ან­ტი­დის­კრი­მი­ნა­ცი­უ­ლი კა­ნო­ნის მი­ღე­ბა-არ­მი­ღე­ბა კვლავ გან­ხილ­ვის სა­გა­ნია. ერთ მხა­რეს არი­ან სა­სუ­ლი­ე­რო პი­რე­ბი, რომ­ლე­ბიც დე­პუ­ტა­ტებს ანა­თე­მა­ზე გა­და­ცე­მით ემუქ­რე­ბი­ან, მე­ო­რე მხა­რეს - ის დე­პუ­ტა­ტე­ბი, რომ­ლე­ბიც მი­იჩ­ნე­ვენ, რომ მღვდლებს პო­ლი­ტი­კუ­რი მან­და­ტე­ბი სურთ და იმი­ტომ აქ­ტი­უ­რო­ბენ, მე­სა­მე მხა­რეს კი დაბ­ნე­უ­ლი მრევ­ლია. ან­ტი­დის­კრი­მი­ნა­ცი­უ­ლი კა­ნო­ნით გა­მოწ­ვე­ულ სტრესს სამ­თავ­როს დე­და­თა მო­ნას­ტერ­ში მო­ნაზვნე­ბის ჩხუ­ბიც და­ე­მა­ტა. მოკ­ლედ, ქვე­ყა­ნა ღრმა სუ­ლი­ერ კრი­ზის­შია, რომ­ლი­დან გა­მოს­ვლა­საც ფე­რის­ცვა­ლე­ბის ეკ­ლე­სი­ის წი­ნამ­ძღვა­რი მამა თე­ო­დო­რე (გიგ­ნა­ძე) "ვერ­სი­ას­თან" ერ­თად ცდი­ლობს.

- პატ­რი­არ­ქმა პარ­ლა­მენტს ან­ტი­დის­კრი­მი­ნა­ცი­უ­ლი კა­ნო­ნის გან­ხილ­ვის გა­და­დე­ბა სთხო­ვა. პრე­მი­ერ­მა გა­ნა­ცხა­და, კა­ნონს მა­ინც მი­ვი­ღებ­თო. შექ­მნილ ვი­თა­რე­ბას თქვენც ეკ­ლე­სი­ა­სა და ხე­ლი­სუფ­ლე­ბას შო­რის გან­ხეთ­ქი­ლე­ბად აფა­სებთ?

- როცა სა­უ­ბა­რია გან­ხეთ­ქი­ლე­ბა­ზე პატ­რი­არ­ქსა და ხე­ლი­სუფ­ლე­ბას შო­რის, ეს, ზო­გა­დად, ყველ­გან ასეა და არც ახა­ლი ამ­ბა­ვია. არ მახ­სენ­დე­ბა სა­ქარ­თვე­ლოს არც ერთი ხე­ლი­სუფ­ლე­ბა, პატ­რი­არ­ქის სი­ტყვას ყუ­რად იღებ­დეს.

- კა­ნონ­ში, რო­მე­ლიც კრძა­ლავს დის­კრი­მი­ნა­ცი­ას მთე­ლი რიგი ნიშ­ნე­ბის მი­ხედ­ვით, სა­და­ვო ორი ფრა­ზაა - "გენ­დერუ­ლი იდენ­ტო­ბა" და "სექ­სუ­ა­ლუ­რი ორი­ენ­ტა­ცია". სა­სუ­ლი­ე­რო პი­რებ­მა არა­სამ­თავ­რო­ბო ორ­გა­ნი­ზა­ცი­ის წევ­რე­ბი "სო­დომ-გო­მო­რის" მა­რა­დი­ულ ცე­ცხლში "გა­უშ­ვეს" და სხდო­მა და­ტო­ვეს. ეს მიდ­გო­მა სწო­რია?

- ლი­ბე­რა­ლებს სულ ვე­ჩხუ­ბე­ბი, მაგ­რამ ბუ­ნე­ბით მა­ინც ლი­ბე­რა­ლი ვარ და უკი­დუ­რე­სო­ბა არ მიყ­ვარს. მარ­თლმა­დი­დებ­ლო­ბა ერთ-ერთი ყვე­ლა­ზე ლი­ბე­რა­ლუ­რი და დე­მოკ­რა­ტი­უ­ლი მო­ძღვრე­ბაა, ამი­ტომ ჩემ­თვის ასე­თი რამ ში­ნა­გა­ნად მი­უ­ღე­ბე­ლია, თუმ­ცა, უნდა ვი­ცო­დეთ იმ სა­სუ­ლი­ე­რო პი­რის მო­ტი­ვა­ცია, ვინც ამას ამ­ბობს. თუ ეს ხალ­ხი და­წყევ­ლა, მი­უ­ღე­ბე­ლია. თუ იტყვის, ეს მათ შე­სა­ში­ნებ­ლად ვთქვი, თო­რემ მერე წა­ვე­დი და მათ­თვის ვი­ლო­ცეო, სხვა საქ­მეა.

