ნიუ-იორკი, როკფელერ ცენტრი
როკფელერ ცენტრში მდგომი ნაძვის ხე, ნიუ-იორკის საშობაო სეზონის დაწყების ერთგვარ სიმბოლოს წარმოადგენს. იგი განსაკუთრებით პოპულარული კინოფილმ "მარტო სახლშის" შემდეგ გახდა. ნაძვის ხე 3 იანვარს დაიდგა და 2015 წლის 7 იანვრამდე გაახარებს დამთვალიერებელს.
გაერთიანებული ემირატები, აბუ-დაბი
15 მეტრის სიმაღლის ნაძვის ხე აბუ-დაბის ერთ-ერთ სასტუმროს ამშვენებს. ხე რამდენიმე წლის, წინ ნამდვილ ქარ-ცეცხლში მოექცა, საკუთარი მდიდრული დეკორაციების გამო, რომლებიც ოქროს, ბრილიანტებისა და ფირუზისგანაა დამზადებული.
"გინზა ტანაკას" საიუველირო მაღაზია, იაპონია
დიზაინერი გინზა ტანაკა ცნობილი საკუთარი მდიდრული დიზაინით გახდა. წლების წინ, მან მსოფლიოში ყველაზე ძვირფასი საახალწლო ნაძვის ხე შექმნა. თუმცა, წელს ტანაკამ საკუთარ თავსაც კი აჯობა და დისნეის საახალწლო ნაძვის ხე შექმნა, რომლის ღირებულებაც 2 მილიონ ევროს უტოლდება. 2,6 მეტრის და 31 კილოგრამის ნაძვის ხე დისნეის გმირების გამოსახულებებითაა მორთული. იმ ადამიანებს, ვისთვისაც ეს ნაძვის ხე ძალიან ძვირია, მისი მინი მოდელის შეძენაც შუძლიათ, რომლის ღირებულება 3200 ევროა.
სიდნეი, ავსტრალია
წელს სიდნეი, მსოფლიოში ყველაზე დიდი ლეგო ნაძვის ხის სამშობლოა. ნაძვის ხე ქალაქს 26 დეკემბრიდან ამშვენებს. მისი სიმაღლე 10 მეტრია, ხოლო წონა 3,5 ტონა. კონსტრუქტორებმა მის აწყობაზე 6 თვე დახარჯეს.
რიო-დე-ჟანეირო, ბრაზილია
მსოფლიოში ყველაზე დიდი მცურავი ნაძვის ხე 85 მეტრის სიმაღლისაა და 542 ტონას იწონის. 1996 წლიდან მისი დადგმა ერთგვარ ტრადიციად იქცა. ნაძვის ხის წყალში გაშვების ცერემონიალი ყოველი წლის, 29 ნოემბერს იმართება.
პარიზი, საფრანგეთი
ლაფაეტის გალერეაში გამოფენილი ნაძვის ხე, პარიზის საშობაო სიმბოლოდ მიიჩნევა. 2014 წელიც არ აღმოჩნდა გამონაკლისი, თუმცა, ელეგანტური და ექსტრავაგანტული ფრანგული ნაძვის ხე ამჯერად უკუღმა ჩამოკიდეს. ნაძვის ხე ყოველ საათში, საკუთარ დამთვალიერებელს სინათლის შოუთი და საახალწლო კომპოზიციებით ართობს.
ლონდონი, გაერთიანებული სამეფო
ტრაფალგარზე ლონდონის ერთ-ერთმა ყველაზე ცნობილმა ნაძვის ხემ იპოვა საკუთარი ნავსაყუდელი. ნორვეგიული ნაძვის ხე ნორვეგიის მთავრობამ დიდ ბრიტანეთს მეორე მსოფლიო ომის დროს აჩუქა და 1947 წლიდან მისი დადგმა უკვე ტრადიციად იქცა. წელს ნაძვის ხე 4 დეკემბერს ვესმინსტერისა და ოსლოს მერებმა, ნორვეგიის ელჩთან ერთად გახსნეს.
