მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თამადას ყველა ქართველის ჯიგარზე ამოკაწრული ყველა სადღეგრძელო მოხდილი ჰქონდა და კლასგარეშეს ეძებდა, ჭიქა ტურისტზე გაასწორა და დაჰყვირა: ევროპა!" - დაჩი გრძელიშვილი
04:00 / 20-09-2015
ჟურნალისტი დაჩი გრძელიშვილი ახალციხეში მოგზაურობის შესახებ წერს და ადგილობრივებსა და ტურისტებს შორის არსებულ ურთიერთობაზე ამახვილებს ყურადღებას:
"ეს რამდენიმე დღე ახალციხეში ვიყავი. ძაალიან ბევრი ტურისტია, თან ტურისტული ტურისტი - პოლონელები, გერმანელები, ჰოლანდიელები... მეცნიერული დაკვირვების საფუძველზე დავასკვენი რომ ეს ტურიზმი არა მარტო ეკონომიკისთვის არამედ კულტურის, ტოლერანტობისა და ქსენოფილიის (ქსენოფობიის ანტონიმია, მგონი მე მოვიგონე ეხლა) განვითარებისთვისაც ძალიან კარგი რამეა. რატომ: ეს ტურისტები - ხო დაბოჟიალობენ ახალციხესა და მიდამოებში. ფულს ხარჯავენ - ადგილობრივებს შემოსავალი უჩნდებათ, შრომის მოტივი და სისულელებისთვის დრო აღარ რჩებათ. სადაც განვითარებული ეკონომიკაა, იქ ეროვნული ავადმყოფობები არ აწუხებთ (არსებობს ადამიანური ავადმყოფობა - გრიპი, ფაღარათი, აპენდიციტი... და არსებობს ეროვნული ავადმყოფობა- ქსენოფობია, ურაპატრიოტიზმი, ნარკომანია, ლოთობა...) თან, ტურისტები ხო ათასნაირები არიან, ჭრელა-ჭრულები - რჯულით გინდა, რასით, სქესით თუ ჩაცმულობით. და მოსახლეობა ყოველდღიურ ცხოვრებაში მათთან მშვიდობიან თანაცხოვრებას ეჩვევა.
მაგალითად, ხედავს, რომ ევროპელი, ამერიკელი თუ ჩინელი ტურისტი, მიუხედავად კანის ფერისა და კაცური თუ ქალური მანერებისა, საოცრად თავაზიანია, არ გექაჩება მეობაზე (არ გართმევს) და არ ანაგვიანებს ქუჩას. საღამო ჟამს, ერთ-ერთ დუქანში ასეთ სცენას შევესწარი: აქით მაგიდაზე, საშუალოზე დაბალი ფენის ქართველები ლხინობდნენ. იქეთ მაგიდას ტურისტები მისხდომოდნენ. ქართველები რომ შტოფიდან ჭიქაში ისხამდნენ, ზუსტად ისეთი ედგათ ტურისტებს შუაში და ღვინოს პატარა ჭიქუნებში უმარჯვებდნენ. თან ქართულ სუფრას ისეთი მალულობით უყურებდნენ, უბილეთოდ რომ სპექტაკლზე შეიპარები. ჰოდა სად იყო და სად არა, თამადამ ისე მიმოიხედა, მივხვდი - დედმამიშვილები, მშობლები, სამშობოლო და ყველა ქართველის ჯიგარზე ამოკაწრული ყველა სადღეგრძელო მოხდილი ჰქონდა და ახლა კლასგარეშეს ეძებდა. ჭიქა ტურისტზე გაასწორა და დაჰყვირა: ევროპა! ამათ ხო პატარები ეჭირათ და ლამის ჭიქიანა გადაცდა სასმელი. - ევროპა. უბილეთოს შიშით დაუდასტურა მშვიდობიანმა ტურისტმა. რა დაგიმალოთ და კი დავიძაბე...
- ევროპა ხარაშო! რიხით გააგრძელა თამადამ. - ფრანცია ხარაშო, გერმანია ხარაშო! (რატო ჰგონია ბრეჟნევის თაობას რუსული ჯადოსნურად საერთაშორისო ენა?) ერთ-ერთმა ტურისტმა შვებით მიაყოლა - ჰოლანდია! და თავისი მაგიდას პატარა ჭიქიანი ხელი მოატარა.
- ჰოლანდიაც ტოჟე ხარაშო. რასია პლოხა! - არ დაიბნა თამადა. ჰოლანდიელებიც არ იყვნენ ჯაბანნი. თანხმობის ნიშნად ერთხმად გამოცალეს ჭიქები. იმ წუთიდან, ჰაერი განიმუხტა და ჩვენ ყველანი, უკვე შეთანხმებული ევროპელები ფიქრით ისევ ჩვენ ჩვენ მაგიდებთან დავბრუნდით. მოკლედ, კაი რამეა ტურიზმი" - წერს ჟურნალისტი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
