მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მსოფლიოში ყველაზე ბედნიერი პენსიონერი ქალი
05:07 / 13-02-2016
ბოლო 8 წლის განმავლობაში ეს ქალბატონი საკრუიზო ლაინერ Crystal Serenity-ზე ცხოვრობს. მოხუცი ქვრივისთვის ეს გადაწყვეტილება იოლი არ ყოფილა - მან ფლორიდაში საკუთარი სახლი გაყიდა, რათა ცხოვრების უკანასკნელი წლები განუწყვეტელ მოგზაურობაში გაატაროს.
86 წლის ლი ვაჰტსეტერი წელიწადში $164 ათასს ხარჯავს, აქვს საკუთარი ლუქს-კლასის კაიუტა, აგემოვნებს გემის რესტორნების საუკეთესო კერძებს, საღამოობით კი სამეჯლისო ცეკვებით ირთობს თავს. მას ხშირად იწვევენ სადღესასწაულო ვახშმებზე, დადის გემის კინოთეატრში და ესწრება სხვადასხვა ლექციას.
"ეკიპაჟის წევრები ძალას არ იშურებენ, რომ გამაბედნიერონ. ზოგიერთი მათგანი ოჯახის წევრივითაა ჩემთვის. უკლებლივ ყველა სურვილს მისრულებენ, ამისთვის ხმელეთზე დიდი დროის დაკარგვაც რომ დასჭირდეთ. ადრე ასეთი ყურადღება ჩემდამი არავის გამოუჩენია", - ჰყვება ლი. ქალბატონს გემზე ყველა მიმართავს როგორც "დედა ლი". ბლოგერი პენი ჰო, რომელმაც მოხუცი იტალიაში კრუიზის დროს გაიცნო, ამბობს, რომ ლი პირველი ადამიანია დედამიწის ზურგზე, რომელმაც დაანახა, თუ რა არის ცხოვრებით ტკბობა.
დედა ლი Crystal Serenity-ზე 2008 წლიდან ცხოვრობს. იგი ამბობს, რომ ეს გემი კარგი საცეკვაო პროგრამის გამო შეარჩია. "მე და ჩემს მეუღლეს მოგზაურობა გვიყვარდა. გარდაცვალებამდე, 1997 წელს მან მითხრა: "ლი, განაგრძე მოგზაურობა. არასოდეს გაჩერდე"... და აი, ვაგრძელებ კიდეც".
"სანამ ამ გემზე დავიწყებდი ცხოვრებას, მსოფლიოს გარშემო ლაინერ Holland America-ზე ვმოგზაურობდი 3 წლის განმავლობაში. შემდეგ მათ ცეკვის კლასი დახურეს და ამის გამო წასვლა გადავწყვიტე. დიდი ხანია ყოველ საღამოს რამდენიმე საათი ვცეკვავ ინსტრუქტორთან ერთად".
გარდა ამისა, ბებო ჰყვება, რომ ცხოვრების განმავლობაში ასზე მეტი ქვეყანა მოიარა. მისი საყვარელი ქალაქი სტამბოლია. "თავს ვერ ვიკავებ სტამბოლის გრანდ ბაზარში გასეირნებისგან, სადაც ულამაზესი ფერადი და ბრჭყვიალა კაბა იყიდება, რომელიც ჩემი ცეკვებისთვის იდეალურია. ჩემს კაიუტაში დიდი ადგილი არ მაქვს, ამიტომ თავის შეკავება მმართებს ხოლმე. მაგრამ როდესაც საქმე შოპინგს ეხება, ხმელეთზე პირველი ვხტები".
ამჟამინდელი ცხოვრების ყველაზე დიდ სირთულედ ბედნიერი პენსიონერი იმ ფაქტს მიიჩნევს, რომ მისი შვილები და შვილიშვილები მაიამიში ცხოვრობენ და მუდმივად ენატრება ოჯახის წევრები. თუმცა, მათთან სკაიპისა და ელექტრონული ფოსტის მეშვეობით ხშირად აქვს კონტაქტი.
დუდანა ზაქარაია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
