ქორწილები, რომლებიც კატასტროფით დასრულდა

1. ქორწილის სტუმარმა თავი მოიკლა რუსული რულეტის თამაშისას

2010 წელს რუსეთში ქორწილი ტრაგედიით დასრულდა. ასტრახანში გამართულ საქორწინო წვეულებაზე შეუღლებულების მეგობარმა მოულოდნელად პისტოლეტი ამოიღო, შუბლთან მიიდო და სასხლეტს თითი გამოკრა. პირველად იარაღმა არ გაისროლა და თამაში გაგრძელდა. მაგრამ შემდეგ ჯერზე ტყვია მოთამაშეს შუბლში მოხვდა. იარაღის პატრონი, 33 წლის ჩეჩენი მამაკაცი ირწმუნება, რომ მჭიდი ცარიელი იყო და მას მხოლოდ ხალხის გართობა სურდა. ადგილობრივმა პოლიციამ მისი ნათქვამი თავის დაძვრენად ჩათვალა და გამოძიება დაიწყო ტრაგიკულ ინციდენტზე.

+18

2. ქორწილის მიღებაზე ხიდი ჩაინგრა და წყვილი და 80 სტუმარი ტალახიან ტბაში ჩაცვივდა

82 ადამიანი ჩავარდა ტბაში მას შემდეგ, რაც ხის ხიდი მათ ფეხქვეშ ჩაინგრა. საბედნიეროდ, მხოლოდ ერთი ადამიანი დაშავდა სერიოზულად. ტბაში ჩავარდნილ ხალხში პატარძლის ეტლს მიჯაჭვული 88 წლის ბებიაც აღმოჩნდა. თუმცა ამ ინციდენტის შემდეგ ქორწილი მაინც გაგრძელდა. ეს ინციდენტი სამხრეთ ამერიკის კვაზულუს პროვინციაში მოხდა.

3. სიძემ სასტუმროს მისაღებში ხანძარი გააჩინა

იაპონიაში მამაკაცი დააკავეს სასტუმროში ხანძრის გაჩენისთვის. 39 წლის ტაცუჰიკო კავატამ, რომელმაც ბოლო წუთს გადაიფიქრა შეუღლება, გადაწყვიტა, რომ ცეცხლის გაჩენით ქორწილს თავს აარიდებდა.

4. მეჯვარემ ქორწილში დიჯეი გაძარცვა

2009 წელს ჰიუსტონსი ნადია კლეის და ტერენს სიმონსის ქორწილში მეჯვარემ გადაწყვიტა, დიჯეი გაექურდა. ”უცებ მოვიდა, იარაღი ამოიღო, ჰაერში გაისროლა, ხელი მკრა, საფულე ამომაცალა და გაიქცა”, - ყვება დიჯეი კენდრიკ შეპარდი. პოლიციამ გაქცეული დამნაშავის დაკავება ვერ მოახერხა.

5. ქორწილი, სადაც ყველა დაშავდა

ჯერ წლის და ოთხი თვის ბავშვი გალურჯდა და პატარძლის წინ გული წაუვიდა. შემდეგ სიძის 76 წლის დედა დაეცა უგონოდ ფოტოს გადაღების დროს. რამდენიმე წუთში მეჯვარეს შეატყობინეს, რომ მამა გარდაეცვალა. წყვილის უმცროს შვილს შუშის ვაზა დაეცა, ხოლო მათ ქალიშვილს თავი გაუტყდა. საავადმყოფოში მიმავალმა სიძემ კი აღმოაჩინა, რომ მისი მანქანა საჯარიმო ავტოსადგომში გადაუყვანიათ. მიუხედავად ასეთი კატასტროფული ქორწილის დღისა, პოლ კესიდი და მისი მეუღლე ველმა ბედნიერად ცხოვრობენ ერთად.

6. თაიგულის სროლისას თვითმფრინავი ჩამოვარდა

ტრადიციული პატარძლის თაიგულის სროლა იტალიურ ქორწილში ტრაგედიით დასრულდა. წყვილმა პატარა თვითმფრინავი დაიქირავა, რომ თაიგული გადაფრენისას გადმოეგდოთ სტუმრებისთვის. როგორღაც ყვავილები თვითმფრინავის ძრავაში მოხვდა, ძრავს ცეცხლი წაეკიდა და აფეთქდა. თვითმფრინავი კი ჰოსტელს დაეჯახა.

მომზადებულია oddee.com-ს მიხედვით.