მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა შემთხვევაში ემუქრება საქართველოს H1N1 ვირუსის ეპიდემია
10:07 / 20-01-2016
სასწრაფოს დახმარების სამსახური მუშაობის საგანგებო რეჟიმზე გადავიდა. ეს გადაწყვეტილება დავით სერგეენკოს საგანგებო ბრიფინგის შემდეგ მიიღეს. ჯანდაცვის მინისტრის თათბირს უწყების სხვადასხვა სამსახურებისა და დეპარტამენტების, ასევე სასწრაფო სამედიცინო დახმარების სამსახურის ხელმძღვანელი პირები ესწრებოდნენ. დავით სერგეენკო შეხვედრაზე ინიციატივით გამოვიდა და სამსახურების ხელმძღვანელ პირებს მოუწოდა, თავიანთი სამსახურებრივი ავტომობილები გახშირებული გამოძახებებისთვის გამოიყენონ.
რა მდგომარეობაა ქვეყანაში შექმნილი, ე.წ. ღორის გრიპთან დაკავშირებით, როგორ უნდა ავიცილოთ თავიდან და რა შემთხვევაში ემუქრება საქართველოს H1N1 ვირუსის ეპიდემია, ამის შესახებ დაავადებათა კონტროლის ცენტრის ხელმძღვანელი ამირან გამყრელიძე გვესაუბრა.
- როცა ვირუსი ინტენსიურ ფაზაში შედის, შესაბამის მონიტორინგს ვაწარმოებთ, მინისტრმა დავით სერგეენკომ დღეს დაავადებათა კონტროლის ცენტრის, ეპიდემიოლოგიურის, სასწრაფოს და სხვა შესაბამისი სამსახურების მონაცემები მოისმინა და მიღებული იქნა შესაბამისი გადაწყვეტილება, რომელიც მან ბრიფინგზე გააჟღერა. ე.წ. ღორის გრიპის მხრივ, ქვეყანაში სიტუაცია კონტროლირებადია, საშუალო დონის მაჩვენებელი გვაქვს. ყველაზე რთული პერიოდი იყო 2010-2011 წლის სეზონი. დღეს 100 000 მოსახლიდან 240 ადამიანს აქვს ეს ვირუსი, ეპიდემიის ზღვარი კი იმ შემთხვევაში გამოცხადდება, როცა რაოდენობა 100 000 მოსახლეზე 500 ადამიანს გადააჭარბებს. საქართველოში გრიპის სეზონი დეკემბრის მეორე ნახევრიდან იკრებს და პიკს აღწევს თებევალში.
- როგორ უნდა დავიცვათ თავი ამ ვირუსისგან?
- ამ სეზონზე ძირითადად გავრცელებულია A ტიპის H1N1 ვირუსის ქვეტიპი, რომლის ძირითადი სამიზნეა ახალგაზრდა მოსახლეობა, კერძოდ ქალბატონები - ორსულები. განსაკუთრებულად ვაფრთხილებთ ფეხმძიმე ქალბატონებს, მოერიდონ თავშეყრის ადგილებს, განსაკუთრებულ რეკომენდაციას ვაძლევთ ასევე პატარებს. მოვუწოდებთ მოსახლეობას, ხშირად გაანიავონ სამუშაო თუ საცხოვრებელი ოთახები. დაიცვან სანიტარული ნორმები. H1N1 ვირუსს ახასიათებს თავის, ყელის და სახსრების ტკივილი, ხველა და ა.შ. ბავშვებში თან ერთვის გულის რევის შეგრძნება ან ღებინება.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