- საქ­მეც ისაა, რომ მათ პირ­და­პირ გა­ნა­ცხა­დეს, ლოც­ვებ­ში აღარ მო­გიხ­სე­ნი­ებ­თო...

- თუ ესეც დე­პუ­ტა­ტე­ბის შე­სა­ში­ნებ­ლად ით­ქვა, სხვა საქ­მეა. თუ ეს მხო­ლოდ შიშ­ვე­ლი წყევ­ლა-კრულ­ვაა, მი­უ­ღე­ბე­ლია, ამი­ტომ გან­კი­თხვა გა­მი­ჭირ­დე­ბა. მო­დით, ახლა სა­კითხს ხე­ლი­სუფ­ლე­ბის პო­ზი­ცი­ი­დან შევ­ხე­დოთ – შე­იძ­ლე­ბა, ისი­ნი ფიქ­რო­ბენ, რა­საც კა­ნონ­ში ვწერთ, იმას ნორ­მად არ ვაქ­ცევთ და ჰო­მო­სექ­სუ­ა­ლიზმს არ ვა­კა­ნო­ნებ­თო.

- არ ვიცი, რას ფიქ­რო­ბენ, მაგ­რამ გე­დე­ვან ფო­ფხა­ძეს კა­ნო­ნის მი­ღე­ბას მარ­თლმა­დი­დებ­ლო­ბა ურ­ჩევ­ნია, მა­ნა­ნა კო­ბა­ხი­ძე მან­დატს და­ტო­ვებს, თუ სა­ქარ­თვე­ლო­ში ჰო­მო­სექ­სუ­ა­ლიზ­მი და­კა­ნონ­დე­ბა, აი, თა­მარ კორ­ძა­ია კი მი­იჩ­ნევს, რომ სა­სუ­ლი­ე­რო პი­რე­ბის აქ­ტი­უ­რო­ბის მი­ზე­ზი მან­და­ტე­ბის მო­პო­ვე­ბის სურ­ვი­ლია.

