მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რესპუბლიკელების" ლანძღვა-გინების აკომპანიმენტით მივაღწიე დანიშნულების ადგილამდე - რა შეემთხვა ზურაბიშვილს ტაქსით მგზავრობისას
13:46 / 19-02-2015
"რესპუბლიკელების" ერთ-ერთი ლიდერი, დავით ზურაბიშვილი "ფეისბუქის" პირად გვერდზე სახალისო სტატუსს აქვეყნებს.
"საერთოდ მიჩვეული ვარ, რომ ადამიანები, რომლებიც მცნობენ, როგორც წესი, კეთილგანწყობას გამოხატავენ. სულ ორი ტიპი ვიცი, ვინც ჩემს დანახვაზე იჯაგრება და აგრესიულად გადმოდის შეტევაზე: ერთი მიშისტია და ფიქრისგორაზე ცხოვრობს, მეორე მგონი სასულიერო აკადემიის სტუდენტი უნდა იყოს და ლესელიძის ქუჩაზე და თავისუფლების მოედნის მიდამოებში დაიარება. თუმცა, საქმე რომ ცოტა უფრო რთულადაა, დღეს დავრწმუნდი.
დილით ვჯდები ტაქსში. ტაქსისტი კეთილგანწყობილად მესალმება, "როგორ ბრძანდებით ბატონო დავით" და ა.შ. თან რადიო აქვს ჩართული ხმამაღლა, აშკარად "ობიექტივი", სადაც იმ მომენტისთვის არის რეზო ამაშუკელის სატელეფონო ჩართვა, ჰოდა, დავიძარით თუ არა, დიდმა პოეტმა ჯერ ალასანია დალანძღა უშვერი სიტყვებით, მერე ირაკლი ვაჭარაძე გამოაცხადა ამერიკის ელჩად – ეგაა რეალური ელჩი და არა ნორლანდიო, მერე გადავიდა ზოგადად რესპუბლიკურ პარტიაზე, მერე მისდგა ბერძენიშვილებს, მერე არც უსუფაშვილი დაინდო და ბოლოს თინა ხიდაშელიც მიაყოლა. ეს ჩემი მძღოლი კი უსმენს კმაყოფილებით, შიგადაშიგ იღიმება და სახეზე აწერია "მიდი-მიაწექი." მეც ჩუმად ვზივარ და ველოდები, ჩემი გინების ჯერი როდის მოვა (არ ვუგინებივარ თუ რა?), მაინტერესებს მძღოლის რეაქცია რა იქნება.
თუმცა ამჯერად ამაშუკელის რისხვას პიროვნულად გადავრჩი და ასე, რესპუბლიკელების ლანძღვა-გინების აკომპანიმენტით მივაღწიე დანიშნულების ადგილამდე. მძღოლი ცოტას მეჭიდავა, ჩაბრძანდით, არ გინდათ გადახდაო, მაგრამ ბოლოს მაინც გამომართვა დიდი მადლობებით.
ახლა, რა მორალი შეიძლება გამოვიტანოთ აქედან? ჩემის აზრით, არც არანაირი. როგორც მართლა დიდი პოეტი ამბობს: "Их либе жизнь и обожаю хаос", - წერს ზურაბიშვილი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
