28
მარტიდღის ზოგადი ასტროლოგიური პროგნოზი
ჩვენ ვერ ჩავდებთ ასობით მილიონ დოლარს პროექტში, რომ მთელი შავი ზღვა გავიაროთ და ბულგარეთთან შევჩერდეთ, - ამის შესახებ რუსეთის პრეზიდენტმა ვლადიმერ პუტინმა გაზსადენის "სამხრეთ ნაკადის" პროექტის შეჩერების კომენტირებისას განაცხადა.
პუტინის თქმით, გაზსადენის მშენებლობას ვერ დაიწყებს, ვინაიდან ბულგარეთის მხრიდან თანხმობა არ აქვს. ამ ფაქტთან დაკავშირებით ქართველი წინასწარმეტყველის ლელა კაკულიას "ფეისბუქის" ოფიციალურ გვერდზე პოსტი ქვეყნდება, სადაც გადმოცემულია, თუ რას წინასწარმეტყველებდა ლელა კაკულია "სამხრეთის ნაკადის" თაობაზე 2009 წელს.
"რა იწინასწარმეტყველა ლელა კაკულიამ გაზსადენის რუსული პროექტის,"სამხრეთის ნაკადის" თაობაზე 2009 წელს, რომლის მშენებლობაც ორიოდე დღის წინ შეწყდა.
2009 წელი, 16 ნოემბერი.
ვხედავ, მომავალში ამერიკის მთავრობა რადიკალურ ნაბიჯებს გადადგამს. ეს რუსეთისთვის ძალიან მოულოდნელი დარტყმა იქნება. მოლაპარაკებები ორ ზესახელმწიფოს შორის შედეგს არ გამოიღებს…
ყველაფერი რუსეთის წინააღმდეგ მოიმართება!
რუსეთს გაუჭირდება ენერგორესურსების გაყიდვაც. "სამხრეთის ნაკადზე" დიდი ასრულება არ ექნებათ და იმედებიც უცრუვდებათ, ვინაიდან მათ დაკარგეს ნდობა მსოფლიოს წამყვანი ქვეყნებისა და ამაში, ანუ მათი იმიჯის ასე დაცემაში, საქართველომ ითამაშა დიდი როლი და დღესაც გრძელდება ეს პოლიტიკური თამაშები.
ამონარიდი საგაზეთო ინტერვიუდან N36, 2009 წელი.
- ბულგარეთში ახლად არჩეულმა მთავრობის თავმჯდომარემ ბოიკო ბორისოვმა რუსეთისთვის ფრიად და ფრიად უსიამოვნო პირველი ნაბიჯები გადადგა. მან ბულგარეთის ეკონომიკისა და ენერგეტიკის მინისტრს ოფიციალურად მოსთხოვა, შეაჩეროს ყველა მოლაპარაკება რუსეთთან, რომლებიც დაკავშირებულია რუსეთისგან ბუნებრივი აირის მიღებასთან, "სამხრეთის ნაკადის" ბულგარეთის მონაკვეთისა და ასევე ბელენის ატომური სადგურის მშენებლობასთან. სამაგიეროდ ამ ქვეყანამ მონაწილეობა მიიღო "ნაბუკოზე" ხელმოწერაში. ბულგარეთის ეს ნაბიჯი შეფასდა, როგორც სასიკვდილო ლახვარი კრემლის ენერგეტიკული პროექტებისთვის აღმოსავლეთ და ცენტრალური ევროპასა და ხმელთაშუა ზღვის რეგიონის ქვეყნებში. მაინტერესებს, ქალბატონო ლელა, სამუდამოდ დასამარდა "სამხრეთის ნაკადი" თუ კრემლს კიდევ რჩება შანსი, მისთვის მომგებიანი ენერგეტიკული პროექტების განხორციელებისთვის?
- ბორისოვმა იმიტომ მოითხოვა ამ პროექტების შეჩერება, რომ რუსეთს იგი არ ენდობა, არ უნდა, რომ მისი სახელმწიფო ისეთსავე სულელურ მდგომარეობაში აღმოჩნდეს, როგორშიც უკრაინა, როცა მოსკოვმა ბუნებრივი აირის გადაკეტვა და ევროპის გაყინვა კიევს დააბრალა. არ უღირს ბულგარეთს ევროპის გადაკიდება რუსეთის გულისთვის. ევროპის არც ერთ ქვეყნას აღარ უნდა რუსეთთან ურთიერთობა, არც ერთ ქვეყანას!
რაც შეეხება "სამხრეთის ნაკადს" - ეს პროექტი სამუდამოდ დასამარდა!!!".