- თუ ქალ­ბა­ტო­ნი კორ­ძა­ია იმას გუ­ლის­ხმობს, რომ მღვდლე­ბი პო­ლი­ტი­კა­ში ერე­ვი­ან, უნდა ვი­ცო­დეთ, როცა დავა ზნე­ობ­რივ სა­კი­თხებ­ზე მი­დის, მღვდე­ლიც იტყვის სი­ტყვას. რაც შე­ე­ხე­ბა სხვა გან­ცხა­დე­ბებს, თუ ამ კა­ნონს რა­ი­მე ცუდი მოყ­ვე­ბა, და­პი­რე­ბე­ბი გვი­ან იქ­ნე­ბა. ერთ-ერთი ეპის­კო­პო­სი მე­სა­უბ­რა კა­ნო­ნის რამ­დე­ნი­მე მუხ­ლზე, რომ­ლის მი­ხედ­ვით, მე, რო­გორც სა­სუ­ლი­ე­რო პირს, მერ­თმე­ვა უფ­ლე­ბა ვთქვა, რომ ჰო­მო­სექ­სუ­ა­ლიზ­მი ცოდ­ვა, აღ­ვი­რახ­სნი­ლო­ბა, ავად­მყო­ფო­ბა და გარ­ყვნი­ლე­ბაა. თუ ამ სი­ტყვებს წარ­მოვ­თქვამ, დამ­ნა­შა­ვე ვხდე­ბი?! იმა­ზე ლა­პა­რა­კი არაა, რომ და­უშ­ვე­ბე­ლია ასე­თი ადა­მი­ა­ნე­ბის გი­ნე­ბა, ცემა, სამ­სა­ხუ­რი­დან გა­მოყ­რა, მაგ­რამ მე მას უნდა ვუ­თხრა – რა­საც აკე­თებ, ეს აღ­ვი­რახ­სნი­ლო­ბაა-თქო და ეს ღირ­სე­ბის შე­ლახ­ვად არ უნდა ჩა­ით­ვლა­ოს. თუკი ეს კა­ნო­ნი ამის უფ­ლე­ბას რა­ღაც კუ­თხით მარ­თმევს, ეკ­ლე­სია ხმას აი­მაღ­ლებს. ნურც იმა­ში და­მარ­წმუ­ნებს ვინ­მე, ქარ­თველ კაცს ცნო­ბი­ე­რე­ბის შეც­ვლა არას­დროს ემუქ­რე­ბაო. გა­სუ­ლი სა­უ­კუ­ნის 20-იან წლებ­შიც ასე გვე­გო­ნა­და ჩვე­ნი ხე­ლით ვან­გრი­ეთ ეკ­ლე­სი­ე­ბი. მამა გაბ­რი­ელ­მა ლე­ნი­ნის სუ­რა­თი რომ დაწ­ვა და ქრის­ტეს მცნე­ბის ქა­და­გე­ბა და­ი­წყო, ქარ­თვე­ლე­ბი არ და­ე­რივ­ნენ სა­ცემ­რად?! თუ მა­ში­ნაც ბოლ­შე­ვი­კე­ბი ჩა­მო­ვიდ­ნენ ჩრდი­ლო­ე­თი­დან? არ მაქვს შიში, რომ კა­ნო­ნი შეგ­ვა­ვიწ­რო­ვებს, სამ­ღვდე­ლო­ე­ბა ისე­დაც სულ შე­ვიწ­რო­ე­ბუ­ლია, მაგ­რამ ხე­ლი­სუფ­ლე­ბამ უნდა და­მარ­წმუ­ნოს, რომ ერს გა­დაგ­ვა­რე­ბა არ ემუქ­რე­ბა. შე­იძ­ლე­ბა, ახლა ცილს ვწა­მებ, მაგ­რამ დარ­წმუ­ნე­ბუ­ლი ვარ, ეს კა­ნო­ნი ჩვე­ნე­ბის და­წე­რი­ლი არაა და ევ­როს­ტრუქ­ტუ­რე­ბი­და­ნაა ნა­კარ­ნა­ხე­ვი.

- არ გეჩ­ვე­ნე­ბათ, რომ ზედ­მე­ტად და­მა­ხინ­ჯე­ბუ­ლი პრო­პა­გან­დაა, თით­ქოს ევ­რო­პა გვა­ი­ძუ­ლებს, სა­ქარ­თვე­ლო­ში კაც­მა კაც­ზე იქორ­წი­ნოს?

- და­მარ­წმუ­ნე, რომ ასე არაა. გლე­ხის პირ­ვე­ლი რე­აქ­ცია ასე­თი იქ­ნე­ბა – არ მინ­და ევ­რო­კავ­ში­რი, 200 წელი რუს­მა ვერ გა­მა­რუ­სა და ახლა შენ გინ­და, მა­მათ­მა­ვა­ლი გამ­ხა­დოო? ამი­ტომ უნდა თქვას ხე­ლი­სუფ­ლე­ბამ - მოდი, ამ კა­ნონს ჩვენ დავ­წერთ და ეროვ­ნულ ცნო­ბი­ე­რე­ბას მო­ვარ­გებთ, ამა­ზე ჩემი ქარ­თვე­ლი იუ­რის­ტე­ბი იმუ­შა­ვე­ბენ და კა­ნონ­ში­ვე ჩა­დე­ბენ პრე­ვენ­ცი­ას, რომ დევ­ნის აკ­რძალ­ვა, მა­გა­ლი­თად, ერ­თსქე­სი­ან­თა ქორ­წი­ნე­ბა­ში არ გა­და­იზ­რდე­ბა. ასე უნდა და­ამ­შვი­დონ სა­ზო­გა­დო­ე­ბა.

- და­ვით უსუ­ფაშ­ვი­ლის თქმით, კა­ნო­ნის მი­ღე­ბა ევ­რო­პის­კენ გა­დად­გმუ­ლი ნა­ბი­ჯია, არ­მი­ღე­ბა კი რუ­სეთ­ში დარ­ჩე­ნა, რად­გან იქ და ბევრ პოსტსაბ­ჭო­თა ქვე­ყა­ნა­ში ეწი­ნა­აღ­მდე­გე­ბი­ან ამ კა­ნონს.

