29
მარტიდღის ზოგადი ასტროლოგიური პროგნოზი
ბახვა ბრეგვაძე "ჩემი ცოლის დაქალებში" მონაწილეობს, თუმცა არ გახლავთ მსახიობი. აქვს რამდენიმე სპეციალობა, საერთაშორისო სამართლის განხრით უცხოეთში დაამთავრა სწავლა, ამჟამად ერთ-ერთი კომპანიის პიარის მიმართულების ხელმძღვანელია და კულინარიული ჟურნალის კრეატიული რედაქტორიც.
მიუხედავად ბევრი საქმისა, ბახვა იმასაც ახერხებს, რომ არც ერთ საინტერესო ივენთს არ გამოაკლდეს, ჰყავს დიდი სამეგობრო წრე. წლევანდელი ზაფხულიც ნაწილობრივ დაგეგმა და მისი ერთ-ერთი "გაჩერება" ანაკლიაა, სადაც ელექტრონული მუსიკის ფესტივალი 30 ივლისიდან 7 აგვისტოს ჩათვლით უცხოელი ვარსკვლავების მონაწილეობით იმართება.
ბახვა ბრეგვაძე:
- მუსიკა ჩემი ცხოვრების ერთ-ერთი მნიშვნელოვანი კომპონენტია. ფეხითაც რომ ვსეირნობ ქუჩაში, ყოველთვის ვუსმენ რამეს ყურსასმენების საშუალებით. თუ ყურსასმენები არ მაქვს, მაშინ პირდაპირ ხმამაღლა ვრთავ და ისე ვუსმენ (იცინის). ან თავად ვღიღინებ.
ვერ გეტყვი, რომ მხოლოდ ელექტრონული მუსიკა მომწონს, ყველა ჟანრს ვუსმენ და საინტერესოს ყველგან ვპოულობ. ყველაზე ნაკლებად როკი მომწონს, მხოლოდ რამდენიმე კომპოზიცია.
ანაკლიაში რატომ მივდივარ? მუსიკა და ზღვა შესანიშნავი დუეტია. მსმენია, რომ წინა წელს სხვა ფესტივალზე კარგი გარემო შეიქმნა და სასიამოვნო შთაბეჭდილება დატოვა. ვიცი, რომ წელს ელექტრონული მუსიკის ფესტივალში ძალიან კომპეტენტური ადამიანები არიან ჩართულნი, ქართველებიც და უცხოელებიც, შესაბამისად, ველოდები ხარისხიან ღონისძიებას, რომელსაც სიამოვნებით დავესწრები. ზუსტად ვიცი, რომ კარგ დროს გავატარებ. მოლოდინი დიდია. ანაკლიაში გამგზავრებას მეგობრებთან ერთად ვაპირებ.
შეგახსენებთ, რომ ფესტივალის 9-დღიანი მულტი-პასი, რომლითაც ნებისმიერ ივენთს დაესწრებით, eventer.ge-ზე იყიდება, ბილეთების შეძენა შეგიძლიათ GEM fest-ის ოფისშიც და ასევე TBC-ს სწრაფი გადახდის აპარატებიდანაც.
GEM fest-ის ოფიციალური მხარდამჭერია ამბები.ჯი
