უკრაინელების ცეცხლოვანი შოუ და ქვევრის ძეგლი ორმაისობის დღესასწაულზე
ქუთაისში გვირილობის დღესასწაულზე დაგეგმილი ღონისძიებების ზუსტი სია ჯერჯერობით არ არსებობს, თუმცა, უკვე ცნობილია რამდენიმე ღონისძიება, რომელიც ორ მაისს ქალაქის ცენტრალურ ნაწილში გაიმართება. გამოფენების, შეჯიბრებებისა და სხვა ღონიძიებების პარალელურად, ქალაქის ცენტრალურ მოედანზე დაგეგმილია ცეცხლოვანი შოუ, რომელსაც უკრაინელი მოცეკვავეები გამართავენ. დღის კულმინაცია კი ე.წ. ლაზერული შოუ იქნება, რომელიც ქალაქის ცენტრალურ ნაწილში საღამოს ცხრა საათიდან დაიწყება.
ერთ-ერთი მთავარი მოვლენა, რაც ორმაისობის დღესასწაულზე იგეგმება, არის ქვევრის ძეგლი, რომელიც თეთრი ხიდის მიმდებარე ტერიტორიაზე დაიდგმება. როგორც ღონისძიების ორგანიზატორები ამბობენ, ეს ფაქტი განსაკუთრებით მნიშვნელოვანია, რადგან ქვევრში ღვინის დაყენება, როგორც უძველესი ქართული მეთოდი, 2012 წელს იუნესკომ არამატერიალურ კულტურულ მემკვიდრეობად აღიარა.
წყარო: topnews.com.ge
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