- ესეც ექ­სტრე­მიზ­მია! რას ნიშ­ნავს, ვრჩე­ბით რუ­სეთ­ში? მა­შინ ხალ­ხის უმ­რავ­ლე­სო­ბის რე­აქ­ცია იქ­ნე­ბა – ყო­ჩაღ, რუ­სეთს. გა­მო­დის, მე კი არა, უსუ­ფაშ­ვი­ლია რუ­სეთ­ში ჩვე­ნი შემყვა­ნი. ვირ­თხა რომ ვირ­თხაა და კუ­თხე­ში მი­ამ­წყვდევ, ის გად­მო­დის შე­ტე­ვა­ზე და კაცი რას იზამს?! თავ­ში აზ­რა­დაც არ მომ­სვლია, თუ ეს კა­ნო­ნი არ მინ­და, რუ­სე­თი მინ­და-მეთ­ქი. არ მინ­და რუ­სე­თი. 9 აპ­რილს გვერ­დში ნი­ჩა­ბი მომ­ხვდა... მაგ­რამ თა­ვად და­მის­ვეს სა­კი­თხი ასე.

- თუ ეს კა­ნო­ნი ევ­რო­კავ­შირ­თან ასო­ცი­რე­ბის ხელ­შეკ­რუ­ლე­ბის ხელ­მო­წე­რის­თვი­საა სა­ჭი­რო, მა­ინც არ უნდა მი­ვი­ღოთ?

- როცა ჰო­მო­სექ­სუ­ა­ლიზმს, ამა თუ იმ ფორ­მით, ევ­რო­პას უკავ­ში­რე­ბენ, ჰო­მო­სექ­სუ­ა­ლიზ­მთან ერ­თად, უარს ვამ­ბობ ევ­რო­პა­ზეც. როცა მერე ამ ჩემს ნათ­ქვამს მი­ა­ბა­მენ, გა­მო­დის, რუ­სე­თი გინ­და, თავ­დაც­ვის ინ­სტინ­ქტი მერ­თვე­ბა. მრევ­ლში მყავს ყო­ფი­ლი მე­ძა­ვე­ბი, ყო­ფი­ლი ჰო­მო­სექ­სუ­ა­ლე­ბიც და ისი­ნი სა­უ­კე­თე­სო სუ­ლი­ე­რი შვი­ლე­ბი არი­ან. რად უნდა ამას კა­ნო­ნი! რას ჰქვია, ვი­ღა­ცამ სცე­მოს, მაშ, პო­ლი­ცია რის­თვი­საა? არ მი­ნა­ხავს, ისი­ნი ვინ­მეს გა­ნე­დევ­ნა. ზოგს კარ­გი თა­ნამ­დე­ბო­ბაც ჰქონ­და, დიდი ფი­ნან­სე­ბი და არა­ნა­ი­რი პრობ­ლე­მა არ შექ­მნია. ვერ წარ­მო­მიდ­გე­ნია, ვი­ღაც ვი­ღა­ცას ამის გამო სცემ­დეს. ბუ­ნებ­რი­ვი, მღვდლის ინ­სტინ­ქტი მაქვს ასე­თი - ყო­ველ­თვის და­ჩაგ­რუ­ლის მხა­რეს და­ვი­ჭერ, ჰო­მო­სექ­სუ­ა­ლიც რომ იყოს.

- მა­შინ რა­ტომ მოხ­და 17 მა­ი­სი, რა­ტომ იქცა და­ცინ­ვის საგ­ნად ფრა­ზა "ტა­ბუ­რე­ტით შე­ი­ა­რა­ღე­ბუ­ლი მღვდე­ლი"?

