25
მარტიდღის ზოგადი ასტროლოგიური პროგნოზი
ალბათ ბევრ გოგონას სურს პოპულარულ მსახიობზე გათხოვება, ამ ქალებს კი შესაძლოა სულაც არ უოცნებიათ, რომ ოდესმე პოპულარულ და ბევრი ქალისთვის საოცნებო მამაკაცს გაყვებოდნენ ცოლად... წარმოგიდგენთ ქალებს, რომლებიც თავის დროზე არაფრით იყვნენ კავშირში შოუბიზნესთან და წითელ ხალიჩასთან, მიმტანებად, მაკლერებად და ბარმენებად მუშაობდნენ, დღეს კი წითელ ხალიჩაზე ცნობილ მეუღლეებთან ერთად პოზირებენ:
ივ მავრაკისი და იუენ მაკგრეგორი
ფრანგმა გოგონამ და ცნობილმა მსახიობმა ერთმანეთი გადასაღებ მოედანზე გაიცნეს. მავრაკისი მხატვარ-დეკორატორად მუშაობდა. გაცნობის დღიდან წყვილი ერთმანეთს არ დაშორებია. მათ ოთხი შვილი ყავთ.
ელის კიმი და ნიკოლას კეიჯი
ელის კიმის და ნიკოლას კეიჯის შეხვედრა ზღაპარს გავს. გოგონა რესტორანში მიმტანად მუშაობდა. ერთხელ ეს დაწესებულება ცნობილმა მსახიობმა მოინახულა. მას გოგონა ერთი ნახვით შეუყვარდა და ჰოლივუდში თავისთან წაიყვანა. წყვილი უკვე 11 წელია ერთადაა.
ლუსიანა ბაროზო და მეთ დეიმონი
ქმართან შეხვედრამდე ლუსიანა ბაროზო არც ფილმებში გადაუღიათ და არც წითელ ხალიჩაზე გაუვლია. ის ბარმენად მუშაობდა ღამის კლუბში, სადაც ერთხელ მეთ დეიმონმა შეიხედა. გოგონამ ახალგაზრდა მსახიობთან აღიარა, რომ მისი ფილმები ძალიან უყვარდა. მსახიობს მოეწონა გოგონა, წყვილი 2005 წლიდან ერთადაა და ოთხი ქალიშვილი ყავთ.
რებეკა გლისონი და ერიკ ბანა
რებეკა გლისონი არც მომღერალია, არც მსახიობი, სამაგიეროდ პუბლიცისტად მუშაობდა ერთ-ერთ არხზე და ქვეყნის უმაღლესი მოსამართლის შვილია. რებეკა და ერიკი ერთმანეთს 1997 წელს შეხვდნენ და იმის შემდეგ განუყრელები არიან.
კაილა უებერი და ვინს ვონი
როდესაც წყვილმა ერთმანეთი გაიცნო, კაილა მაკლერად მუშაობდა კანადურ ფირმაში. 2010 წელს ვინსმა გოგონას ხელი თხოვა. მას შემდეგ წყვილი ერთად ცხოვრობს და ძალიან ბედნიერებიც არიან.
ტარა უილსონი და კრის ნოტი
ყველა ქალისთვის, ვისაც საკულტო სერიალი "სექსი დიდ ქალაქში" ერთხელ მაინც უნახავს, მისტერ ბიგი საოცნებო მამაკაცია. ქალების გულთამპყრობლის გული კი რეალურ ცხოვრებაში ერთადერთმა ქალმა მოინადირა: ტარა უილსონი მიმტანად მუშაობდა, როცა მომავალ მეუღლეს შეხვდა. გოგონა 8 წელი ელოდა თითქმის 30 წლით უფროსი კრის ნოტისგან ხელისა და გულის შეთავაზებას და 2012 წელს ეს დღეც დადგა. წყვილს ერთი შვილი ჰყავს.
მომზადებულია adme.ru-ს მიხედვით
