ირაკლი სესიაშვილი - ნდობის ჯგუფის წევრს დამოუკიდებლად მოქმედების უფლება არ აქვს
ნდობის ჯგუფის წევრს დამოუკიდებლად მოქმედების უფლება არ აქვს, - ამის შესახებ ჟურნალისტებს დეპუტატმა, ნდობის ჯგუფის ხელმძღვანელმა ირაკლი სესიაშვილმა განუცხადა. მისი განმარტებით, ნდობის ჯგუფის შესახებ კანონის მე-6 მუხლი პიდაპირ მიუთითებს, რომ ნდობის ჯგუფი არის კოლეგიალური ორგანო და მას ნებისმიერი ინფორმაციის გამოთხოვის უფლება აქვს მხოლოდ ნდობის ჯგუფის გადაწყვეტილების შემთხვევაში, თავმჯდომარის მიერ წერილობითი განცხადების გაგზავნის შემთხვევაში, რაც ამ შემთხვევაში არ მომხდარა.
"მეტიც, ის ინფორმაცია, რომელსაც ბატონი თარგამაძე ითხოვდა, მთლიანად სცდება ნდობის ჯგუფის კომპეტენციას. ამ თემაზე ნდობის ჯგუფის ფორმატში ვიმსჯელებთ, რადგან ვფიქრობ, ბატონმა თარგამაძემ თავის უფლებას გადააჭარბა", - აღნიშნა ირაკლი სესიაშვილმა.
შინაგან საქმეთა სამინისტრომ "ნაციონალური მოძრაობის" წევრ გივი თარგამაძესთან თანამშრომლობის გამო საპატრულო პოლიციის თანამშრომელი რუსლან ბაზიაშვილი სამსახურიდან დაითხოვა. შსს-ის ცნობით, ბაზიაშვილი თარგამაძეს ინფორმაციებს სისტემატურად აწვდიდა. ამასთან დაკავშირებით გივი თარგამაძემ განაცხადა, რომ შსს-დან გათავისუფლებული თანამშრომელი მას ინფორმაციებს აწვდიდა, როგორც დეპუტატსა და ნდობის ჯგუფის წევრს.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
