მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბრილიანტის ხელი” 45 წლისაა - საინტერესო ფაქტები ფილმის შესახებ
05:44 / 21-07-2014
ფილმ "ბრილიანტის ხელს" 45 წელი შეუსრულდა, თუმცა მისი პოპულარობა არ შემცირებულა, მისი ყურება მოსაბეზრებელი არ გამხდარა. საბჭოთა კინოგაქირავებაში ფილმი მესამე ადგილს იკავებს, მას მხოლოდ "20-ე საუკუნის მეკობრეები" და "მოსკოვს ცრემლების არ სჯერა" უსწრებს. წარმოგიდგენთ საინტერესო ფაქტებს საკულტო ფილმის შესახებ.
სცენარის პირველი ვარიანტი, სცენა, რომელშიც გარბუნკოვს ცოლი აღვიძებს, სხვანაირად გამოიყურებოდა. სიმიონ სიმიონოვიჩი თავზე დაცემულ ნახატს უნდა გაეღვიძებინა. სპეციალურად რბილი ჩარჩოც გაუკეთეს, მაგრამ ნახატი ვერაფრით სწორი მიმართულებით ვერ დაეცა. სცენა არ გამოდიოდა. ამიტომ ნახატით გაღვიძება მაღვიძარას ხმით შეცვალეს.
როდესაც "ბრილიანტის ხელი" ეკრანებზე გამოვიდა, რეჟისორ გაიდაის წერილი მიუვიდა. მაყურებელი აქებდა გრებენშიკოვის თამაშს და წერდა: "ზუსტად ასეთი უნდა იყოს ნამდვილი ცოლი!"
ეპიზოდის გადასაღებად, როდესაც გარბუნკოვი მეტყველების უნარს კარგავს დაკუნთული, ტატუიანი მამაკაცის შეხვედრისას, მთელი 4 საათი დასჭირდათ. გაიდაიმ ტატუიანი მამაკაცის როლზე ჟურნალ "აგანიოკის" თანამშრომელი, ლეონიდ პლეშაკოვი მას შემდეგ დაამტკიცა, რაც ამ უკანასკნელმა რეჟისორს თავისი თმიანი მკერდი უჩვენა.
ტექნიკური პრობლემების გამო, ბევრი დუბლის გადაღება გახდა საჭირო სცენისთვის, რომელშიც პაპანოვი წყლიდან ამოდის. სიცივისგან გათოშილი მსახიობი ძალიან იყო გაბრაზებული და მორიგი წარუმატებელი დუბლის შემდეგ, წყლიდან ამოხტა და ასისტენტს დაუყვირა: "იდიოტო!". ეს შემთხვევით გადაიღეს ოპერატორებმა, შემდეგ კი გაიდაიმ ფილმში გამოიყენა.
სცენაში, სადაც გარბუნკოვის შვილი მირონოვის პერსონაჟს ნაყინს ესვრის, ნაყინის ნაცვლად ხაჭო გამოიყენეს, რადგან ის უკეთ ეკრობოდა სახეს. ნაყინს არა ბავშვი, არამედ რეჟისორის ასისტენტი ესვრის მირონოვს, რადგან კულტურულად აღზრდილ საბჭოთა ბავშვს არ ყოფნიდა გამბედაობა ბუნებრივად ესროლა ხაჭო ცნობილი მსახიობისთვის.
სცენა, რომელშიც მირონოვი პანჩურს ურტყამს წყალში მიმავალ ბიჭს, დიდი ხანი არ გამოდიოდა. ბიჭი იქამდე ვარდებოდა, სანამ მირონოვი ფეხის მოქნევას მოასწრებდა. იგრძნობოდა, რომ მსახიობი ელოდა დარტყმას. მერვე დუბლზე გაიდაიმ განაცხადა: "მორჩა, შემდეგ დუბლზე ანდრეი აღარ დაარტყამს ბიჭს, უბრალოდ ჩაუვლის გვერდით" მირონოვს კი ჩუმად უთხრა: "ამოარტყი და უფრო ძლიერადაც". ბიჭი წყნარად დაიხარა და პანჩურიც მიიღო, რის შედეგადაც წყალში ჩავარდა და დაიყვირა - "რას შვებით ბიძია ანდრეი?!". სცენა ფილმში შეიტანეს, ხოლო ხმა ამოჭრეს.
ფილმში ნახსენები ვალოდია ტრიკინი, რომელზეც ნიკულინს რესტორანში ეუბნებიან, ულვაში რომ მოუშვა ზედგამოჭრილი ვალოდია ხარო, რეალური ადამიანია, ლეონიდ გაიდაის კლასელი.
ავტოსამრეცხაო, სადაც გარბუნკოვს გოშა და ლოლიკი მოიმწყვდევენ, სპეციალურად ფილმისთვის ააშენეს სოჭის ცენტრში, გადაღების შემდეგ კი დაანგრიეს.
ფილმის დასასრულს, როდესაც სიმიონ სიმიონოვიჩს ასაზიდი კაუჭი კეფაში ხვდება, შემთხვევითობა იყო. იური ნიკულინმა მართლა მიიღო მტკივნეული დარტყმა, მაგრამ მოითმინა და ბოლომდე გადაიღო სცენა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
