როგორ არის მაიკო? მოურჩა კიბოო? - ვის კომენტარებს ასაჯაროვებს ვახტანგ რჩეულიშვილი

ვახტანგ რჩეულიშვილი "ფეიბუქის" პირად გვერდზე "პროკურატურის აგენტების" კომენტარებს ასაჯაროვებს:

"დექსაპულო, დედა გყაავს? (გუკა რჩეულიშვილის სიტყვიდან ბოლო სასამართლო პროცესზე).

ვფიქრობ, რომ დაზარალებულთა საიტის ზოგიერთ მონაწილეს სიტყვა "ადამიანი" ნაკლებად ეკუთვნის. როგორც ჩანს, ბოროტი სულებით არიან შეპყრობილები. თავად განსაჯეთ:

აი რას წერენ პროკურატურის აგენტები თავის საიტზე:

Lela Sidamonidze‎ в ცენტრ პოინტის (dexus, center point ) მიერ დაზარალებულ კლიენტთა ჯგუფი

როგორ არის მაიკო? მოურჩა კიბო?

10 ადამიანს მოსწონს ეს, აქედან 4-მა კომენტარი გააკეთა "ჰა-ჰა-ჰა" (Iatamze Ghonghadze, Eteri Athina Eto, lela Piranishvili, Noa Jinjikhashvili, Inga Suladze, Ani Avsajanishvili, Tamar Pirtskhalaishvili, Nana Germozanashvili, Nino Chumburidze).

თქვენ რას უპასუხებდით?

მე პირადად ამ ბოროტი სულების საჯიჯგნად მაიას ნამდვილად ვერ დავტოვებ და ამაში ჩვენ პატიოსან კლიენტებს ვთხოვ დახმარებას. რათა შეატყობინონ მთავრობას და ხალხს, რომ მაია რჩეულიშვილის სიკვდილს კი არა, საკუთარი ქონების მიღებას ითხოვენ. მაიას განადგურება კი ჩვენც დაგვღუპავს და ცენტრ-პოინტის კლიენტებსაც!".