- ეს იმ მღვდელს ჰკი­თხეთ, ვი­საც ხელ­ში ტა­ბუ­რე­ტი ეჭი­რა. მერე იმა­საც, ვინც მას პა­სუ­ხი არ მოს­თხო­ვა. რა ტა­ბუ­რე­ტი, რა გი­ნე­ბა... მღვდე­ლი ქრის­ტეს ხა­ტია. არ შე­იძ­ლე­ბა, მღვდე­ლი იგი­ნე­ბო­დეს, იფურ­თხე­ბო­დეს, თვრე­ბო­დეს, აგ­რე­სი­ას გა­მო­ხა­ტავ­დეს. თუ ეს მა­ინც და­ე­მარ­თა, მუხ­ლებ­ზე უნდა და­ემ­ხოს და პა­ტი­ე­ბა ითხო­ვოს ეკ­ლე­სი­ი­სა და პატ­რი­არ­ქის წი­ნა­შე... არ­სე­ბუ­ლი ფორ­მით, ამ კა­ნონპ­რო­ექ­ტში ხე­ლი­სუფ­ლე­ბის მიერ გან­მარ­ტე­ბუ­ლი არაა, რომ ჩვე­ნი ქრის­ტი­ა­ნუ­ლი სული და ტრა­დი­ცია და­ცუ­ლი იქ­ნე­ბა. გა­რან­ტია არ ჩანს და ამი­ტომ მხარს არ ვუ­ჭერ. თუ გა­რან­ტია გა­მოჩ­ნდე­ბა, მერე ვი­ფიქ­რებ, რაკი ევ­რო­კავ­ში­რი ითხოვს, მა­შინ მი­ვი­ღოთ-მეთ­ქი, თო­რემ დღეს ამ კა­ნო­ნის სა­ჭი­რო­ე­ბას სა­ქარ­თვე­ლო­ში ვერ ვგრძნობ. ვი­ღა­ცამ გეის თუ ჩა­არ­ტყა თავ­ში, ის უფრო მკაც­რად უნდა და­ი­სა­ჯოს, ვიდ­რე კაცი, რო­მელ­მაც მღვდელს ან მან­დი­ლო­სანს ჩა­არ­ტყა? გე­ი­ცა და ნე­ბის­მი­ე­რი მო­ქა­ლა­ქეც აგ­რე­სი­ის­გან თა­ნაბ­რად უნდა და­იც­ვან და ამის­თვის არ­სე­ბობს პო­ლი­ცია. ისე, თუ ადა­მი­ანს უნდა, დის­კრი­მი­ნა­ცი­ის მი­ზეზს რა გა­მო­ლევს – ჩაც­მუ­ლო­ბა, გა­მო­ხედ­ვა, სა­უბ­რის მა­ნე­რა...

- პა­რა­ლე­ლუ­რად, კი­დევ ერთი გარ­ჩე­ვა მოხ­და სამ­თავ­როს მო­ნას­ტერ­ში: დედა პა­რას­კე­ვა წა­მო­ვი­და და ინ­ტერ­ვიუ მის­ცა, ბერი გაბ­რი­ე­ლის მსა­ხუ­რე­ბის­თვის, დედა ქე­თე­ვა­ნი თა­ვის გა­ტეხ­ვით და­მე­მუქ­რა და მო­ნას­ტრი­დან გა­მო­მაგ­დოო. ამა­საც აქვს ახ­სნა და გა­მარ­თლე­ბა?

- არ ვიცი, რა მოხ­და, მაგ­რამ ზო­გა­დად, დედა პა­რას­კე­ვას საქ­ცი­ე­ლი, დედა ქე­თე­ვან­თან მი­მარ­თე­ბა­ში, სულ რომ მარ­თა­ლი იყოს, მა­ინც არას­წო­რია. არ ვიცი, რა მოხ­და, მაგ­რამ დედა პა­რას­კე­ვა მა­ინც მტყუ­ა­ნია. სა­კუ­თა­რი დედა რომ მე­ჩხუ­ბე­ბა, ეს თქვენ უნდა მო­გიყ­ვეთ? ეს არა­ეკ­ლე­სი­უ­რი და არაქ­რის­ტი­ა­ნუ­ლია. შიგ­ნით რა ხდე­ბა, პატ­რი­არ­ქმა და სა­პატ­რი­არ­ქომ უნდა გა­არ­ჩი­ოს.

- ყვე­ლა დას­მუ­ლი კი­თხვის პა­სუ­ხი ბო­ლოს მა­ინც შენ­დო­ბა გა­მო­დის. მა­შინ რა­ტომ მოყ­ვა აჟი­ო­ტა­ჟი ირაკ­ლი ალა­სა­ნი­ას ფრა­ზას – ნა­ცი­ო­ნა­ლებს უნდა ვა­პა­ტი­ო­თო?

