მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დავით ბერძენიშვილი - პენსიონერს 10 ლარს უმატებ და საკრებულოს თანამდებობის პირები დეპუტატებზე მაღალი ხელფასის მქონენი აღმოჩნდნენ
02:04 / 23-12-2014
როდესაც ქვეყნის რიგით მეორე წარმომადგენლობით ორგანოში არაკვალიფიციურ ადამიანებს შეიყვან და ასეთ უპასუხისმგებლო შედეგებს იღებ, ამაზე პასუხისმგებლობა მათ წარმდგენ პარტიებს, მათ შორის ჩვენს პოლიტიკურ პარტნიორებსაც ეკისრებათ, - ასე ეხმაურება პარლამენტიდან "რესპუბლიკელთა" ერთ-ერთი ლიდერი, დეპუტატი დავით ბერძენიშვილი საკრებულოს თანამდებობის პირებისთვის სახელფასო დანამატების მიცემის თაობაზე საკრებულოს ბიუროს მიერ მიღებულ გადაწყვეტილებას.
როგორც ბერძენიშვილმა ჟურნალისტებს განუცხადა, ეს არის შედეგი იმისა, როცა მათმა პოლიტიკურმა პარტნიორებმა თბილისის საკრებულოში არა პოლიტიკით და თვითმმართველობის საკითხებით დაინტერესებული ადამიანები შეიყვანეს, არამედ საკრებულოს წევრები გახდნენ პირები, ვინც თვლის, რომ სამსახური იშოვეს.
"თბილისის საკრებულო შეკრებისთანავე, განსაკუთრებული ენთუზიაზმის გარეშე ფრაქცია "რესპუბლიკელების" თავმჯდომარეს ხათუნა სამნიძეს დაეთანხმა, რომ არ აიღებდნენ პრემიებს, რასაც ზარ-ზეიმით მოაწერეს ხელი. ჩვენი მოთხოვნა იყო, რეგლამენტში ჩაწერილიყო, რომ საკრებულოს თანამდებობის პირები - ფრაქციების, კომისიების თავმჯდომარეები და სპიკერატის წარმომადგენლები მაღალ შემოსავალს დაყაბულდებოდნენ. გარდა ხელფასისა, მათ ემსახურებათ მანქანა, აქვთ ბენზინი, არის სხვა პრივილეგიები – თბილისის საკრებულოს თანამდებობის პირებს შრომის კარგი პირობები აქვთ. პერმანენტულად გრძელდებოდა მცდელობა იმისა, რომ რაკი პრემიაზე უარი ვთქვით, მოდი დანამატები მივიღოთ. ბოლო ორი კვირის განმავლობაში თბილისის საკრებულოში არის ძალიან უსიამოვნო ვითარება, როცა ყველა ფრაქცია, გარდა "რესპუბლიკელებისა", ასევე ოპოზიციაში გადასულად მიჩნეული "თავისუფალი დემოკრატები", რომლებმაც ბიუჯეტს ხმა მისცეს, დაინტერესებული არიან, დანამატები აიღონ და პრაქტიკულად ხელფასი გაიორმაგონ. იყო მცდელობები, რომ რაც შემოსავალი აქვთ 100%-ით მეტი ჰქონდეთ, კიდევ სამ თვეში ერთხელ მიიღონ პრემია - მოკლედ, რეალურად დეპუტატის და თანამდებობის პირი დეპუტატის შემოსავალზე მეტი ჰქონდეთ. მაშინ ამ მცდელობის გაჩერება მოხერხდა - ჩვენი აქტიურობით ეს განსაკუთრებული მოთხოვნა ფრაქცია "ქართული ოცნებისა" და სხვა პარტნიორი ფრაქციების მხრიდან, გავაჩერეთ. იმედი გვქონდა, რომ საკითხი ხელახლა აღარ წამოიწეოდა, მაგრამ ბიუროს დღევანდელ სხდომაზე "შემოაპარეს". საკრებულოს თავმჯდომარე თავად ვერ იღებს პოლიტიკურ გადაწყვეტილებას და უნდა ბიუროს თანხმობა. პენსიონერს 10 ლარს უმატებ და თბილისის საკრებულოს ისედაც კარგად უზრუნველყოფილი თანამდებობის პირები დეპუტატებზე მაღალი ხელფასის მქონენი აღმოჩნდნენ, რაც მათ არც პოლიტიკურ და არც მორალურ პრობლემას არ უქმნის", - აცხადებს დავით ბერძენიშვილი.
მისივე თქმით, ანალოგიური რამ ხდება ბათუმის საკრებულოშიც, "მაგრამ ბათუმში შედარებით უკეთესად იქცევიან იმის გათვალისწინებით, რომ "რესპუბლიკელთა" თანხმობა არ აქვთ".
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
