მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ედუარდ შევარდნაძე კრწანისის რეზიდენციიდან გამოასვენეს
04:22 / 11-07-2014
საქართველოს ყოფილი პრეზიდენტი ედუარდ შევარდნაძე კრწანისის რეზიდენციიდან გამოასვენეს. გამოსვენების ცერემონიას ედუარდ შევარდნაძის ოჯახის წევრები, ახლობლები, ყოფილი და მოქმედი პოლიტიკოსები ესწრებიან. ყოფილი პრეზიდენტის ცხედარს სამების საკათედრო ტაძარში გადაასვენებენ. გადასვენების ცერემონიის მიმდინარეობას საპატრულო პოლიცია უზრუნველყოფს.
ედუარდ შევარდნაძეს ყოფილი ხელისუფლების წარმომადგენლები იხსენებენ. როგორც შს ყოფილმა მინისტრმა კობა ნარჩემაშვილმა განაცხადა, ედუარდ შევარდნაძეს საქართველოს ისტორიაში უზარმაზარი ადგილი უჭირავს.
"იგი შეეცადა, ამ ქვეყნისთვის შეეძინა ფუნქცია", - განაცხადა კობა ნარჩემაშვილმა. მისივე განმარტებით, ედუარდ შევარდნაძე მაღალი ავტორიტეტის პოლიტიკოსი იყო.
ყოფილი სახელმწიფო მინისტრის, ვაჟა ლორთქიფანიძის განცხადებით კი, ედუარდ შევარდნაძემ თავისი კვალი დააჩნია მსოფლიო პროცესებს.
"მან საფუძველი ჩაუყარა საქართველოს დემოკრატიას და დამოუკიდებლობას", - განაცხადა ვაჟა ლორთქიფანიძემ.
სამების საკათედრო ტაძარში ექსპრეზიდენტის ცხედარი 13 ივლისამდე იქნება დასვენებული. შევარდნაძეს 13 ივლისს მეუღლის გვერდით, კრწანისის რეზიდენციაში დაკრძალავენ.
საქართველოს ყოფილი პრეზიდენტის, ედუარდ შევარდნაძის დაკრძალვის ცერემონიაზე მსოფლიოს სხვადასხვა ქვეყნიდან საქართველოში მაღალი რანგის სტუმრები გეგმავენ ჩამოსვლას. ამ დროისთვის არსებული მონაცემებით, ედუარდ შევარდნაძის დაკრძალვის ცერემონიაზე დასასწრებად თბილისს ეწვევიან: აზერბაიჯანის რესპუბლიკის პარლამენტის თავმჯდომარე ოქტაი ასადოვი; სომხეთის პარლამენტის თავმჯდომარე გალუსტ საჰაკიანი; ავსტრიის ფედერაციული რესპუბლიკის იუსტიციის ფედერალური მინისტრი ვოლფგან ბრანდშთეთერი; იაპონიის საგარეო საქმეთა მინისტრის მოადგილე ტაკაო მაკინო. ამერიკის შეერთებული შტატების ყოფილი სახელმწიფო მდივანი ჯეიმს ბეიკერი; გერმანიის ყოფილი საგარეო საქმეთა მინისტრი და ვიცე-კანცლერი, ჰანს-დიტრიხ გენშერი და მისი მეუღლე ბარბარა გენშერი; ესტონეთის რესპუბლიკის ყოფილი პრეზიდენტი არნოლდ რუტელი; ყირგიზეთის ყოფილი პრეზიდენტი როზა ოტუმბაევა.
საქართველოს ექსპრეზიდენტი ედუარდ შევარდნაძე 7 ივლისს, 86 წლის ასაკში გარდაიცვალა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
