მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"წარმოუდგენელია ის ცვლილებები დაფიქსირებულიყო, რასაც პაციენტის ბებია ამბობს" - იაშვილის კლინიკის სამედიცინო დირექტორი
09:36 / 26-12-2016
2 თვისა და 8 თვის ანასტასია ზაალიშვილის ბებიის სკანდალურ ბრალდებას Ambebi.ge-სთან საუბარში იაშვილის კლინიკის სამედიცინო დირექტორი ივანე ჩხაიძე ეხმაურება. მისი თქმით, პაციენტის მდგომარეობა, კლინიკაში ყოფნის დროს, მუდმივად კონტროლდებოდა და "წარმოუდგენელია ის ცვლილებები დაფიქსირებულიყო, რაზეც გაჟღერებულ ბრალდებებშია საუბარი".
- ამ პაციენტს თავის ტვინის სიმსივნის ამოკვეთის შემდეგ განუვითარდა დამახასიათებელი გართულება, ჰიდროცეფალია. იმის გამო, რომ ჰიდროცეფალია არ ექვემდებარება მედიკამენტურ მკურნალობას, ჩატარდა გარეთა რენტრუგინული დრენირება, ნეიროქირურგიული პროცედურა. იაშვილის კლინიკაში ბევრი ასეთი პაციენტი წევს, შესაბამისად, ჩვენთვის ეს იშვიათი პროცედურა არ არის. ჩავუდგით დრენაჟი, პროცედურა სტანდარტული წესით შესრულდა. ოპერაციის დროს მიღებული იყო სითხე, 35 მილილიტრი. ამის შემდეგ ჩაიდგა დრენაჟი, რათა თავის ტვინი დაცლილიყო ზედმეტი სითხისგან. 24 საათის განმავლობაში დრენაჟის საშუალებით თავის ტვინიდან წამოვიდა 250-270 მილილიტრი სითხე. ბავშვის მდგომარეობა დრენაჟის ჩაყენების შემდეგ მნიშვნელოვნად გაუმჯობესდა. შესაბამისად, დრენაჟი იდგა თავის ადგილას და ამიტომაც მივიღეთ დადებითი შედეგი. ბავშვი იყო კონტაქტური, დაუწია სიცხემ და მისი მდგომარეობა გაუმჯობესდა. გარდა ამისა, როცა ბავშვი მიჰყავდათ თურქეთში, მისი მდგომარეობა განმეორებით შეფასდა დადებითად. კერძოდ, საშუალო სიმძიმის იყო. მძიმე რომ ყოფილიყო მისი მდგომარეობა, თურქი ექიმები გააკეთებდნენ შეფასებას და არ მოხდებოდა მისი ტრანსპორტირება.
- რაზე დაყრდნობით გიყენებთ ბებია ამ მძიმე ბრალდებას?
- ბებია რაზე დაყრდნობით ამბობს ამ ყველაფერს, არ ვიცით. ოფიციალურად მივმართეთ თურქულ კლინიკას და დღის ბოლოს მივიღებთ პასუხს. ამ პაციენტის მდგომარეობა მუდმივად კონტროლდებოდა, წარმოუდგენელია ის ცვლილებები დაფიქსირებულიყო, რასაც ბებია წერილში ამბობს.
- როდის მოიყვანეს ანასტასია ზაალიშვილი იაშვილის კლინიკაში?
- პაციენტი ჩვენს კლინიკაში 26 ნოემბერს შემოიყვანეს, მას მეოთხე სტადიის სიმსივნე ჰქონდა, 30 ნოემბერს ჩაუტარდა ოპერაცია, კიდევ იყო დაგეგმილი ერთი ქირურგიული ჩარევა, მაგრამ ოჯახს თავიდანვე ჰქონდა გადაწყვეტილი მისი საზღვარგარეთ წაყვანა.
თამარ ბოჭორიშვილი
Ambebi.ge
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
