სტალინის ვაჟის მკვლელობაში ბრალდებული გერმანელი ოფიცერი გაათავისუფლეს

რუსეთში სასჯელაღსრულების ორგანომ გააკეთა განცხადება, რომელმაც მსოფლიოს ყურადღება მიიპყრო. კვირას მათ პატიმრობიდან გაათავისუფლეს მეორე მსოფლიო ომის უკანასკნელი გერმანელი პატიმარი. 84 წლის რეინარდ კუნცე მხოლოდ 14 წლის იყო, როდესაც საბჭოთა არმიამ დააკავა. მან 69 წელი სხვადასხვა ბანაკებში და საპატიმროებში გაატარა. სერგეი ლავროვის თქმით, მოსკოვის მთავრობამ გადაწყვიტა, გვერდით გადაედო საკუთარი სიამაყე და ეჩვენებინა საკუთარი სულგრძელობა და კეთილი ნება.

1943 წელს ჰიტლერ იუგენდის მიერ ომში გაწვეულ 12 წლის კუნცეს ბრალი ედებოდა იოსებ სტალინის შვილის იაკობ ჯუღაშვილის სიკვდილით დასჯაში. დიქტატორის შვილი სტალინგრადთან ბრძოლისას დააპატიმრეს და მოკლეს მას შემდეგ, რაც მამამ გერმანელ მარშალზე, ფრედრიხ ვონ პაულუსზე მის გაცვლაზე უარი განაცხადა. რუსეთის ლიდერმა ბრძანება გასცა, რომ სიკვდილამდე პატიმრობაში დარჩენილიყო მისი შვილის მკვლელი.

კვირა დღემდე რუსეთის მთავრობა ასრულებდა სტალინის დატოვებულ ბრძანებას, მიუხედავად იმისა, რომ ამ ბრძანებას თანამედროვე დემოკრატიული სტანდარტებით, ლეგიტიმაცია არ გააჩნდა. როგორც ჩანს, რუსეთის მთავრობამ აზრი შეიცვალა გერმანიასთან დაძაბულობის ჩასახშობად, რომელიც უკრაინასთან არსებული კონფლიქტის გამო შეიქმნა. თუმცა ექსპერტები ფიქრობენ, რომ ამ ფაქტს რუსეთისთვის სასურველი შედეგი არ მოყვება, რადგან მათ აღიარეს, რომ 70 წლის განმავლობაში უკანონოდ ყავდათ დატყვევებული გერმანიის მოქალაქე, რომელიც დაპატიმრებისას მხოლოდ 14 წლის იყო.