- მღვდე­ლი სი­ტყვა "მი­ტე­ვე­ბა­ში" პო­ლი­ტი­კურ კონ­ტექსტს ვე­რა­სო­დეს და­ი­ნა­ხავს. თქვენ რომ ვი­ღა­ცამ შე­უ­რა­ცხყო­ფა მო­გა­ყე­ნოთ და მერე ეს ადა­მი­ა­ნი ჩემ­თან მო­ვი­დეს, ვე­ტყვი, უფალ­მა მო­გი­ტე­ვოს-მეთ­ქი, მაგ­რამ შენ­დო­ბის სა­თხოვ­ნე­ლად თქვენ­თან გა­მო­ვუშ­ვებ. ალა­სა­ნი­ას გა­ვა­მარ­თლებ, თუ ეს ქრის­ტი­ა­ნუ­ლი სუ­ლის­კვე­თე­ბით თქვა, თუმ­ცა, სხვი­სი ჭირი ღო­ბეს ჩხი­რია - მას რა ენაღ­ვლე­ბა, როცა სხვას შვი­ლი მო­უკ­ლეს, გა­უ­უ­პა­ტი­უ­რეს, ქო­ნე­ბა წა­არ­თვეს. ამ დროს ვინ მოგ­ცა უფ­ლე­ბა, სხვას სხვის ნაც­ვლად მი­უ­ტე­ვო. პატ­რი­არ­ქსაც კი არ გა­მო­უ­ცხა­დე­ბია სა­ყო­ველ­თაო მი­ტე­ვე­ბა, ძა­ლი­ან ფრთხი­ლად მი­უდ­გა ამ სა­კითხს და, როცა პატ­რი­არ­ქს წინ უს­წრებ, ზნე­ობ­რი­ვად სა­ხი­ფა­თო მო­მენ­ტია.

- ბო­ლოს, ვიდ­რე მით­ქმა-მოთ­ქმა და­ი­წყე­ბა, რა მოდა და ტენ­დენ­ცი­აა აღ­სა­რე­ბის ტე­ლე­ფო­ნით, სკა­ი­პით და ფე­ის­ბუ­ქით ჩა­ბა­რე­ბაო, იქ­ნებ, ახ­სნათ, ინ­ტერ­ნე­ტაღ­სა­რე­ბა რა შემ­თხვე­ვა­შია და­საშ­ვე­ბი და ეს გა­მო­ნაკ­ლი­სია თუ ახა­ლი წესი?

- ვთქვათ, მე­გო­ბარ­მა რა­ღაც გავ­ნოთ, აწუ­ხებს, უცებ ვერ გნა­ხუ­ლობთ და და­გი­რე­კათ, არ მო­უს­მენთ? გა­მო­დის, აღ­სა­რე­ბას ტე­ლე­ფო­ნი­თაც ძალა ჰქო­ნია. მოს­მე­ნი­სა და მი­ტე­ვე­ბის ძალა თქვენ გაქვთ და მღვდელს არა? მაგ­რამ ამა­საც თა­ვის მი­ნუ­სი აქვს. უფ­ლის სა­ი­დუმ­ლო აღ­სა­რე­ბა კი არა, ამის შე­დე­გად მო­სუ­ლი სი­ნა­ნუ­ლია - როცა ერთი ერ­თზე სა­უბ­რობ მო­ძღვარ­თან, სი­ნა­ნუ­ლის ხელ­შემ­წყო­ბი პი­რო­ბე­ბი, ცხა­დია, ძა­ლი­ან დი­დია. მო­ძღვა­რი გვას­წავ­ლის, რო­გორ შე­ი­ნა­ნო და გახ­სნა გული. როცა ადა­მი­ანს რა­ღაც გუ­ლის­ტკი­ვი­ლი აქვს და მი­რე­კავს, ვუს­მენ. მი­თუ­მე­ტეს, თუ ვიცი, ჩემ­თან იმი­ტომ არ მო­დის, რომ სა­დღაც შორ­საა. ამ დროს უნდა ვა­ნუ­გე­შო, უნდა ვი­ლო­ცო მის­თვის, თუ ლოც­ვას ძალა არ აქვს?! შე­იძ­ლე­ბა, ვი­ღაც ისე­თი სა­სო­წარ­კვე­თი­ლია, თუ იმ მო­მენ­ტში, თუნ­დაც ინ­ტერ­ნე­ტის, მო­ბი­ლუ­რის სა­შუ­ა­ლე­ბით არ უთხა­რი, ღმერ­თმა შე­გინ­დოს და მო­გი­ტე­ვო­სო, გა­მო­უს­წო­რე­ბე­ლი რამ გა­ა­კე­თოს... ამი­ტომ, როცა ადა­მი­ა­ნის შვე­ლა ერთი სი­ტყვი­თა და ერთი ზა­რით შე­გიძ­ლია, ეს უნდა გა­ა­კე­თო.

ნინო კო­მა­ხი­ძე

გა­ზე­თი "ვერ­სია"