მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა წერია პატრიარქის მდივნის სახელით გავრცელებულ სტატუსში, რომლის გამო საპატრიარქოს სპეციალური განმარტების გაკეთება მოუწია
02:38 / 12-05-2015
რამდენიმე დღის წინ პატრიარქის მდივნის, შორენა თეთრუაშვილის სახელით სოციალურ ქსელში ჩანაწერი გავრცელდა, რომელშიც თითქოს ის საქართველოს წართმეულ მიწებზე საუბრობდა და რუსეთს ოკუპანტად მოიხსენიებდა. ტექსტი საქართველოს ახალ თავდაცვის მინისტრსაც ეხებოდა. კერძოდ, მასში თავდაცვის უწყების ახლადდანიშნული ხელმძღვანელი მოხსენიებული იყო, როგორც "გაურკვეველი მსოფლმხედველობის დიაცი", რომელიც "კიდევ უფრო ბუნდოვანს გახდის ჩვენს ისედაც სავალალო მომავალს".
"საოცარ აზრებს ვკითხულობ.... პირდაპირ გეტყვით - გულისამრევია ჩემთვის დღეს აქ გამოფენილი მორალ- ფილოსოფიები... ნიანგის ცრემლებით პირდაბანილი რუსეთუმეების ლოგიკა... ახლა მომისმინეთ და არ გაგიკვირდეთ ჩემგან - რუსეთი ჩემი სამშობლოს მტერია!!!...რუსეთი ოკუპანტია!!! რუსეთმა წამართვა ჩემი სამშობლოს სხეულის დიდი ნაწილი... დამიხოცა თანამემამულეები... გამიძარცვა და დამინგრია ეკლესიები... პირიდან ამომგლიჯა მშობლიური ენა... და ამას აკეთებდა საუკუნეების მანძილზე... მე რუსს მადლობას ვერ გადავუხდი იმის გამო, რომ " ჯარისკაცის მამას" უყურებს... არც რუსის ნამღერი " ჩიტო- გვრიტო" აღმაფრთოვანებს... არც იმისი დალეული ღვინო მინდა და მერე ნაბახუსევზე - " ბორჯომი"...მე ჩემი ქვეყანა მინდა... ჩემი მიწა მინდა მთლიანი... იმ ხალისის დაბრუნება მინდა, როცა მეც მომინდება გულიანი სიმღერა... როცა შუაზე აღარ გადამიწყვეტენ დავით- გარეჯს... როცა ჩემი მიწის შემოსავლელად საზღვარგარეთის პასპორტი აღარ დამჭირდება!... უფრო მეტიც - პასპორტითაც რომ აღარ შემიშვებენ! მოდი და იცხოვრე ახლა მშვიდად... მოდი და უკარი ახლა ტაში გაურკვეველი მსოფლმხედველობის დიაცს, თავდაცვის მინისტრად რომ მოგევლინება და კიდევ უფრო ბუნდოვანს გახდის ჩვენს ისედაც სავალალო მომავალს... ვერ ვაღიარებ ვერც ერთ ხელისუფლებას, რომელიც რუსს, ჩემს დარჩენილ მიწაზე, ასეთი გაშლიგინების უფლებას მისცემს! დამიბრუნე, რაც წამართვი და მერე მობრძანდი, ბატონო! მერე ნახე, როგორი სტუმარ - მასპინძლობა შემიძლია!.. დამიბრუნე ჩემი მიწა და მერე შენს მოყვრად მიღებას ჩემი წინაპრებიც მომიწონებენ... უფლისთვისაც სათნო იქნება....
არ გაგიკვირდეთ - მეთქი....ზემოთ ვთქვი... არ გაგიკვირდეთ, რომ დღეს, გიორგობის ბრწყინვალე დღესასწაულზე, ვაღიარებ ერთ რამეს - ორი დღის წინ, როცა რუსული სიმბოლიკებით დამშვენებული ბაიკერები ველური ყიჟინით წინ მივლიდნენ, დაახლოებით, იმავეს გაკეთება მომინდა, რაც დოდო აბაშიძის გმირმა გააკეთა "ფესვებში"... მარტო რომ ვყოფილიყავი, ალბათ, თავს ვერ შევიკავებდი! ეს იყო საოცარი განცდა - განცდა ჩემი მიწის კვნესა- ტკივილისა, რომელიც პირად ტკივილზე ბევრად უფრო მეტად მაწუხებს... გიორგობას გილოცავ, ერო! ქრისტიანობის ერთგულებისა და კერპების დამხობისათვის აწამეს დიდმოწამე! იქნებ, ჩვენც დავამსხვრიოთ ოდესმე ჩვენს გულსა და გონებაში აღზევებული ყომრალი კერპები! იქნებ, ისევ დავინახოთ მზე!", - ნათქვამი იყო სტატუსში, რომელიც პატრიარქის მდივნის, შორენა თეთრუაშვილის სახელით გავრცელდა.
საქართველოს საპატრიარქო კათოლიკოს-პატრიარქის მდივნის სახელით ინტერნეტში გავრცელებულ კომენტართან დაკავშირებით განცხადებას ავრცელებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
