რა უნდა გავაკეთოთ, რომ ფული ბარაქიანად შემოედინოს თქვენს ცხოვრებაში - ეს რჩევა გაითვალისწინეთ

ჰიპნოთერაპევტი რუსიკო კვირკაშვილი "ფეისბუქზე" ფინანსური კეთილდღეობის მოზიდვის მსურველებს რჩევას აძლევს:

"იმისათვის, რომ ცხოვრებაში ფინანსური კეთილდღეობა გვქონდეს, აუცილებელია ჩვენი ურთიერთობა გავაუმჯობესოთ ფულის ღვთიურ ენერგიასთან. ხშირად, ადამიანს არასწორი წარმოდგენები აქვს ფულთან დაკავშირებით და მას ბოროტების წყაროდ თვლის, ან 'ხელის ჭუჭყს' უწოდებს მას. როდესაც მსგავსი ცრუ რწმენები და წარმოდგენები ღრმად აქვს ადამიანს ქვეცნობიერში გამჯდარი, გასაკვირი არ იქნება, რომ ასეთ ადამიანს ფინანსური პრობლემები ქონდეს ცხოვრებაში.

მედიტაცია ფულის ენერგიის გასააქტიურებლად:

შეხედეთ ამ სურათს, დააკვირდით ოქროსფერ ნაკადს და წარმოიდგინეთ, რომ ის ფულის ენერგიაა. მიაქციეთ ყურადღება, თუ რა აზრები მოგივათ თავში, როდესაც ფულზე ფიქრობთ. როგორია თქვენი და ფულის ენერგიის ურთიერთობა? თავისუფლად შემოედინება ის თუ არა თქვენს აურაში და ცხოვრებაში?

თუ გსურთ, ფულის ენერგია უფრო ბარაქიანად შემოედინოს თქვენს აურასა და ცხოვრებაში, ეცადეთ მასთან სიყვარულით სავსე მეგობრული ურთიერთობა დაამყაროთ და უფრო ფართოდ გაუღოთ მას კარი თქვენს ცხოვრებაში. იგრძენით, როგორ დაიწყებს ფულის ენერგია თავისუფლად შემოდინებას თქვენში. მადლობა მოუხადეთ მას დახმარებისა და მეგობრობისთვის.

ჩემი განზრახვაა, თითოეულ თქვენგანს (ვისაც ამის სურვილი აქვს და ამისთვის მზადაა) ფინანსური კეთილდღეობა მოგიტანოთ ამ პატარა მედიტაციამ და სურათმა.

მდიდარ და ბედნიერ ცხოვრებას გისურვებთ".

წაიკითხეთ ასევე: როგორ უნდა მოვიქცეთ, რომ ბარაქის ხემ მეტი ფული მოგვიტანოს - ფენ-შუის რჩევები