორ განვითარდება მოვლენები "X ფაქტორის" სცენაზე და სცენის მიღმა - ადევნეთ თვალყური AMBEBI.GE-ზე
