მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გოჩა აბულაძის ოცნების ასახდენად გაყიდული ბინა და რისკი, რომელიც წარმატებად იქცა
23:20 / 20-03-2015
ქართველი ბარიტონი გოჩა აბულაძე გერმანიაში მოღვაწეობს. ქალაქ მაგდებურგის თეატრის ყოველწლიურ გალაკონცერტზე, რომელმაც წელს საიუბილეო თარიღი აღნიშნა და მეოცედ გაიმართა 1-ელ მარტს, 30 წლის ბარიტონს საუკეთესო მომღერლის წოდება მიანიჭეს. მომღერალს გადაეცა ფულადი ჯილდო, ოქროს მედალი, მომზადდა სტატიები გერმანულ პრესაში და ჰამბურგელმა რეჟისორმა მასზე პორტრეტული ხასიათის რამდენიმეწუთიანი სიუჟეტიც გადაიღო. აქტიური დღის რეჟიმის მიუხედავად, მაგდებურგის თეატრის საგრიმიოროში, რეპეტიციებს შორის შესვენებაზე, გოჩამ დრო ჩვენთან სასაუბროდაც გამონახა.
- დედაჩემი ძალიან კარგად მღერის, მისი ოცნება იყო, მომღერალი გამხდარიყო, მაგრამ ჩანაფიქრი ვერ აიხდინა. მე და ჩემს ძმას ხალხური სიმღერები დედიკომ შეგვასწავლა და დღეს ხშირად აღნიშნავს, ჩემი ოცნება თქვენში ახდაო. ქუთაისის "აიაში" რაგბის ვთამაშობდით და ეს სპორტი დღემდე ძალიან მიყვარს. სკოლა რომ დავამთავრე, მუხლზე მენისკი დამიზიანდა და სპორტს ჩამოვშორდი.
დედა და დეიდები ფილოლოგები არიან, მეც ვფიქრობდი ფილოლოგიის ფაკულტეტზე ჩაბარებას, მაგრამ ვინაიდან ყველაზე მეტად სიმღერა მიყვარდა, ეს გზა ავირჩიე. მიმაჩნია, რომ ჩემი ძმა უჩა ჩემზე გაცილებით ნიჭიერია. კონსერვატორიაში ნოდარ ანდღულაძის ჯგუფში ვსწავლობდით. ჩაბარებისას ოთხი უფასო ადგილიდან ორი მე და უჩამ დავიკავეთ. ექვსი წელი ვსწავლობდით, საკმაოდ წარმატებული სტუდენტები ვიყავით და და იმ პერიოდში 25 სპექტაკლში მივიღეთ მონაწილეობა.
- ძმების საზღვარგარეთ გამგზავრება ვისი იდეა იყო?
- როცა დრო დადგა, ჩვენი განვითარებისთვის სამომავლო ნაბიჯი გადაგვედგა, ორივემ იტალიაში გამგზავრება გადავწყვიტეთ. იტალიური ენის ცოდნა და ამ ენაზე სიმღერა ძალიან მნიშვნელოვანია ოპერის მომღერლისთვის. ეს ჩემი ოცნება იყო. ჩემი ოჯახი არ არის მდიდარი, ამიტომ ჩვენი ფინანსებით ვერ გავწვდებოდით. სპონსორს დიდხანს ვეძებდით, კულტურის სამინისტროსგანაც ველოდით დაფინანსებას, მაგრამ იმ პერიოდში ვერ მივიღეთ და ვალის აღება მოგვიხდა.
კულტურის სამინისტრომ დაფინანსება მოგვიანებით კი გამოგვიყო, მაგრამ ვალის პროცენტები იზრდებოდა და მამიკომ გადაწყვიტა, გაგვეყიდა ერთადერთი ბინა ქუთაისში, სადაც დავიბადეთ და გავიზარდეთ. მოკლედ, იტალიაში ჩვენ გამგზავრებას ბინა შეეწირა. ახლა სახლი გვაქვს სოფელ სიმონეთში, სადაც ძალიან მიყვარს ჩასვლა. უჩა თბილისში ნაქირავებ ბინაში ცხოვრობს. ის ჩემთვის ძმაზე მეტია. ბავშვობიდან ერთი საძმაკაცო გვყავს და საერთო ინტერესები გვაქვს. დღეს მას ულამაზესი ოჯახი აქვს.
ჩემს ძმისშვილ ეფემიას 24 თებერვალს პირველი დაბადების დღე ჰქონდა და ძალიან ცუდი ბიძია ვარ, რომ მის დაბადების დღეზე ვერ ჩამოვედი. აქ კი, ღვთის წყალობით, ყველაფერი კარგად მიდის და ვიმედოვნებ, მალე გვექნება თბილისში ჩვენი ბინა წაიკითხეთ ვრცლად
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
